• ການຈັດຕັ້ງການຮຽນ-ການສອນຜ່ານ​ສື່ເອເລັກໂຕຣນິກ

             ການຮຽນ-ການສອນຜ່ານສື່ເອເລັກໂຕຣນິກໝາຍເຖິງການນຳໃຊ້ອິນເຕີເນັດເປັນຊ່ອງທາງການສື່ສານການຮຽນ-ການສອນໂດຍມີການກຳນົດກິດຈະກຳການຮຽນ ແລະ ການສອນທີ່ອອກແບບດ້ວຍວິທີສອນຫຼາຍຮູບແບບ ມີການນຳສະເໜີເນື້ອໃນບົດຮຽນແບບດີຈີໂທ (Digital) ການສື່ສານ ການພົວພັນ ແລະສົນທະນາແລກປ່ຽນບົດຮຽນນໍາກັນ ແລະການປະເມີນຜົນຜ່ານລະບົບເຄື່ອຂ່າຍຄອມພິວເຕີ ຫຼືໃນຫ້ອງຮຽນ.

           ການຮຽນ-ການສອນຜ່ານສື່ເອເລັກໂຕຣນິກ ໃຊ້ການສື່ສານຜ່ານອິນເຕີເນັດລັກສະນະແບບອອນລາຍ (on line) ການຮຽນ-ການສອນຜ່ານສື່ເອເລັກໂຕຣນິກ ຖືກອອກແບບໃຫ້ມີຄວາມໃກ້ຄຽງກັບການສອນໃນຫ້ອງຮຽນປົກກະຕິ ໂດຍໃຊ້ໂປຣແກຣມ ລະບົບການຈັດການການຮຽນ-ການສອນ (Learning Management System: LMS) ເປັນໂປຣແກຣມສໍາຄັນເພື່ອຈໍາລອງວິທີການສອນຈາກການສອນແບບປົກກະຕິໃນຫ້ອງຮຽນມາໃຊ້ເຄື່ອງມືຕ່າງໆ ຂອງລະບົບຈັດການການຮຽນ-ການສອນ ເຊິ່ງອົງປະກອບຂອງລະບົບບໍລິຫານຈັດການການຮຽນ-ການສອນປະກອບດ້ວຍ ການເກັບຂໍ້ມູນພື້ນຖານຂອງຜູ້ຮຽນ, ສະຖິຕິການເຂົ້າຮຽນ, ການຮ່ວມກິດຈະກຳ, ການສື່ສານ ແລະ ສົນທະນາແລກປ່ຽນບົດຮຽນນໍາກັນ ລະຫວ່າງຄູສອນ ກັບຜູ້ຮຽນ ແລະ ຜູ້ຮຽນ ກັບຜູ້ຮຽນ ລວມໄປເຖິງການວັດ ແລະປະເມີນຜົນ.

• ຈຸດປະສົງຂອງວຽກງານ e-learning

           ການຮຽນຜ່ານສື່ເອເລັກໂຕຣນິກ ຫຼື ພາສາອັງກິດຈະເອີ້ນວ່າ “ e-Learning ” ໄດ້ຖືກມານຳໃຊ້ໃນລະບົບການສຶກສາ ເພື່ອສະໜັບສະໜູນ ແລະເພີ່ມທາງເລືອກໃນການຮຽນຮູ້ຂອງຜູ້ຮຽນໃນສະຖາບັນການສຶກສາ ສາມາດເຂົ້າເຖິງຜູ້ຮຽນທີ່ຢູ່ຫ່າງໄກ ໂດຍບໍ່ຈຳກັດສະຖານທີ່ ແລະ ເວລາ (Anywhere-anytime learning) ແລະ ສະໜັບສະໜູນລະບົບການຮຽນຮູ້ທີ່ເນັ້ນໃສ່ຜູ້ຮຽນຮູ້ເປັນໃຈກາງ (Student-Centered Learning) ຜູ້ຮຽນສາມາດຄວບຄຸມ ການຮຽນຮູ້ໄດ້ດ້ວຍຕົນເອງ (Self-paced Learning) ການຮຽນຮູ້ໄດ້ດ້ວຍຕົນເອງໃນລະບົບຜ່ານສື່ເອເລັກໂຕຣນິກ ຈຶ່ງເປັນຊ່ອງທາງສຳຄັນທາງໜຶ່ງຂອງການຮຽນຮູ້ ຂອງທຸກຄົນໃນຍຸກນີ້; ການຮຽນ-ການສອນຜ່ານສື່ເອເລັກໂຕຣນິກ ຫຼື ການຮຽນ-ການສອນ ແບບອອນລາຍ (online) ຈັດເປັນການສຶກສາໃນລະບົບທາງໄກປະເພດໜຶ່ງໃນລະດັບການສຶກສາຊັ້ນສູງ.

