nuol.edu.la



ພິທີມອບ-ຮັບປຶ້ມ ວ່າດ້ວຍການປົກຄອງປະເທດ ແລະບໍລິຫານການເມືອງຂອງທ່ານ ສີຈີ້ນຜິງ

ໃນຕອນເຊົ້າ ວັນທີ 29 ມັງກອນ 2018 ທີ່ສໍານັກງານອະທິການບໍດີ ມະຫາວິທະຍາໄລແຫ່ງຊາດ, ສູນແລກປ່ຽນວັດທະນະທໍາສາກົນເຂດກວາງຊີ ໄດ້ມອບປຶ້ມ “ວ່າດ້ວຍການປົກຄອງປະເທດ ແລະບໍລິຫານການເມືອງຂອງທ່ານ ສີຈີ້ນຜິງ” ສະບັບພາສາອັງກິດ ແລະພາສາຝຣັ່ງ ຈໍານວນ 10 ຊຸດ ໃຫ້ແກ່ມະຫາວິທະຍາໄລແຫ່ງຊາດ. ເປັນກຽດມອບໂດຍ ທ່ານ Zhao Ke ເລຂາທິການໃຫຍ່ສູນແລກປ່ຽນວັດທະນະທໍາສາກົນເຂດກວາງຊີ ແລະເປັນກຽດຮັບໂດຍ ທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ມີທ່ານ ຮອງອະທິການບໍດີ, ທ່ານ ຫົວໜ້າຫ້ອງການ, ຮອງຫົວໜ້າຫ້ອງການ, ຜູ້ປະສານງານຝ່າຍຈີນ-ລາວ ແລະພະນັກງານ-ຄູອາຈານທີ່ກ່ຽວຂ້ອງ ເຂົ້າຮ່ວມ.

ໃນໂອກາດນີ້, ທ່ານ Zhao Ke ກໍໄດ້ສະແດງຄວາມຍ້ອງຍໍຊົມເຊີຍຕໍ່ການຈັດການແຂ່ງຂັນນະວັດຕະກໍາຊາວໜຸ່ມກ່ຽວກັບການພັດທະນາ ແລະການປົກຄອງແຫ່ງພາກພຶ້ນແມ່ນໍ້າຂອງ-ລ້ານຊ້າງ (YICMG) ຄັ້ງທີ 3 ທີ່ມະຫາວິທະຍາໄລແຫ່ງຊາດເປັນເຈົ້າພາບ.

ພ້ອມດຽວກັນນັ້ນ, ທ່ານ ສຈ. ປອ. ສົມສີ ຍໍພັນໄຊ ກໍໄດ້ສະແດງຄວາມຂອບໃຈຢ່າງສູງ ຕໍ່ສູນວັດທະນະທໍາສາກົນເຂດກວາງຊີ ກໍຄື ສປ. ຈີນ ທີ່ໄດ້ມອບປື້ມທີ່ມີຄຸນຄ່າ ເນື່ອງໃນໂອກາດການເປັນເຈົ້າພາບຈັດງານ YICMG ຄັ້ງທີ 3 ແລະຖືເປັນບາດກ້າວທີ່ດີຂອງການຮ່ວມມືເພື່ອການພັດທະນາການສຶກສາລະຫວ່າງສອງປະເທດ ລາວ-ຈີນ ໃນຕໍ່ໜ້າ ອີກດ້ວຍ.

 

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີມອບ-ຮັບປຶ້ມ ວ່າດ້ວຍການປົກຄອງປະເທດ ແລະບໍລິຫານການເມືອງຂອງທ່ານ ສີຈີ້ນຜິງ

ການຮັບສະໝັກ

ທຶນການສຶກສາ