nuol.edu.la



ມຊ ເຊື່ອມຊຶມມະຕິກອງປະຊຸມຄົບຄະນະຂອງສູນກາງພັກ ຄັ້ງທີ V

1512014578 tmp IMG 20466

            ໃນຕອນເຊົ້າ ວັນທີ 28 ພະຈິກ 2017 ທີ່ຜ່ານມາ, ມະຫາວິທະຍາໄລແຫ່ງຊາດ ໄດ້ຈັດກອງປະຊຸມເຊື່ອມຊຶມມະຕິກອງປະຊຸມ ຄົບຄະນະຂອງຄະນະບໍລິຫານງານສູນກາງພັກ ຄັ້ງທີ V ສະໄໝທີ X ໂດຍການໃຫ້ກຽດບັນຍາຍຂອງ ທ່ານ ສຈ.ປອ. ສົມສີ ຍໍພັນໄຊ ຄະນະພັກກະຊວງສຶກສາທິການ ແລະກີລາ, ເລຂາຄະນະພັກ, ວ່າການອະທິການບໍດີ ມະຫາວິທະຍາໄລແຫ່ງຊາດ, ມີບັນສະຫາຍ ຄະນະພັກ ມະຫາວິທະຍາໄລແຫ່ງຊາດ, ເລຂາຄະນະພັກຮາກຖານ, ຫົວໜ້າໜ່ວຍພັກ, ສະມາຊິກພັກຈາກພາກສ່ວນຕ່າງໆອ້ອມຂ້າງ ມະຫາວິທະຍາໄລແຫ່ງຊາດ ແລະນັກສຳມະນາກອນຊຸດເຝິກອົບຮົມທິດສະດີການເມືອງໄລຍະສັ້ນ 45 ວັນເຂົ້າຮ່ວມຮັບຟັງ.

          ໂອກາດນີ້, ທ່ານ ສຈ. ປອ. ສົມສີ ຍໍພັນໄຊ ໄດ້ບັນຍາຍໃຫ້ຮູ້ກ່ຽວກັບມະຕິກອງປະຊຸມຄົບຄະນະ ຂອງຄະນະບໍລິຫານງານສູນກາງພັກຄັ້ງທີ V ສະໄໝທີ 10, ໂດຍໄດ້ມີການຕີລາຄາຜົນຂອງການຜັນຂະຫຍາຍ ແລະການຈັດຕັ້ງປະຕິບັດມະຕິກອງປະຊຸມສູນກາງພັກຄົບຄະນະຄັ້ງທີ IV ຂອງຄະນະບໍລິຫານງານສູນກາງພັກ ສະໄໝທີ X ທີ່ໄດ້ມີຄວາມເປັນເອກະພາບກັນໃນໄລຍະການຜັນຂະຫຍາຍມະຕິກອງປະຊຸມດັ່ງກ່າວ, ສະພາບສາກົນ ແລະພາກພື້ນ ແມ່ນຢູ່ໃນພາວະການປ່ຽນແປງຕະຫຼອດເວລາ. ພ້ອມກັນນັ້ນ ຍັງໄດ້ວິເຄາະ, ໄຈ້ແຍກ ໝາກຜົນການຜັນຂະຫຍາຍແຕ່ລະຂົງເຂດວຽກງານ ເປັນຕົ້ນແມ່ນຂົງເຂດເສດຖະກິດ, ປ້ອງກັນຊາດ-ປ້ອງກັນຄວາມສະຫງົບ, ການພັດທະນາໃນຂົງເຂດວັດທະນະທຳ-ສັງຄົມ, ຂົງເຂດການຕ່າງປະເທດ. ນອກນີ້ ຍັງໃຫ້ຮູ້ກ່ຽວກັບທິດສະດີລວມ ແລະໜ້າທີ່ຈຸດສຸມໃນຕໍ່ໜ້າ, ການເຄື່ອນໄຫວຊີ້ນຳໆພາຂອງຄະນະບໍລິຫານງານ ສູນກາງພັກ ແຕ່ນີ້ຫາກອງປະຊຸມສູນກາງພັກຄັ້ງທີ VI ສະໄໝທີ X ຕ້ອງສຸມໃສ່ການຫັນປ່ຽນແຂງແຮງຢູ່ພາຍໃນພັກ ຕິດພັນກັບການຂະຫຍາຍຜົນຂອງບັ້ນດຳເນີນຊີວິດການເມືອງ ປັບປຸງປົວແປງທົ່ວພັກ, ແນໃສ່ສ້າງພັກໃຫ້ປອດໃສ, ເຂັ້ມແຂງ ແລະໜັກແໜ້ນ ເປັນປັດໄຈຄ້ຳປະກັນພາລະກິດການປ່ຽນແປງໃໝ່ໃຫ້ດຳເນີນໄປຖືກທິດ ແລະສອດຄ່ອງກັບເນື້ອໃນຈິດໃຈຂອງມະຕິກອງປະຊຸມໃຫຍ່ຄັ້ງທີ X ຂອງພັກ. ພ້ອມກັນນັ້ນ, ທ່ານຍັງໃຫ້ຮູ້ອີກວ່າ ມະຕິຕົກລົງຂອງກອງປະຊຸມລັດຖະບານ ເປີດກວ້າງຄັ້ງທີ I ປີ 2017 ໂດຍສະເພາະແມ່ນການສະຫຼຸບ-ຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ ແລະແຜນເງິນຕາ 6 ເດືອນຕົ້ນປີ, ຄາດຄະເນໝົດປີ 2017 ແລະທິດທາງແຜນງານຂອງປີ 2018.

ພາບບັນຍາກາດ

You are here: Home ຂ່າວ ມຊ ເຊື່ອມຊຶມມະຕິກອງປະຊຸມຄົບຄະນະຂອງສູນກາງພັກ ຄັ້ງທີ V