• ຂະບວນການພັດທະນາວິຊາການສອນຜ່ານສື່ເອເລັກໂຕຣນິກ

1. ເຈົ້າຂອງລາຍວິຊາອອກແບບການສອນແບບຜ່ານສື່ເອເລັກໂຕຣນິກ ຈາກ ບົດສອນແບບເດີມ.
2. ຄະນະຮັບຜິດຊອບພັດທະນາ ແລະເຈົ້າຂອງລາຍວິຊາຊ່ວຍກັນອອກແບບ ແລະ ສ້າງ.
3. ຄະນະຮັບຜິດຊອບຖ່າຍທໍາຈະດຳເນີນການຖ່າຍທໍາການສອນໃນຫ້ອງສະຕູດີໂອ ແລະ ນອກສະຖານທີ່ ທີ່ກ່ຽວຂ້ອງກັບເນື້ອໃນບົດສອນຕາມວິຊານັ້ນໆ.
4. ຄະນະຮັບຜິດຊອບຕັດຕໍ່ດຳເນີນການຕັດຕໍ່ເພື່ອໃຫ້ໄດ້ວີດີໂອອອກມາໄດ້ຕາມມາດຖານທີ່ວາງໄວ້.
5. ຄະນະຮັບຜິດຊອບພັດທະນາ ແລະເຈົ້າຂອງລາຍວິຊາຊ່ວຍກວດແກ້ຄືນໃຫ້ໄດ້ຄົບຕາມເນື້ອໃນ ແລະ ມາດຖານທີ່ວາງໄວ້.
6. ຄະນະຮັບຜິດຊອບລະບົບການຈັດການການຮຽນ-ການສອນ LMS ອັບໂຫຼດ ວີດີໂອການສອນເຂົ້າສູ່ລະບົບ.
7. ຄະນະຮັບຜິດຊອບລະບົບການຈັດການ ການຮຽນ-ການສອນ ສ້າງລະຫັດໃຫ້ຄູສອນ ແລະນັກສຶກສາ.
8. ຄູສອນ ເຂົ້ານໍາໃຊ້ລະບົບໂດຍນໍາໃຊ້ລະຫັດທີ່ທາງຄະນະຮັບຜິດຊອບລະບົບການຈັດການການຮຽນ-ການສອນ ສ້າງໃຫ້ເພື່ອສົນທະນາ ແລະ ຕອບຄໍາຖາມໃນກໍລະນີນັກສຶກສາຝາກຄໍາຖາມໄວ້ໃນລະບົບ.
9. ນັກສຶກສາ ເຂົ້ານໍາໃຊ້ລະບົບໂດຍນໍາໃຊ້ລະຫັດທີ່ທາງຄະນະຮັບຜິດຊອບລະບົບການຈັດການການຮຽນ-ການສອນ ສ້າງໃຫ້ເພື່ອສົນທະນາ ແລະ ຕອບຄໍາຖາມນໍາຄູສອນ ຫຼື ນໍານັກສຶກສາດ້ວຍກັນ.

