nuol.edu.la



ມະຫາວິທະຍາໄລແຫ່ງຊາດ ຈັດຊຸດສຳມະນາກ່ຽວກັບວຽກງານຄຸ້ມຄອງເອກະສານ ແລະ ການສ້າງເອກະສານທາງລັດຖະການ

IMG 1926

           ໃນລະຫວ່າງວັນທີ 10 ຫາ 11 ມີນາ 2017 ທີ່ຜ່ານມາ, ຫ້ອງການສັງລວມ ມະຫາວິທະຍາໄລແຫ່ງຊາດ ໄດ້ຈັດຊຸດສຳ​ມະ​ນາ​ກ່ຽວ​ກັບ​ວຽກງານຄຸ້ມຄອງເອກະສານ ແລະ ການສ້າງເອກະສານທາງລັດຖະການ ທີ່ ຫ້ອງປະຊຸມ ICT ເມືອງປາກຊັນ ແຂວງ ບໍລິຄຳໄຊ, ໂດຍເປັນກຽດເຂົ້າຮ່ວມຂອງທ່ານ ຮສ. ປອ. ອຸດົມ ພອນຄຳເພັງ ຮອງອະທິການບໍດີ ມະຫາວິທະຍາໄລແຫ່ງຊາດ ພ້ອມດ້ວຍ ຮອງຫົວໜ້າຫ້ອງການສັງລວມ, ຄະນະຈັດຕັ້ງພິທີ, ນັກສໍາມະນາກອນຈາກ ຄະນະວິຊາຕ່າງໆ, ຫ້ອງການ, ສູນ ແລະສະຖາບັນ ຈຳນວນ 53 ຄົນ.

ຈຸດປະສົງຂອງການຈັດຊຸດສຳມະນາດັ່ງກ່າວແມ່ນ ເພື່ອຍົກລະດັບຄວາມຮູ້ຄວາມສາມາດທາງດ້ານວຽກງານຄຸ້ມຄອງເອກະສານໄດ້ຮັບການປັບປຸງ ແລະ ຖືກຕ້ອງຕາມລະບົບ; ເພື່ອສ້າງຄວາມເຂັ້ມແຂງດ້ານວຽກງານຄຸ້ມຄອງເອກະສານ; ການສ້າງເອກະສານທາງລັດຖະການ ໃຫ້ມີຄວາມເປັນເອກະພາບກັນທົ່ວປະເທດ ຕາມແຈ້ງການຂອງນາຍົກລັດຖະມົນຕີ, ສະບັບເລກທີ 239/ນຍ ເວົ້າລວມ, ເວົ້າສະເພາະ ແມ່ນພາຍໃນມະຫາວິທະຍາໄລແຫ່ງຊາດ, ພ້ອມທັງ ຜ່ານຄຳແນະນຳກ່ຽວກັບການຈັດຕັ້ງປະຕິບັດດຳລັດວ່າດ້ວຍເອກະສານທາງການຂອງນາຍົກລັດຖະມົນຕີ ສະບັບເລກທີ 23 ນຍ.2 , ການຮ່າງເອກະສານທາງລັດຖະການ ໃຫ້ຖືກຕາມກົດລະບຽບຂອງກະຊວງພາຍໃນວາງອອກ ລວມມີ:ເອກະສານນິຕິກຳຕ່າງໆ, ເອກະສານບໍລິຫານ, ການຄຸ້ມຄອງເອກະສານເຂົ້າອອກ, ໃນການຈັດຊຸດສຳມະນາຄັ້ງນີ້ ແມ່ນໄດ້ມີນັກວິທະຍາກອນ ຈາກກົມຄຸ້ມຄອງເອກະສານ ກະຊວງພາຍໃນ, ຫ້ອງການກະຊວງສຶກສາ ແລະຫ້ອງການສັງລວມ ມາສິດສອນ ແລະອະທິບາຍ ຂັ້ນຕອນການຮ່າງເອກະສານຕ່າງໆ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ມະຫາວິທະຍາໄລແຫ່ງຊາດ ຈັດຊຸດສຳມະນາກ່ຽວກັບວຽກງານຄຸ້ມຄອງເອກະສານ ແລະ ການສ້າງເອກະສານທາງລັດຖະການ

ການຮັບສະໝັກ

ທຶນການສຶກສາ