nuol.edu.la

ມະຫາວິທະຍາໄລແຫ່ງຊາດຄົບຮອບ 20 ປີ



ພິທີປິດງານສຳມະນາແລກປ່ຽນການປະຕິບັດການກ່ຽວກັບຄວາມຮູ້ສະເພາະໃນການອອກແບບ ແລະຄຸນຄ່າທາງດ້ານວັດທະນະທຳ

1486018033 tmp IMG 0444

            ພາຍຫຼັງທີ່ງານສຳມະນາແລກປ່ຽນການປະຕິບັດການກ່ຽວກັບຄວາມຮູ້ສະເພາະໃນການອອກແບບ ແລະຄຸນຄ່າທາງດ້ານວັດທະນະທຳ ລະຫວ່າງຄະນະ ສະຖາປັດຕະຍະກຳສາດ ມະຫາວິທະຍາໄລແຫ່ງຊາດລາວ ແລະຄະນະສະຖາປັດຕະຍະກຳສາດ ມະຫາຈຸລາລົງກອນ ປະເທດໄທ ຄັ້ງທີ IIIໄດ້ດໍາເນີນມາເປັນເວລາ 5 ວັນ ເລີ່ມແຕ່ວັນທີ 23 ຫາ27 ມັງກອນ 2017, ມາຮອດ ຕອນບ່າຍວັນທີ 27 ມັງກອນ 2017 ກໍໄດ້ມີພິທີປິດງານດັ່ງກ່າວນີ້ລົງຢ່າງເປັນທາງການ ທີ່ຫ້ອງປະຊຸມສະໂມສອນໃຫຍ່ ມຊ. ໂດຍການເຂົ້າຮ່ວມເປັນປະທານ ຂອງທ່ານ ຮສ. ປອ. ພຸດ ສິມມາລາວົງ ຮອງອະທິການບໍດີ ມຊ, ມີທ່ານ ຮສ.ດາສັກ ອຸເທນທະປັນຍາ ຄະນະບໍດີ ຄະນະສະຖາປັດຕະຍະກຳສາດ, ທ່ານ ປອ. ບັນດິດ ຈຸລາໄສ ຄະນະບໍດີ ຄະນະສະຖາປັດຕະຍະກຳສາດ ມະຫາວິທະຍາໄລຈຸລາລົງກອນປະເທດໄທ, ມີບັນດາຮອງຄະນະບໍດີ, ຫົວໜ້າພາກວິຊາ,ພະນັກງານຄູ-ອາຈານທີ່ກ່ຽວຂ້ອງ ແລະນັກສຶກສາຄະນະສະຖາປັດຕະຍະກໍາສາດຂອງສອງມະຫາວິທະຍາໄລເຂົ້າຮ່ວມ.

          ຈຸດປະສົງໃນການຈັດງານສຳມະນາແລກປ່ຽນການປະຕິບັດການກ່ຽວກັບຄວາມຮູ້ສະເພາະໃນການອອກແບບ ແລະຄຸນຄ່າທາງດ້ານວັດທະນະທຳຄັ້ງນີ້ ກໍເພື່ອເຮັດໃຫ້ນັກສຶກສາມີຄວາມຮູ້ ຄວາມເຂົ້າໃຈ, ສາມາດຮັບຮູ້ແນວທາງການປະຍຸກໃຊ້ດ້ານການອອກແບບ; ເພື່ອເປັນການເສີມສ້າງການຮ່ວມມື ແລະແລກປ່ຽນທາງດ້ານວິຊາການ; ເພື່ອເປັນການຍົກລະດັບຖານະບົດບາດການຮ່ວມມືຂອງສອງມະຫາວິທະຍາໄລ ກ້າວໄປສູ່ການຮ່ວມມືແລກປ່ຽນໃນດ້ານຕ່າງໆສືບຕໍ່ໄປ. ນອກນັ້ນ; ພາຍໃນງານຍັງໄດ້ມີການວາງສະແດງຜົນງານການອອກແບບວັດທະນະທໍາດ້ານຕົວເມືອງ ແລະຊຸມຊົນຂອງນັກສຶກສາ ເຊິ່ງໄດ້ແບ່ງອອກເປັນ 6 ກຸ່ມຄື: ການສຳຫຼວດວັດແທກອາຄານມໍລະດົກ, ການອອກແບບແສງສະຫວ່າງອາຄານສາສະໜາ, ການອອກແບບສະຖາປັດຕະຍະກຳສະໄໝໃໝ່, ການອອກແບບຊຸມຊົນເມືອງທີ່ມີຄຸນຄ່າທາງດ້ານປະຫວັດສາດ, ການອອກແບບພູມສາດສະຖາປັດຕະຍະກຳ ສຳລັບຊຸມຊົນ ແລະການອອກແບບຜະລິດຕະພັນສຳລັບຊຸມຊົນ ແລະກ່ອນການນຳມາວາງສະແດງນັ້ນ, ໃນແຕ່ລະກຸ່ມກໍໄດ້ມີການນໍາສະເໜີ ແນວຄວາມຄິດ ແລະແຮງບັນດານໃຈໃນການອອກແບບສ້າງສັນຜົນງານ ເຊິ່ງແຕ່ລະຜົນງານແມ່ນໄດ້ມາຈາກການລົງເກັບກຳຂໍ້ມູນຕົວຈິງ ຕາມສະຖານທີ່ຕ່າງໆໃນນະຄອນຫຼວງວຽງຈັນ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີປິດງານສຳມະນາແລກປ່ຽນການປະຕິບັດການກ່ຽວກັບຄວາມຮູ້ສະເພາະໃນການອອກແບບ ແລະຄຸນຄ່າທາງດ້ານວັດທະນະທຳ

ການຮັບສະໝັກ

ທຶນການສຶກສາ