nuol.edu.la



ມະຫາວິທະຍາໄລແຫ່ງຊາດ ເຜີຍແຜ່ຜົນສຳເລັດກອງປະຊຸມ ສະພາແຫ່ງຊາດ ຊຸດທີ VIII

1492758837 tmp IMG 34833

        ເພື່ອແນໃສ່ເຮັດໃຫ້ພະນັກງານຄູ-ອາຈານ ແລະ ນັກສຶກສາ ມະຫາວິທະຍາໄລແຫ່ງຊາດ ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງເນື້ອໃນຜົນສຳເລັດຂອງກອງປະຊຸມສະພາແຫ່ງຊາດ ລວມທັງພາລະບົດບາດການເຄື່ອນໄຫວຂອງສະມາຊິກສະພາແຫ່ງຊາດໃນການເປັນຕົວແທນແຫ່ງສິດຜົນປະໂຫຍດຂອງປະຊົນບັນດາເຜົ່າຢ່າງແທ້ຈິງ.

         ວັນທີ 21 ເມສາ 2017, ມະຫາວິທະຍາໄລແຫ່ງຊາດ ໄດ້ຈັດກອງປະຊຸມເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອ 02 ຂອງສະພາແຫ່ງຊາດ ຊຸດທີ VIII ແລະ ສະພາປະຊາຊົນນະຄອນຫຼວງ ຊຸດທີ I ຂຶ້ນທີ່ ຫ້ອງປະຊຸມສະໂມສອນ ມະຫາວິທະຍາໄລແຫ່ງຊາດ, ໃຫ້ກຽດເຜີຍແຜ່ໂດຍທ່ານ ຮສ. ປອ. ພຸດ ສິມມາລາວົງ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 1 ນະຄອນຫຼວງວຽງຈັນ, ຮອງອະທິການບໍດີ ມະຫາວິທະຍາແຫ່ງຊາດ ມີບັນດາທ່ານຄະນະພັກຮາກຖານທັງ 13 ຄະນະວິຊາ, ຄະນະບໍດີ, ສະຖາບັນ, ຫົວໜ້າຫ້ອງການ, ຮອງຫົວໜ້າຫ້ອງການ, ຜູ້ອຳນວຍ ສູນ, ຫໍສະໝຸດກາງ, ໂຮງໝໍ, ໂຮງຮຽນພອນສະຫວັນ ແລະຊົນເຜົ່າກຽມ ມະຫາວິທະຍາໄລແຫ່ງຊາດ, ພະນັກງານຄູ-ອາຈານ ແລະ ນັກສຶກສາເຂົ້າຮ່ວມ.

   ໂອກາດນີ້, ທ່ານ ຮສ. ປອ. ພຸດ ສິມມາລາວົງ ໄດ້ຂຶ້ນລາຍງານຜົນສໍາເລັດກອງປະຊຸມສະໄໝສາມັນເທື່ອທີ 02 ຂອງສະພາແຫ່ງຊາດຊຸດທີ VIII ແລະ ສະພາປະຊາຊົນນະຄອນຫຼວງ ຊຸດທີ I ແລະ ໄດ້ຍົກໃຫ້ເຫັນຫຼາຍບັນຫາສຳຄັນເປັນຕົ້ນແມ່ນການພິຈາລະນາ ແລະ ຮັບຮອງໂຄງປະກອບການຈັດຕັ້ງສະພາແຫ່ງຊາດ ລະບົບອຳນາດລັດ,ວິໄສທັດຮອດປີ 2030 ຍຸດທະສາດພັດທະນາເສດຖະກິດ-ສັງຄົມໄລຍະ 10 ປີ 2016-2025 ແລະ ແຜນພັດທະນາເສດຖະກິດ-ສັງຄົມ 5 ປີຄັ້ງທີ VIIIປີ 2016-2020,ສິດ ແລະ ພາລະບົດບາດຂອງສະມາຊິກສະພາແຫ່ງຊາດ ແລະ ສະພາປະຊາຊົນນະຄອນຫຼວງໃນການເປັນຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນບັນດາເຜົ່າ ແລະ ອື່ນໆ.

ພາບບັນຍາກາດ

 

You are here: Home ຂ່າວ ມະຫາວິທະຍາໄລແຫ່ງຊາດ ເຜີຍແຜ່ຜົນສຳເລັດກອງປະຊຸມ ສະພາແຫ່ງຊາດ ຊຸດທີ VIII