nuol.edu.la



ທຶນການສຶກສາ LANS ຈັດພິທີປິດຊຸດເຝິກອົບຮົມກ່ຽວກັບສະພາວະຄວາມເປັນຜູ້ນໍາຂອງແມ່ຍິງ

ໃນຕອນເຊົ້າ ວັນທີ 22 ກັນຍາ 2017 ທີ່ຜ່ານມາ, ມູນນິທິການສຶກສາແລນ ໄດ້ຈັດພິທີປິດຊຸດເຝິກອົບຮົມກ່ຽວກັບ ສະພາວະຄວາມເປັນຜູ້ນຳຂອງແມ່ຍິງ ໃຫ້ແກ່ນັກສຶກສາທີ່ໄດ້ຮັບທຶນການສຶກສາ ແລະຈົບການສຶກສາ ໃນສົກສຶກສາ 2016-2017 ທີ່ຫ້ອງປະຊຸມສະໂມສອນ ມະຫາວິທະຍາໄລແຫ່ງຊາດ, ໂດຍການເຂົ້າຮ່ວມຂອງ ທ່ານ ຮສ. ປອ. ນາງ ສົມຈັນ ບຸນພັນມີ ຮອງອະທິການບໍດີ ມະຫາວິທະຍາໄລແຫ່ງຊາດ, ຜູ້ຕາງຫນ້າຈາກສະຖາບັນລາວ-ອົດສະຕາລີ, ມີບັນດາແຂກທີ່ຖືກເຊີນ, ພະນັກງານ-ຄູອາຈານ ແລະນັກສຶກສາເຂົ້າຮ່ວມ.

ຈຸດປະສົງຂອງການຈັດຊຸດເຝິກອົບຮົມ ດັ່ງກ່າວແມ່ນເພື່ອການກະກຽມຄວາມພ້ອມກ່ອນການເຮັດວຽກ ສຳລັບເອື້ອຍນ້ອງຍິງທີ່ຫາກໍສຳເລັດການສຶກສາຈາກຮົ້ວມະຫາວິທະຍາໄລ, ເພື່ອຮຽນຮູ້ກ່ຽວກັບການເຮັດວຽກເປັນທີມ, ທັກສະການນຳໃຊ້ພາສາອັງກິດເຂົ້າໃນວຽກງານ, ເພື່ອເສີມສ້າງສະພາວະຄວາມເປັນຜູ້ນຳໃນເວລາປະຕິບັດວຽກງານຕົວຈິງ. ນອກນັ້ນ ໃນຊຸດເຝິກອົບຮົມຍັງມີການນຳສະເໜີຄວາມສະເໝີພາບລະຫວ່າງ ຍິງ-ຊາຍ ໃຫ້ເຫັນໄດ້ບົດບາດຄວາມສຳຄັນ ແລະສິດສະເໝີພາບທີ່ເທົ່າທຽມກັນໃນສັງຄົມ, ເຊິ່ງຊຸດເຝິກອົບຮົມດັ່ງກ່າວແມ່ນໄດ້ດຳເນີນ ມາແຕ່ວັນທີ 21 ສິງຫາ 2017 ເປັນຕົ້ນມາ ແລະມີນັກສຶກສາເຂົ້າຮ່ວມຈຳນວນ 28 ຄົນ. ໃນໂອກາດດັ່ງກ່າວ, ທ່ານ ຮສ. ປອ. ນາງ ສົມຈັນ ບຸນພັນມີ ກໍໄດ້ຂຶ້ນມອບໃບຢັ້ງຢືນ ພ້ອມດ້ວຍຂອງຂວັນຈາກທຶນການສຶກສາ LANS ໃຫ້ແກ່ນັກສຶກສາອີກດ້ວຍ.

 

 

ພາບບັນຍາກາດ

 

You are here: Home ຂ່າວ ທຶນການສຶກສາ LANS ຈັດພິທີປິດຊຸດເຝິກອົບຮົມກ່ຽວກັບສະພາວະຄວາມເປັນຜູ້ນໍາຂອງແມ່ຍິງ