nuol.edu.la



ງານລ້ຽງສົ່ງພະນັກງານເຂົ້າຮັບບໍານານ

1515395168 tmp IMG 3407

             ໃນຕອນບ່າຍ ວັນທີ 5 ມັງກອນ 2018 ນີ້, ມະຫາວິທະຍາໄລແຫ່ງຊາດໄດ້ຈັດງານລ້ຽງສົ່ງພະນັກງານເຂົ້າຮັບບໍານານຊຸດທີ 1 ປະຈໍາປີ 2018 ຂຶ້ນທີ່ ໂຮງແຮມແສງແກ້ວ ນະຄອນຫຼວງວຽງຈັນ, ໂດຍໃຫ້ກຽດເຂົ້າຮ່ວມຂອງທ່ານ ສຈ.ປອ. ສົມສີ ຍໍພັນໄຊ ວ່າການອະທິການບໍດີມະຫາວິທະຍາໄລແຫ່ງຊາດ, ມີບັນດາທ່ານຮອງອະທິການບໍດີ, ຄະນະບໍດີ, ຫົວໜ້າຫ້ອງການ, ຜູ້ອໍານວຍການ ສະຖາບັນ, ສູນ, ຫໍສະໝຸດກາງ, ໂຮງໝໍ, ໂຮງຮຽນ, ພະນັກງານທີ່ກ່ຽວຂ້ອງ ແລະບັນດາພະນັກງານບໍານານເຂົ້າຮ່ວມ.

           ໂອກາດນີ້ ທ່ານ ຮສ. ປອ. ອຸດົມ ພອນຄໍາເພັງ ຮອງອະທິການບໍດີ ມະຫາວິທະຍາໄລແຫ່ງຊາດ ໄດ້ກ່າວຍ້ອງຍໍ-ຊົມເຊີຍຕໍ່ຜົນງານຂອງບັນດາພະນັກງານບໍານານທຸກທ່ານ ທີ່ໄດ້ ປະກອບສ່ວນເຫື່ອແຮງ, ສະຕິປັນຍາ, ຄວາມຮູ້-ຄວາມສາມາດ ເຂົ້າໃນການສ້າງສາພັດທະນາປະເທດຊາດ ເວົ້າລວມ; ເວົ້າສະເພາະ ແມ່ນປະກອບສ່ວນສ້າງບຸກຄະລາກອນ ແລະຮ່ວມສ້າງສາພັດທະນາ ມະຫາວິທະຍາໄລແຫ່ງຊາດ ຕະຫຼອດໄລຍະທີ່ຜ່ານມາ. ໃນໄລຍະຜ່ານມາ, ບັນດາພະນັກງານບໍານານທຸກທ່ານໄດ້ເປັນແບບຢ່າງທີ່ດີໃນການປະຕິບັດໜ້າທີ່ວຽກງານ, ມີຄວາມເປັນຜູ້ນໍາທີ່ດີ, ມີຄວາມບໍລິສຸດ-ຂາວສະອາດຕໍ່ໜ້າທີ່, ກາຍເປັນນັກພັດທະນາທີ່ດີ; ດັ່ງນັ້ນບັນດາຜົນງານດັ່ງກ່າວ ຈຶ່ງເປັນສິ່ງທີ່ຈາລຶກໄວ້ຄຽງຄູ່ກັບ ມະຫາວິທະຍາໄລແຫ່ງຊາດຕະຫຼອດໄປ.

          ໃນໂອກາດດັ່ງກ່າວ, ທ່ານ ບົວຂາວ ສິດທິເດດ ຕາງໜ້າພະນັກງານບໍານານ ກໍໄດ້ກ່າວຄໍາຂອບໃຈຕໍ່ ທ່ານ ອະທິການບໍດີ ກໍຄື ຄະນະນໍາ ມະຫາວິທະຍາໄລແຫ່ງຊາດ ທີ່ໄດ້ໃຫ້ການຊີ້ນໍາ ແລະໃກ້ຊິດ-ຕິດແທດຕະຫຼອດມາ, ທັງສະແດງຄວາມຮູ້ສຶກ, ຄວາມພາກພູມໃຈ ທີ່ຕົນເອງ ກໍຄື ພະນັກງານບໍານານທຸກຄົນ ທີ່ໄດ້ປະກອບສ່ວນເຄື່ອນໄຫວ, ໄດ້ໃຊ້ສະຕິປັນຍາ, ຄວາມຮູ້, ຄວາມສາມາດ ເຂົ້າໃນການພັດທະນາປະເທດຊາດ ກໍຄື ມະຫາວິທະຍາໄລແຫ່ງຊາດຈົນສຸດກົົກສຸດປາຍ.

     ສໍາລັບພະນັກງານ ມະຫາວິທະຍາໄລແຫ່ງຊາດທີ່ເຂົ້າຮັບບໍານານຊຸດ ທີ 1 ປີ 2018 ລວມມີ 9 ທ່ານ(ສະເພາະສໍານັກງານ ອະທິການບໍດີ ມະຫາວິທະຍາໄລແຫ່ງຊາດ).

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ງານລ້ຽງສົ່ງພະນັກງານເຂົ້າຮັບບໍານານ

ການຮັບສະໝັກ

ທຶນການສຶກສາ