nuol.edu.la



ພິທີມອບ-ຮັບໜ້າທີ່ ວ່າການຄະນະບໍດີ ຄະນະວິທະນາສາດປ່າໄມ້

1486025960 tmp IMG 0656

            ໃນຕອນບ່າຍວັນທີ 31 ມັງກອນ 2017 ນີ້, ຄະນະວິທະຍາສາດປ່າໄມ້ ມຊ. ໄດ້ຈັດພິທີມອບ-ຮັບໜ້າທີ່ ວ່າການຄະນະບໍດີ ຄະນະວິທະຍາສາດປ່າໄມ້ ໂດຍເປັນກຽດເຂົ້າຮ່ວມຂອງທ່ານ ສຈ. ປອ. ສົມສີ ຍໍພັນໄຊ ວ່າການແທນອະທິການບໍດີ ມຊ, ທ່ານ ຮສ. ປອ. ຮຸ່ງເພັດ ຈັນທະວົງ ອາດີດ ຄະນະບໍດີ ຄະນະວິທະຍາສາດປ່າໄມ້ ຮອງອະທິການບໍດີ ມຊ, ທ່ານ ຮສ.ປອ. ລັດສະໜີ ບຸບຜາ ວ່າການຄະນະບໍດີ ຄະນະວິທະຍາສາດປ່າໄມ້, ມີຮອງຄະນະບໍດີ ຄະນະວິທະນາສາດປ່າໄມ້, ມີທ່ານຫົວໜ້າຫ້ອງການ, ຮອງຫົວໜ້າຫ້ອງການຈັດຕັ້ງ ແລະຄຸ້ມຄອງພະນັກງານ ມຊ, ຫົວໜ້າພາກວິຊາວິຊາ, ບັນດາແຂກຖືກເຊີນ, ພະນັກງານ, ຄູ-ອາຈານ ພາຍໃນຄະນະດັ່ງກ່າວເຂົ້າຮ່ວມ.       

           ໃນພິທີ ທ່ານນາງ ວຽງສຸກ ແພງບຸບຜາ ຮອງຫົວໜ້າຫ້ອງການຈັດຕັ້ງ ແລະຄຸ້ມຄອງພະນັກງານ, ປະທານສະຫະພັນແມ່ຍິງ ມຊ. ໄດ້ຂຶ້ນຜ່ານຂໍ້ຕົກລົງຂອງລັດຖະມົນຕີກະຊວງສຶກສາທິການ ແລະກີລາ ສະບັບເລກທີ 154/ສສກ.ຈຕ, ລົງວັນທີ 10/01/2017 ວ່າດ້ວຍການແຕ່ງຕັ້ງພະນັກງານດໍາລົງຕໍາແໜ່ງ ວ່າການຄະນະບໍດີ ຄະນະວິທະຍາສາດປ່າໄມ້ ແລະແຕ່ງຕັ້ງ ທ່ານ ຮສ.ປອ. ອານຸລົມ ວິໄລພອນ ຮອງຄະນະບໍດີ ຄະນະວິທະຍາສາດປ່າໄມ້ ເປັນວ່າການຄະນະບໍດີ ຄະນະວິທະຍາສາດການກີລາ ມະຫາວິທະຍາແຫ່ງຊາດ. ໃນໂອກາດກຽວກັນທ່ານ ຮສ. ປອ. ຮຸ່ງເພັດ ຈັນທະວົງ ອະດີດຄະນະບໍດີ ຄະນະວິທະຍາສາດປ່າໄມ້, ຮອງອະທິການບໍດີ ມຊ. ກໍໄດ້ຂຶ້ນກ່າວຄໍາເຫັນ ແລະມອບໜ້າທີ່ໃຫ້ ວ່າການຄະນະບໍດີຜູ້ໃໝ່ວ່າ: ຕະຫຼອດໄລຍະເວລາທີ່ໄດ້ເຮັດໜ້າທີ່ ໃນການບໍລິຫານງານ ຢູ່ຄະນະວິທະຍາສາດປ່າໄມ້ ທີ່ຜ່ານມາແມ່ນໄດ້ສືບຕໍ່ຈັດຕັ້ງປະຕິບັດຫຼາຍໆວຽກງານທີ່ຂັ້ນເທິ່ງມອບໝາຍໃຫ້ສຳເລັດໄປດ້ວຍດີ, ພ້ອມນັ້ນ ຄະນະ ວິທະຍາສາດປ່າໄມ້ ກໍມີການຂະຫຍາຍຕົວ ທາງດ້ານວິຊາການ, ການບໍລິຫານງານ, ການສ້າງບຸກຄະລາກອນ ທີ່ມີຄວາມຮູ້-ຄວາມສາມາດອອກຮັບໃຊ້ສັງຄົມ ແລະຫວັງຢ່າງຍິ່ງວ່າ ຄະນະ ວິທະຍາສາດປ່າໄມ້ ກໍຍັງຈະສືບຕໍ່ໃນການພັດທະນາ ດ້ານຫຼັກສູດ, ດ້ານວິຊາການ ໃຫ້ດີຂຶ້ນ ແລະມີຄວາມເຂັ້ມແຂງກວ່າເກົ່າ.

        ຫຼັງຈາກນັ້ນ ໃນທີ່ປະຊຸມ ກໍໄດ້ມີການລົງນາມເຊັນບົດບັນທຶກ ການມອບ-ຮັບໜ້າທີ່ ວ່າການຄະນະບໍດີ ຄະນະວິທະຍາສາດປ່າໄມ້ ລະຫວ່າງ ທ່ານ ຮສ. ປອ. ຮຸ່ງເພັດ ຈັນທະວົງ ອະດີດ ຄະນະບໍດີ ຄະນະວິທະຍາສາດປ່າໄມ້, ຮອງອະທິການບໍດີ ມຊ ແລະ ທ່ານ ຮສ. ປອ. ນາງ ລັດສະໜີ ບຸບຜາ ວ່າການຄະນະບໍດີ ຄະນະວິທະຍາສາດປ່າໄມ້, ໂດຍຊ້ອງໜ້າ ທ່ານ ສຈ. ປອ. ສົມສີ ຍໍພັນໄຊ ວ່າການແທນອະທິການບໍດີ ມຊ. ພ້ອມດ້ວຍພະນັກງານຄູ-ອາຈານ ຮ່ວມເປັນສັກຂີພິຍານອີກດ້ວຍ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີມອບ-ຮັບໜ້າທີ່ ວ່າການຄະນະບໍດີ ຄະນະວິທະນາສາດປ່າໄມ້

ການຮັບສະໝັກ

ທຶນການສຶກສາ