• ວຽກ​ງານ​ການຮຽນ-ການສອນ E-Learning

ຫ້ອງການວິຊາການ ມຊ, ພະແນກການສຶກສາທາງໄກ ຮ່ວມມືກັບສູນໄອທີ ແລະ ບໍລິສັດພັດທະນາລາວ ແລະ ທີ່ປຶກສາຈໍາກັດຜູ້ດຽວ ໄດ້ພັດທະນາສື່ການຮຽນ-ການສອນໃນຮູບແບບ E-Learning ຂອງ 4 ລາຍວິຊາລວມຄື:  ວິຊາ​ລາວ​ສຶກສາ 1 (LS1), ວິຊາ​ລາວ​ສຶກສາ 2 (LS2), ວິຊາ​ຈິດຕະວິທະຍາທົ່ວໄປ (PY)  ​ແລະ ວິຊາ​ການ​ເມືອງ (PO) ສໍາລັບນັກສຶກສາ ປີທີ1 ​ໃນສົກສຶກສາ 2021-2022.

ກ. ສົກສຶກສາ 2021-2022 ໄດ້ຈັດການຮຽນ-ການສອນ ໃນຮູບແບບ E-Learning ໃຫ້ຄະນະວິຊາຕ່າງໆ  2 ວິຊາພື້ນຖານຄຶ: ວິຊາ​ລາວ​ສຶກສາ 1 (LS1) ແລະ ວິຊາ​ຈິດຕະວິທະຍາທົ່ວໄປ (PY).

ຂ. ສົກສຶກສາ 2022-2023 ຈະໄດ້ຈັດການຮຽນ-ການສອນ 4 ລາຍວິຊາພື້ນຖານຄື: ວິຊາ​ລາວ​ສຶກສາ 1 (LS1), ວິຊາ​ລາວ​ສຶກສາ 2 (LS2), ວິຊາ​ຈິດຕະວິທະຍາທົ່ວໄປ (PY)  ​ແລະ ວິຊາ​ການ​ເມືອງ (PO).

ໃນຕໍ່ໜ້າ ຈະຮ່ວມມືກັບພາກສ່ວນທີ່ກ່ຽວຂ້ອງຜະລິດສື່ການຮຽນ-ການສອນໃນຮູບແບບ E-Learning ໃນສາຂາວິຊາລວມຂອງຄະນະວິຊາຕ່າງໆຕື່ມອີກ.

ລິ້ງ :  https://nuol-slms.laodevhub.com/

ໝາຍເຫດ: ມຊ ຈະມີຄູ່ມືການຈັດຕັ້ງການຮຽນ-ການສອນຜ່ານສື່ເອເລັກໂຕຣນິກ ເຊິ່ງສ້າງຂຶ້ນມາໃນປີ 2021.

ສະພາມະຫາວິທະຍາໄລແຫ່ງຊາດ

•  ທີ່ຕັ້ງຂອງ ສະພາມະຫາວິທະຍາໄລແຫ່ງຊາດ

          ສະພາມະຫາວິທະຍາໄລແຫ່ງຊາດ (ເອີ້ນຊື່ຫຍໍ້ວ່າ “ສພມຊ.”) ສ້າງຕັ້ງຂຶ້ນຕາມດຳລັດສະບັບເລກທີ 50/ນຍ, ລົງວັນທີ 09 ມິຖຸນາ 1995

• ພາລະບົດບາດຂອງ  ສະພາມະຫາວິທະຍາໄລແຫ່ງຊາດ

         ສະພາມະຫາວິທະຍາໄລແຫ່ງຊາດມີພາລະບົດບາດ:

