nuol.edu.la



ງານວາງສະແດງການສຶກສາຊັ້ນສູງ ຂອງພະແນກສຶກສາແຂວງ ເຊສວນ, ສປ ຈີນ

1490692221 tmp IMG 2429

ໃນຕອນເຊົ້າ ວັນທີ 24 ມີນາ 2017 ທີ່ຜ່ານມາ, ພະແນກສຶກສາແຂວງເຊສວນໄດ້ຈັດງານວາງສະແດງ ການສຶກສາຊັ້ນສູງ ຂອງພະແນກສຶກສາແຂວງ ເຊສວນ, ສປ ຈີນ. ທີ່ສະໂມສອນໃຫ່ຍ ມະຫາວິທະຍາໄລແຫ່ງຊາດ, ໂດຍໃຫ້ກຽດເຂົ້າຮ່ວມເປັນປະທານຂອງ ທ່ານ ຫວັງຊົງຈຽນ (Wang song jian) ຫົວໜ້າພະແນກສຶກສາແຂວງເຊສວນ ສປ ຈີນ ພ້ອມດ້ວຍຄະນະ, ທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ ພ້ອມດ້ວຍແຂກທີ່ຖືກເຊີນ, ພະນັກງານຄູ-ອາຈານ ແລະນັກຮຽນ-ນັກສຶກສາ ເຂົ້າຮ່ວມຢ່າງພ້ອມພຽງ.

ໃນການຈັດງານວາງສະແດງຄັ້ງນີ້ ແມ່ນເພື່ອເສີມຂະຫຍາຍການຮ່ວມມືທາງດ້ານການສຶກສາລະຫວ່າງ ສອງປະເທດ ລາວ-ຈີນ, ພ້ອມທັງເປັນການແລກປ່ຽນຄວາມຮູ້ດ້ານການສຶກສາຊັ້ນສູງ ແລະການຄົ້ນຄວ້າວິທະຍາສາດໃຫ້ແກ່ຄູ-ອາຈານ ແລະນັກສຶກສາໃນທົ່ວມະຫາວິທະຍາໄລແຫ່ງຊາດ.

ໃນໂອກາດນີ້, ທ່ານ ສຈ. ປອ. ສົມສີ ຍໍພັນໄຊ ກໍໄດ້ໃຫ້ກຽດຂຶ້ນກ່າວເປີດພິທີເຊິ່ງມີເນຶ້ອໃນບາງຕອນກ່າວວ່າ: ໃນຕະຫຼອດໄລຍະເວລາທີ່ຜ່ານມາ ມະຫາວິທະຍາໄລແຫ່ງຊາດ ໄດ້ມີການເຊັນບົດບັນທຶກຄວາມເຂົ້າໃຈ ແລະການຮ່ວມມື ກັບ 29 ສະຖາບັນການສຶກສາຕ່າງໆຂອງ ສປ ຈີນ, ໃນສົກຮຽນ 2016-2017 ທີ່ຜ່ານມານີ້ ມະຫາວິທະຍາໄລແຫ່ງຊາດໄດ້ສົ່ງພະນັກງານ ແລະນັກສຶກສາໄປສຶກສາຕໍ່ທີ່ ສປ ຈີນ ທັງ 123 ຄົນ, ໃນນັ້ນ ສຶກສາໃນລະດັບປະລິນຍາຕີ ຈຳນວນ 107 ຄົນ, ລະດັບປະລິນຍາໂທ 13 ຄົນ ແລະລະດັບປະລິນຍາເອກ 3 ຄົນ. ນອກນັ້ນ ຍັງໄດ້ຮັບເອົານັກສຶກສາ ຈາກມະຫາວິທະຍາໄລ ຂອງ ສປ ຈີນ ມາສຶກສາທີ່ ຄະນະ ອັກສອນສາດ, ມະຫາວິທະຍາໄລແຫ່ງຊາດ ໃນສົກຮຽນ 2016-2017 ຈຳນວນ 214 ຄົນ. ສຳລັບການຈັດງານວາງສະແດງໃນຄັ້ງນີ້ ຖືວ່າເປັນໂອກາດອັນດີ ໃຫ້ແກ່ພະນັກງານຄູ-ອາຈານ ແລະນັກສຶກສາໃນທົ່ວປະເທດ ເວົ້າລວມເວົ້າສະເພາະກໍ່ແມ່ນໃນ ມະຫາວິທະຍາໄລແຫ່ງຊາດ ທີ່ຈະໄດ້ແລກປ່ຽນຄວາມຮູ້ກັບ ບັນດາສະຖາບັນການສຶກສາທັງ 16 ສະຖາບັນທີ່ມາຈັດວາງສະແດງ.

ພາຍຫຼັງກ່າວເປີດພິທີ  ທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ ກໍໄດ້ນຳພາ ທ່ານ ຫວັງຊົງຈຽນ (Wang song jian) ຫົວໜ້າພະແນກສຶກສາແຂວງເຊສວນ ສປ ຈີນ, ພ້ອມດ້ວຍຄະນະ ຢ້ຽມຊົມອາຄານຮຽນ ຂອງຄະນະວິຊາຕ່າງໆ ແລະສະຖາບັນຂົງຈື ໃນວິທະຍາເຂດດົງໂດກ, ໃນການຈັດງານວາງສະແດງສະຖາບັນການສຶກສາຊັ້ນສູງຂອງແຂວງເຊສວນຄັ້ງນີ້ ມີທັງ 16 ສະຖາບັນທີ່ຕັ້ງຢູ່ແຂວງເຊສວນ ແລະອ້ອມຂ້າງເຂົ້າຮ່ວມໃນການມາຈັດວາງສະແດງ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ງານວາງສະແດງການສຶກສາຊັ້ນສູງ ຂອງພະແນກສຶກສາແຂວງ ເຊສວນ, ສປ ຈີນ

ການຮັບສະໝັກ

ທຶນການສຶກສາ