nuol.edu.la



ງານພົບປະລະຫວ່າງ ສາມອົງການຈັດຕັ້ງມະຫາຊົນ (ຊາວໜຸ່ມ, ກຳມະບານ, ແມ່ຍິງ) ມະຫາວິທະຍາໄລແຫ່ງຊາດກັບຈັດຕັ້ງສູນກາງພັກ

1490841666 tmp IMG 2592

           ໃນວັນທີ 24 ມີນາ 2017 ທີ່ຜ່ານມາ, ຈັດຕັ້ງສູນກາງພັກ ແລະສາມອົງການຈັດຕັ້ງມະຫາຊົນ (ຊາວໜຸ່ມ, ກຳມະບານ, ແມ່ຍິງ) ຂອງມະຫາວິທະຍາໄລແຫ່ງຊາດໄດ້ຈັດງານພົບ ເຮັດກິດຈະກຳຮ່ວມກັນທີ່ ເດີນບານເຕະ VKS, ໂດຍເປັນກຽດເຂົ້າຮ່ວມຂອງທ່ານ ສຈ. ປອ. ສົມສີ ຍໍພັນຳໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ທ່ານ ນາງ ວິໄລ ເພັງສະຫວັດ ຄະນະພັກຜູ້ຊີ້ນຳອົງການຈັດຕັ້ງມະຫາຊົນ (ຊາວໜຸ່ມ, ກຳມະບານ), ທັງເປັນຫົວໜ້າກົມກໍ່ສ້າງພະນັກງານ, ທ່ານ ວັນໄຊ ຟອງສະຫວັນ ຄະນະພັກ ຮອງຫົວໜ້າຫ້ອງການຄະນະຈັດຕັ້ງສູນກາງພັກ, ທ່ານຫົວໜ້າຫ້ອງການ, ຮອງຫົວໜ້າຫ້ອງການ, ພ້ອມດ້ວຍ ພະນັກງານຄູ-ອາຈານ ທັງສອງພາກສ່ວນເຂົ້າຮ່ວມຢ່າງພ້ອມພຽງ.

ໃນໂອກາດນີ້ ທ່ານ ວັນໄຊ ຟອງສະຫວັນ ຄະນະພັກ ຮອງຫົວໜ້າຫ້ອງການຄະນະຈັດຕັ້ງສູນກາງພັກ ກໍໄດ້ກ່າວມີຄຳເຫັນວ່າ: ໃນການເຄື່ອນໄຫວເຮັດກິດຈະກຳໃນມື້ນີ້ແມ່ນມີຄວາມໝາຍຄວາມສຳຄັນຢ່າງຍິ່ງ ເປັນການເພີ່ມພູມຄວາມສາມັກຄີລະຫວ່າງສອງພາກສ່ວນຄື ຈັດຕັ້ງສູນກາງພັກ ແລະມະຫາວິທະຍາໄລແຫ່ງຊາດ ເວົ້າລວມເວົ້າສະເພາະກໍແມ່ນ ອົງການຈັດຕັ້ງມະຫາຊົນ (ຊາວໜຸ່ມ, ກຳມະບານ, ແມ່ຍິງ) ທີ່ຍາມໃດກໍໄດ້ມີການປະສານງານ ຮ່ວມມືກັນດ້ວຍດີຕະຫຼອດມາ. ຫຼັງຈາກນັ້ນ ທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ ແລະທ່ານ ວັນໄຊ ຟອງສະຫວັນ ຄະນະພັກ ຮອງຫົວໜ້າຫ້ອງການຄະນະຈັດຕັ້ງສູນກາງພັກ ກໍໄດ້ມອບຊໍ່ດອກໄມ້ແລກປ່ຽນເຊິ່ງກັນ ແລະກັນ.

ໃນການຈັດກິດຈະກຳຄັ້ງນີ້ແມ່ນເພື່ອແນ່ໃສ່ເສີມສ້າງຄວາມສາມັກຄີເປັນນໍ້າໜຶ່ງໃຈດຽວ, ທັງເປັນການອອກກຳລັງກາຍເພື່ອໃຫ້ໄດ້ທັງສຸຂະພາບທີ່ແຂງແຮງ ແລະຈິດໃຈເບີກບານມ່ວນຊື່ນ. ສຳລັບກິດຈະກຳທີ່ຈັດຂຶ້ນໃນຄັ້ງນີ້ມີ ບານເຕະຊາຍ, ບານເຕະຍິງ ແລະເຕັ້ນແອລໂລບິກ, ສຳລັບຜົນບານເຕະຊາຍແມ່ນ ມະຫາວິທະຍາໄລແຫ່ງຊາດ ສະ ເໜີ ກັບ ຈັດຕັ້ງສູນກາງພັກ 2 ປະຕູຕໍ່ 2 ແລະບານເຕະຍິງ ມະຫາວິທະຍາໄລແຫ່ງຊາດສະເໜີ ກັບ ຈັດຕັ້ງສູນກາງພັກ 1 ປະຕູຕໍ່ 1.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ງານພົບປະລະຫວ່າງ ສາມອົງການຈັດຕັ້ງມະຫາຊົນ (ຊາວໜຸ່ມ, ກຳມະບານ, ແມ່ຍິງ) ມະຫາວິທະຍາໄລແຫ່ງຊາດກັບຈັດຕັ້ງສູນກາງພັກ

ການຮັບສະໝັກ

ທຶນການສຶກສາ