nuol.edu.la



ມະຫາວິທະຍາໄລແຫ່ງຊາດ ຈັດງານພົບປະສັງສັນ ກັບບັນດາຊ່ຽວຊານ, ອາຈານ, ອາສາສະໝັກ ແລະນັກຄົ້ນຄວ້າຕ່າງປະເທດ

1515748073 tmp IMG 3561

ໃນຕອນຄໍ່າວັນທີ 11 ມັງກອນ 2018 ນີ້, ທີ່ສຳນັກງານ ອະທິການບໍດີ ມະຫາວິທະຍາ

ໄລແຫ່ງຊາດໄດ້ຈັດງານພົບປະສັງສັນ ກັບບັນດາຊ່ຽວຊານ, ອາຈານ, ອາສາສະໝັກ ແລະນັກຄົ້ນຄວ້າຈາກຕ່າງປະເທດໂດຍການເປັນກຽດເຂົ້າຮ່ວມຂອງທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ທ່ານເອກອັກຄະລັດຖະທູດຝຣັ່ງ ປະຈຳ ສປປ ລາວ, ທ່ານ ຮອງອະທິການບໍດີ ມຊ. ພ້ອມດ້ວຍບັນດາແຂກທີ່ຖືກເຊີນ, ຄະນະບໍດີ-ຮອງຄະນະບໍດີ, ຫົວໜ້າຫ້ອງການ, ຮອງຫົວໜ້າຫ້ອງການ ແລະພະນັກງານຄູ-ອາຈານທີ່ກ່ຽວຂ້ອງເຂົ້າຮ່ວມ.

ໂອກາດນີ້ທ່ານສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດໄດ້ກ່າວບາງຕອນວ່າ: ຂ້າພະເຈົ້າໃນນາມຕາງໜ້າໃຫ້ຄະນະນຳ ມະຫາວິທະຍາໄລແຫ່ງຊາດ. ຂໍສະແດງຄວາມຂອບໃຈ ແລະສະແດງຄວາມຊົມເຊີຍຕໍ່ບັນດາ ຊ່ຽວຊານ, ອາຈານ, ອາສາສະໝັກ ແລະນັກຄົ້ນຄວ້າຕ່າງປະເທດ ທີ່ໄດ້ປະຕິບັດໜ້າທີ່ຢູ່ມະຫາວິທະຍາໄລແຫ່ງຊາດ, ໃນພິທີນີ້ຖືວ່າມີຄວາມໝາຍ -ຄວາມສຳຄັນເພື່ອເປັນການຢັ້ງຢືນເຖິງຜົນງານ, ຄວາມມີມານະອົດທົນ, ປະ

ກອບສ່ວນທັງສະຕິປັນຍາ ແລະເຫື່ອແຮງເຂົ້າໃນວຽກງານວິຊາສະເພາະຢ່າງຕັ້ງໜ້າຂອງບັນດາຊ່ຽວຊານ, ອາຈານ, ອາສາສະໝັກ ແລະນັກຄົ້ນຄວ້າຕ່າງປະເທດ ໃນວຽກງານການສຶກສາ, ການຄົ້ນຄວ້າວິທະຍາສາດ ແລະການພັດທະນາຊັບພະຍາກອນມະນຸດ ໃຫ້ແກ່ມະຫາວິທະຍາໄລແຫ່ງຊາດ ພ້ອມນັ້ນ ຍັງເປັນການສ້າງສາຍພົວພັນອັນດີໃນການແລກປ່ຽນບົດຮຽນ ແລະປະສົບການທີ່ດີຮ່ວມກັນ.

ໃນພິທີຍັງໄດ້ມີການສະແດງສິລະປະ ການຟ້ອນ ຂອງໜ່ວຍສິລະປະນັກສຶກສາຈາກ ມະຫາວິທະຍາໄລແຫ່ງຊາດ ແລະສະຖາບັນຂົງຈື, ຈາກນັ້ນ ບັນດາທ່ານ ຄະນະນຳ ມະຫາວິທະ

ຍາໄລແຫ່ງຊາດ. ກໍໄດ້ມ່ວນຊື່ນຟ້ອນລຳວົງສາມັກຄີ ຮ່ວມກັບ ບັນດາຊ່ຽວຊານ, ອາຈານ, ອາສາສະໝັກ ແລະນັກຄົ້ນຄວ້າຕ່າງປະເທດດ້ວຍບັນຍາກາດໄມຕີຈິດ-ມິດຕະພາບ.

ພາບບັນຍາກາດ

You are here: Home ຂ່າວ ມະຫາວິທະຍາໄລແຫ່ງຊາດ ຈັດງານພົບປະສັງສັນ ກັບບັນດາຊ່ຽວຊານ, ອາຈານ, ອາສາສະໝັກ ແລະນັກຄົ້ນຄວ້າຕ່າງປະເທດ