1. ຄົ້ນຄວ້າ ແລະ ຮັບຜ່ານນະໂຍບາຍ, ແຜນຍຸດທະສາດ, ແຜນພັດທະນາ ແລະ ງົບປະມານຂອງ ມະຫາວິທະຍາໄລແຫ່ງຊາດ (ມຊ) ໃນດ້ານການສຶກສາ, ການຄົ້ນຄວ້າວິທະຍາສາດ, ການບໍລິການທາງວິຊາການໃຫ້ແກ່ຂະແໜງການຕ່າງໆໃນສັງຄົມ, ການປົກປັກຮັກສາ ແລະ ເສີມຂະຫຍາຍສິລະປະ-ວັດທະນະທຳຂອງຊາດ, ຂອງບັນດາເຜົ່າ ໂດຍໃຫ້ສອດຄ່ອງກັບແນວທາງນະໂຍບາຍຂອງພັກ ແລະ ແຜນພັດທະນາຂອງລັດຖະບານ. ຮັບຜ່ານລະບຽບການ, ຫຼັກການ, ຂໍ້ກຳນົດ ແລະ ນິຕິກຳຕ່າງໆ ຂອງ ມຊ. ພິຈາລະນາຮັບຮອງຄະນະວິຊາ, ພາກວິຊາ, ສະຖາບັນ ແລະ ສູນ ເພື່ອນຳສະເໜີຂໍອະນຸມັດນຳກະຊວງສຶກສາທິການ ແລະ ກິີລາ;
2. ຄົ້ນຄວ້າ ແລະ ພິຈາລະນາສະເໜີສະພາການສຶກສາຊັ້ນສູງແຫ່ງຊາດ ເພື່ອພິຈາລະນາຕໍາແໜ່ງວິຊາການຄູສອນຂັ້ນສາດສະດາຈານ, ຮອງສາດສະດາຈານໃຫ້ແກ່ຄູສອນພາຍໃນ ມຊ. ພ້ອມດຽວກັນນັ້ນ, ຍັງສະເໜີຕໍາແໜ່ງວິຊາການຄູສອນຂັ້ນສາດສະດາຈານກິດຕິຄຸນ (Emeritus Professor) ໃຫ້ແກ່ບຸກຄົນພາຍນອກ (ບໍ່ປະຈໍາ) ມຊ. ທີ່ມີຜົນງານ, ຄຸນງາມຄວາມດີໃນການພັດທະນາຊັບພະຍາກອນມະນຸດໃຫ້ແກ່ ມຊ;
3. ຄົ້ນຄວ້າ ແລະ ພິຈາລະນາສະເໜີລັດຖະມົນຕີກະຊວງສຶກສາທິການ ແລະ ກີລາ ອະນຸມັດຕໍາແໜ່ງວິຊາການຄູສອນຂັ້ນອາຈານ ແລະ ຜູ້ຊ່ວຍອາຈານໃຫ້ແກ່ຄູສອນພາຍໃນ ມຊ;
4. ຄົ້ນຄວ້າ ແລະ ພິຈາລະນາຕໍາແໜ່ງວິຊາການຄູສອນຂັ້ນສາດສະດາຈານກິດຕິມະສັກ (Honorary Professor)  ແລະ ສາດສະດາຈານພິເສດ (Adjunct Professor) ໃຫ້ແກ່ບຸກຄົນພາຍນອກຕາມການສະເໜີຂອງ ມຊ. ແລະ ຖອນຕໍາແໜ່ງສໍາລັບຜູ້ມີຄະດີເຮັດໃຫ້ມີການເສື່ອມເສຍກຽດສັກສີຂອງ ມຊ;
5. ຄົ້ນຄວ້າ ແລະ ພິຈາລະນາການອອກປະກາສະນີຍະບັດປະລິນຍາເອກກິດຕິມະສັກ (Doctoral Honorarist Causa) ໃຫ້ແກ່ບຸກຄົນພາຍນອກເພື່ອເຊີດຊູຄວາມຮູ້ ແລະ ຄວາມສາມາດພິເສດ ຕາມການສະເໜີຂອງ ມຊ;
6. ສະເໜີແຕ່ງຕັ້ງຄະນະກຳມະການ, ອະນຸກຳມະການ ຫຼື ບຸກຄົນໃດໜຶ່ງ ເພື່ອດຳເນີນງານໃດໜຶ່ງຢູ່ໃນຂອບເຂດ ແລະ ໜ້າທີ່ຂອງ ສພມຊ.

