nuol.edu.la



ມະຫາວິທະຍາໄລແຫ່ງຊາດ ຈັດພິທີສະເຫຼີມ-ສະຫຼອງ ປີໃໝ່ລາວ ພສ. ໒໕໖໐

1492487936 tmp IMG 3152

        ເນື່ອງໃນໂອກາດສົ່ງທ້າຍປີເກົ່າ ພສ.໒໕໕໙ ແລະຕ້ອນຮັບປີໃໝ່ລາວ ພສ.໒໕໖໐ ທີ່ໄດ້ໝູນວຽນມາຄົບຮອບອີກວາລະໜຶ່ງ ກໍຄືເປັນການປະຕິບັດຕາມຮີດຄອງປະເພນີອັນດີງາມຂອງຊາດ ທີ່ເຄີຍປະຕິບັດສືບທອດກັນມາ, ໃນວັນທີ 12 ເມສາ 2017 ຜ່ານມານີ້ ມະຫາວິທະຍາໄລແຫ່ງຊາດ ໄດ້ຈັດພິທີສະເຫຼີມ-ສະຫຼອງສົ່ງທ້າຍປີເກົ່າ ແລະຕ້ອນຮັບປີ

ໃໝ່ລາວຂຶ້ນທີ່ ສໍານັກງານອະທິການບໍດີ ມະຫາວິທະຍາໄລແຫ່ງຊາດ ໂດຍມີທ່ານ ສຈ.ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ ພ້ອມ​ດ້ວຍທ່ານຮອງອະທິການບໍດີທັງ 3 ທ່ານ​ຄື: ທ່ານ ຮສ. ປອ. ພຸດ ສິມມາລາວົງ , ທ່ານ ​ຮສ. ປອ. ສົມຈັນ ບຸນພັນມີ, ທ່ານ ຮສ. ປອ. ອຸດົມ ພອນຄຳເພັງ,​ ຄະນະບໍດີ, ຫົວໜ້າຫ້ອງການ, ຜູ້ອຳນວຍການສະ​ຖາ​ບັນ, ຜູ້​ອໍານວຍ​ການ​ສູນ, ຜູ້​ອໍານວຍ​ການ​ຫໍສະໝຸດ​ກາງ, ຜູ້​ອໍານວຍ​ການ​​ໂຮງໝໍ​ວິທະຍາ​ເຂດ​ດົງ​ໂດກ, ຜູ້​ອໍານວຍ​ການ​​ໂຮງຮຽນ​ພອນສະຫວັນ ​ແລະ​ຊົນ​ເຜົ່າກຽມມະຫາວິທະຍາ​ໄລ, ແຂກຖືກເຊີນ, ພະນັກງານຄູ-ອາຈານ, ນັກຮຽນ-ນັກ​ສຶກສາກໍ​​ໄດ້ເຂົ້າຮ່ວມ.

         ການສະເຫຼີມ-ສະຫຼອງສົ່ງທ້າຍປີເກົ່າ ແລະຕ້ອນຮັບປີໃໝ່ລາວ ທີ່ທາງຄະນະນໍາ ມະຫາວິທະຍາໄລແຫ່ງຊາດ ພ້ອມດ້ວຍພະນັກງານ ຄູ-ອາຈານ ຈັດຂຶ້ນໃນປີນີ້ ກໍຄືຫຼາຍປີທີ່ຜ່ານມາ, ​ເລີ່ມຕົ້ນດ້ວຍຕອນ​ເຊົ້າ ​ເວລາ 10:30 ມີພິທີບາສີສູ່ຂວັນ ໄດ້ຈັດຂຶ້ນທີ່ຕຶກສຳນັກງານອະທິການບໍດີ ແລະເປີດໂອກາດໃຫ້ພາກສ່ວນຕ່າງໆໄດ້ອວຍພອນຄະນະນໍາ ແລະຄະນະນຳໄດ້ມີການອວຍພອນພະນັກງານ ຄູ-ອາຈານ, ພະນັກງານບຳນານເຊິ່ງກັນ ແລະກັນ, ຈາກນັ້ນ ກໍໄດ້ເຂົ້າສູ່ງານລ້ຽງອາຫານ​ທ່ຽງ ແລະຮ່ວມມ່ວນຊື່ນ-ລໍາວົງສາມັກຄີກັນຢ່າງຄຶກຄື່ນມ່ວນຊື່ນທີ່ ກ້ອງສະພານລອຍຕຶກສໍານັກງານອະທິການບໍດີ ຈົນເຖິງເວລາອັນສົມຄວນຈຶ່ງໄດ້ເລີກລາກັນ.

         ສ່ວນຄະນະວິຊາຕ່າງໆອ້ອມຂ້າງ ມະຫາວິທະຍາໄລແຫ່ງຊາດ ແມ່ນໄດ້ຈັດຂຶ້ນພ້ອມກັນໃນຄະນະວິຊາຂອງໃຜລາວ. ທັງນີ້ກໍເພື່ອເປັນການ ອະນຸລັກ ແລະສົ່ງເສີມວັດທະນະທໍາ-ຮີດຄອງປະເພນີຂອງຊາດເວົ້າລວມ; ເວົ້າສະເພາະກໍເພື່ອເປັນການສ້າງບັນຍາກາດ ພົບປະສັງສັນລະຫວ່າງຄະນະນໍາ, ພະນັກງານ ຄູ-ອາຈານ, ນັກຮຽນ-ນັກ​ສຶກສາຮ່ວມກັນປີລະຄັ້ງ. ເຊິ່ງ​ເປັນການ​ອວຍພອນ​ໃຫ້​ແກ່​ກັນ ​ແລະ​ຂໍອະ​ໂຫສິໃຫ້​​​​ເຊິ່ງກັນ​ແລະ​ກັນ​ໃນ​ໂອກາດ​ປີ​ໃໝ່​​ນີ້.

ພາບບັນຍາກາດ

You are here: Home ຂ່າວ ມະຫາວິທະຍາໄລແຫ່ງຊາດ ຈັດພິທີສະເຫຼີມ-ສະຫຼອງ ປີໃໝ່ລາວ ພສ. ໒໕໖໐