nuol.edu.la



ທົ່ວສຳນັກງານອະທິການບໍດີ ມຊ. ອອກແຮງງານລວມ ຕ້ອນຮັບວັນແມ່ຍິງ

IMG 1614

ເພື່ອເປັນການຂໍ່ານັບ-ຮັບຕ້ອນ​ ວັນແມ່ຍິງສາກົນ ຄົບຮອບ 107 ປີ (ວັນທີ 8 ມີນາ 1910- ວັນທີ 8 ມີນາ 2017). ຕອນບ່າຍວັນ​ທີ 1 ມີນາ 2017 ນີ້, ພະນັກງານ, ຄູ-ອາຈານ ທົ່ວສໍານັກງານອະທິການບໍດີ ມະຫາວິທະຍາໄລແຫ່ງຊາດ, ​ໄດ້​ຮ່ວມ​ກັນສ້າງຂະບວນການ​ອອກ​ແຮງ​ງານ​ລວມ ທີ່ບໍລິເວນອ້ອມຮອບຕຶກ ແລະພາຍໃນຕຶກສໍານັກງານອະທິການບໍດີ, ​ໂດຍການນໍາພາ ຂອງ​ທ່າ​ນ ຮສ.ປອ. ບົວ​ດໍາ ​ແສງ​ຄໍາ​ຄຸດ​ລາ​ວົງ ຫົວໜ້າ​ຫ້ອງການ​ສັງລວມ ມະຫາວິທະຍາ​ໄລ​ແຫ່ງ​ຊາດ ແລະບັນດາ​ຫົວໜ້າ​ຫ້ອງການ-ຮອງ​ຫົວໜ້າ​ຫ້ອງການຕ່າງໆ ອ້ອມຂ້າງສໍານັກງານອະທິການບໍດີ.

ການ​ອອກ​ແຮງ​ງານ​ລວມ​ ຂອງພະນັກງານ, ຄູ-ອາຈານ ພາຍໃນຕຶກສໍານັກງານອະທິການບໍດີຄັ້ງນີ້, ຖືເປັນການອອກແຮງງານລວມຄັ້ງໃຫຍ່ ອີກຄັ້ງໜຶ່ງ​ ເພື່ອເປັນການສ້າງ​ຂະ​ບວນການ​​ຂໍ່ານັບ​-ຮັບ​ຕ້ອນ​ວັນແມ່ຍິງສາກົນ ທີ 8 ມີນາ 2017. ທີ່ໜູນວຽນມາຄົບຮອບ 107 ປີ; ທັງເປັນການສ້າງ​ບັນຍາກາດ​ ໃນການຮັດແໜ້ນຄວາມສາມັກຄີ ລະຫວ່າງພະນັກງານ, ຄູ-ອາຈານ ພາຍໃນສໍານັກງານອະທິການບໍດີ ໃຫ້​ເລິກ​ເຊິ່ງຍິ່ງຂຶ້ນ. ເຊິ່ງການສ້າງ​ຂະ​ບວນການ​​ອອກ​ແຮງ​ງານຄັ້ງນີ້ ແມ່ນ​ປັດ​ກວດ​ສິ່ງເປິເປື້ອນ​, ເກັບ​ຂີ້​ເຫຍື້ອ, ຕັດແຕ່ງຕົ້ນໄມ້ -ໜານດອກໄມ້, ອະ​ມາ​ໄມຮ່ອງນໍ້າເສຍ​​ ແລະອື່ນໆ. ເພື່ອ​ໃຫ້​ມີ​ຄວາມ​ເປັນລະບຽບ​ຮຽບຮ້ອຍ, ມີຄວາມ​ສວຍ​ສົດ​ງົດ​ງາມ ​ແລະສະອາດ​ງາມ​ຕາ​.

 

ພາບບັນຍາກາດ

 

ທ່ານກຳລັງຢູ່ທີ່: Home ຂ່າວ ທົ່ວສຳນັກງານອະທິການບໍດີ ມຊ. ອອກແຮງງານລວມ ຕ້ອນຮັບວັນແມ່ຍິງ

ການຮັບສະໝັກ

ທຶນການສຶກສາ