• ໂຄງປະກອບການຈັດຕັ້ງຂອງ ສະພາມະຫາວິທະຍາໄລແຫ່ງຊາດ
•  ໂຄງປະກອບບຸກຄະລາກອນ

1. ປະທານ ສພມຊ;

         ທ່ານ ສຈ. ປອ. ບໍ່ແສງຄໍາ ວົງດາລາ

2. ຮອງປະທານ ສພມຊ. ໂດຍຕຳແໜ່ງແມ່ນອະທິການບໍດີ ມຊ;

        ທ່ານ ຮສ. ປອ. ອຸດົມ ພອນຄໍາເພັງ

3. ເລຂາທິການ ສພມຊ. ໂດຍຕຳແໜ່ງແມ່ນຮອງອະທິການບໍດີຜູ້ຊີ້ນໍາວຽກງານການສຶກສາຫຼັງປະລິນຍາຕີ ມຊ.

       ທ່ານ ຮສ. ປອ. ນ. ສົມຈັນ ບຸນພັນມີ

    4. ສະມາຊິກສະພາ ມຊ. ປະກອບມີ:            

1.  ທ່ານ ສຈ. ປອ. ຮຸ່ງເພັດ ຈັນທະວົງ
2. ທ່ານ ຮສ. ໂພສີ ທິບດາວັນ
3. ທ່ານ ສຈ. ປອ. ພູເພັດ ກ້ຽວພິລາວົງ
4. ທ່ານ ສຈ. ປອ. ນ. ລັດສະໝີ ບຸບຜາ
5. ທ່ານ ຮສ. ປອ. ເດຊານຸລາດ ແສນດວງເດດ
6. ທ່ານ ຮສ. ປອ. ສີຖານ ສຸຂະວົງ
7. ທ່ານ ຮສ. ປອ. ໄກສອນ ເພັງໂສພາ
8. ທ່ານ ຮສ. ປອ. ບົວດຳ ແສງຄຳຄຸດລາວົງ
9. ທ່ານ ຮສ. ປອ. ສຸກັນ ຈິດປັນຍາ
10. ທ່ານ ຮສ. ປອ. ສິດທິໄຊ ໄຊຍະວົງ
11. ທ່ານ ອຈ. ປອ. ນ. ວັນແສງ ຈຸນລະມະນີ
12. ທ່ານ ອຈ. ປອ. ນ. ວິມົນທາ ຂຽວວົງພະຈັນ
13. ທ່ານ ສຈ. ພິເສດ ປອ. ຮຸ່ຍ ພົນເສນາ
14. ທ່ານ ສຈ. ພິເສດ ປອ. ສົມພອນ ເດດອຸດົມ
15. ທ່ານ ສຈ. ດາລັດ ບຸບຜາ
16. ທ່ານ ຮສ. ປອ. ນ. ນຽນ ສີວົງໄຊ
17. ທ່ານ ຮສ. ປອ. ນ. ສິລິນທອນ ສັກລໍຄຳ
18. ທ່ານ ຮສ. ປອ. ຫຼ້າວັນ ວົງຄຳສານ
19. ທ່ານ ປອ. ຄຳລຽນ ພົນເສນາ
20. ທ່ານ ປອ. ເກດແກ້ວ ສີຫາລາດ
21. ທ່ານ ປອ. ບຸນທ່ຽງ ສີລິປະພາພັນ
22. ທ່ານ ປອ. ບຸນຖອງ ບົວຫອມ
23. ທ່ານ ອຈ. ປອ. ນ. ດາວວີ ກອງມະນີລາ

6. ເລຂານຸການ ສພມຊ. ທີ່ມາຈາກຫ້ອງການການສຶກສາຫຼັງປະລິນຍາຕີ ມຊ.

1. ທ່ານ ປທ. ນ. ບຸນນຳ ຊົມວິມານ
2. ທ່ານ ປທ. ໂສພາພອນ ສຸລິຍະວົງ
3. ທ່ານ ປອ. ນ. ເກສອນ ກັນຫາລີຄຳ

ມະຫາວິທະຍາໄລແຫ່ງຊາດມີ 5 ວິທະຍາເຂດດັ່ງນີ້:

       1.  ວິທະຍາເຂດດົງໂດກ

       2. ວິທະຍາເຂດໂສກປ່າຫຼວງ

       3. ວິທະຍາເຂດນາບົງ

       4. ວິທະຍາເຂດດອນນົກຂຸ້ມ

       5. ວິທະຍາເຂດຕາດທອງ