nuol.edu.la



1513824374 tmp IMG 3090

           ໃນຕອນເຊົ້າ ວັນທີ 20 ທັນວາ 2017 ນີ້, ມະຫາວິທະຍາໄລແຫ່ງຊາດ ໄດ້ຈັດງານແລກປ່ຽນວັດທະນະທຳ ຊາວໜຸ່ມນັກສຶກສານາໆຊາດຄັ້ງທີ III ທີ່ສະໂມສອນໃຫຍ່ ມະຫາວິທະຍາໄລແຫ່ງຊາດ, ໂດຍການເປັນປະທານຂອງທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ທ່ານ ອາລຸນໄຊ ສູນນະລາດ ຮອງເລຂາຄະນະບໍລິຫານງານສູນກາງ ຊາວໜຸ່ມປະຊາຊົນ ປະຕິວັດລາວ(ຊປປລ), ທ່ານ ປອ. ສຳລານ ພັນຄະວົງ ເລຂາຊາວໜຸ່ມກະຊວງສຶກສາທິການ ແລະກີລາ, ມີທ່ານ ຄະນະພັກ ມະຫາວິທະຍາໄລແຫ່ງຊາດ, ປະທານສະຫະພັນແມ່ຍິງ, ປະທານກຳມະບານ ແລະເລຂາ ຄະນະບໍລິຫານງານ ຊາວໜຸ່ມປະຊາຊົນປະຕິວັດລາວ 14 ຮາກຖານ ແລະນັກສຶກສາເຂົ້າຮ່ວມ.                                                                                                                                                                                                                                                                                                                                    

          ການຈັດງານແລກປ່ຽນໃນຄັ້ງນີ້ແມ່ນຈັດຂຶ້ນພາຍໃຕ້ຫົວຂໍ້ " ອາຫານ, ການແລກປ່ຽນວັດທະນະທຳ ຂອງຊາວໜຸ່ມ ຊປປລ ກັບວຽກງານພົວພັນຕ່າງປະເທດ" ມີຈຸດປະສົງເພື່ອເປັນການເຜີຍແຜ່ ຮີດຄອງປະເພນີວັດທະນະທຳ, ເປີດກວ້າງເຜີຍແຜ່ນະໂຍບາຍ ແຜນງານ ແລະຍຸດທະສາດຂອງມະຫາວິທະຍາໄລແຫ່ງຊາດ ໃນເວທີຊາວໜຸ່ມສາກົນ, ແລກປ່ຽນບົດຮຽນ ແລະສ້າງຄວາມສາມັກຄີລະຫວ່າງນັກສຶກສາຕ່າງປະເທດທີ່ສຶກສາຢູ່ໃນມະຫາວິທະຍາໄລແຫ່ງຊາດ ແລະນັກສຶກສາ ມະຫາວິທະຍາໄລແຫ່ງຊາດ, ພ້ອມນັ້ນ ຍັງເປັນການຍົກສູງພາລະບົດບາດຂອງຊາວໜຸ່ມໃນວຽກງານພົວພັນຕ່າງປະເທດອີກດ້ວຍ. ນອກນັ້ນ ໃນພິທີຍັງໄດ້ຮັບຟັງການບັນຍາຍຂອງທ່ານ ອາລຸນໄຊ ສູນນະລາດ ໃນຫົວຂໍ້ "ຊາວໜຸ່ມປະຊາຊົນ ປະຕິວັດລາວ ກັບວຽກງານ ພົວພັນຕ່າງປະເທດ" ໂດຍທ່ານໄດ້ຍົກໃຫ້ເຫັນ ຄວາມໝາຍ-ຄວາມສຳຄັນ ຂອງການພົວພັນຕ່າງປະເທດ ເຊິ່ງ ສປປ ລາວ ມີການຮ່ວມມືກັບ 140 ປະເທດທົ່ວໂລກ ໃນເວທີພາກພື້ນ ແລະສາກົນ ການຮ່ວມມື ກັບບັນດາປະເທດຕ່າງໆນັ້ນ ໄດ້ມີສ່ວນຊ່ວຍໃຫ້ປະເທດຊາດຂອງພວກເຮົາໄດ້ຮັບການພັດທະນາ ແລະການຊ່ວຍເຫຼືອຈາກຫລາຍໆ ພາກສ່ວນນໍາອີກ.

ພາບບັນຍາກາດ

You are here: Home Home Link ກິດຈະກຳແລກປ່ຽນວັດທະນະທຳຊາວໜຸ່ມນັກສຶກສານາໆຊາດຄັ້ງທີ III ປະຈຳປີ 2017