ສະພາບລວມຂອງສູນ
ສູນຄົ້ນຄວ້າຈີນ ມີຊື່ຫຍໍ້ວ່າ “ສຄຈ”, ເປັນອົງການວິຊາການຄົ້ນຄວ້າທາງວິທະຍາສາດ, ມີຖານະທຽບເທົ່າຂັ້ນຫ້ອງການ, ສັງກັດໃນມະຫາວິທະຍາໄລແຫ່ງຊາດ(ມຊ); ເປັນເສນາທິການໃຫ້ແກ່ ອະທິການບໍດີ ເພື່ອສົ່ງເສີມການຄົ້ນຄວ້າວິທະຍາສາດ ຂອງ ມຊ, ເປັນສູນຄົ້ນຄວ້າຖອດຖອນບົດຮຽນ ຈາກ ສປ. ຈີນ ເພື່ອການພັດທະນາ ສປປ ລາວ. ສຄຈ ຈະຄົ້ນຄວ້າໃນທຸກຂົງເຂດ, ເປັນຕົ້ນແມ່ນດ້ານການເມືອງ-ການປົກຄອງ, ວັດທະນະທຳ-ສັງຄົມ, ເສດຖະກິດ, ວິທະຍາສາດ ແລະ ເຕັກໂນໂລຊີ.
ໜ້າທີ ແລະພາລະບົດບາດ
- ເຕົ້າໂຮມນັກຄົ້ນຄວ້າ ເພື່ອດຳເນີນການຄົ້ນຄວ້າຕາມບູລິມະສິດຂອງການຄົ້ນຄວ້າ ແຕ່ລະໄລຍະ.
- ຂຶ້ນງົບປະມານແກ່ການຄົ້ນຄວ້າ.
- ຄຸ້ມຄອງໂຄງການຄົ້ນຄວ້າທີ່ໄດ້ອະນຸມັດໄປ.
- ເຜີຍແຜ່ຜົນການຄົ້ນຄວ້າໃນຮູບແບບຕ່າງໆ.
ນອກຈາກນີ້ ຍັງມີໜ້າທີ່ພົວພັນກັບສະຖາບັນຄົ້ນຄວ້າຂອງຈີນ ຕາມຄຳເຫັນດີຂອງອະທິການບໍດີ ມຊ. ສຄຈ ມີພາລະບົດບາດ ສະໜອງຂໍ້ມູນ, ຜົນການຄົ້ນຄວ້າທີ່ຈໍາເປັນໃຫ້ແກ່ ມຊ ແລະ ການພັດທະນາເສດຖະກິດ-ສັງຄົມ ຂອງ ສປປ ລາວ. ພັດທະນາ ຊັບພະຍາກອນມະນຸດ ແລະ ສ້າງຄວາມເຂັ້ມແຂງດ້ານການຄົ້ນຄວ້າວິທະຍາສາດ, ການຮ່ວມມື ດ້ານເສດຖະກິດ, ວັດທະນະທໍາ ແລະ ສັງຄົມ ລະຫວ່າງ ສປປ ລາວ ແລະ ສປ ຈີນ.
ຂໍ້ມູນຕິດຕໍ່:
ເບີໂທ: 020 5433 3269
