nuol.edu.la



ງານສັບປະດາພາສາຝຣັ່ງ ແລະວາງສະແດງຜົນງານການເຄື່ອນໄຫວຂອງປະເທດທີ່ນຳໃຊ້ພາສາຝຣັ່ງ

1490838625 tmp IMG 2507

           ໃນຕອນເຊົ້າ ວັນທີ 24 ມີນາ 2017, ມະຫາວິທະຍາໄລແຫ່ງຊາດ ໄດ້ຈັດງານວາງສະແດງຜົນງານການເຄື່ອນໄຫວຂອງປະເທດທີ່ນຳໃຊ້ພາສາຝຣັ່ງ ທີ່ ມະຫາວິທະຍາໄລແຫ່ງຊາດ, ໂດຍເປັນກຽດເຂົ້າຮ່ວມຂອງທ່ານ ນາງ ກາອາຣີນ່າ ອີມໂມເນັນ (Madame Kaarina Immonen) ຜູ້ຕາງໜ້າຈາກອົງການ UN ປະຈຳລາວ, ທ່ານ ເຈີໂຣມ ດູບົວ (Mr. Jèrôme Dubois) ຫົວໜ້າຫ້ອງການ ການຮ່ວມມືວັດທະນະທໍາ ລາວ-ຝຣັ່ງ ສະຖາທູດຝຣັ່ງປະຈຳລາວ, ທ່ານ ຮສ. ປອ. ອຸດົມ ພອນຄຳເພັງ ຮອງອະທິການບໍດີ ມະຫາວິທະຍາໄລແຫ່ງຊາດ. ພ້ອມດ້ວຍແຂກທີ່ເຊີນ ແລະນັກສຶກສາເຂົ້າຮ່ວມ.

          ຈຸດປະສົງຂອງການຈັດງານວາງສະແດງໃນຄັ້ງນີ້ກໍແມ່ນເພື່ອແນະນຳສະຖານການສຶກສາ ແລະທຶນສຶກສາຈາກປະເທດທີ່ໃຊ້ພາສາຝຣັ່ງ ໃຫ້ແກ່ນັກສຶກສາໃນ ມະຫາວິທະຍາແຫ່ງຊາດ ເພື່ອໄປສຶກສາຕໍ່ໃນຂະແໜງການສຶກສາທີ່ຕົນເອງສົນໃຈ. ນອກນັ້ນ ພາຍໃນງານຍັງມີການບັນຍາຍກ່ຽວກັບການນຳໃຊ້ພາສາຝຣັ່ງ ແລະແນະນຳສະຖາບັນການສຶກສາຂອງອາສາສະໝັກຈາກອົງການ EU, ຕົວແທນຈາກສະຖານທູດຝຣັ່ງປະຈຳລາວ, ອົງການ OIF, ສູນຝຣັ່ງໂກໂຟນນີ ຈາກປະເທດ ການາດາ, ອົງການ PNUD.

          ສຳລັບພາກສ່ວນທີ່ມາສະແດງໃນງານຄັ້ງນີ້ປະກອບມີ ອົງການ UN (United Nations) ປະຈໍາລາວ, ອົງການເສດຖະກິດການຄ້າລະຫວ່າງປະເທດ EU (European Union), ສູນພາສາຝຣັ່ງໂກໂຟນນີປະຈຳລາວ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ງານສັບປະດາພາສາຝຣັ່ງ ແລະວາງສະແດງຜົນງານການເຄື່ອນໄຫວຂອງປະເທດທີ່ນຳໃຊ້ພາສາຝຣັ່ງ

ການຮັບສະໝັກ

ທຶນການສຶກສາ