nuol.edu.la



ຄະນະຜູ້ແທນຣາດຊະບັນດິດສະພາກໍາປູເຈຍ ຢ້ຽມຢາມມະຫາວິທະຍາໄລແຫ່ງຊາດ

1512634113 tmp IMG 2157

           ໃນຕອນບ່າຍ ວັນທີ 5 ທັນວາ 2017ນີ້, ທ່ານຫົວໜ້າຣາດຊະບັນດິດສະພາກໍາປູເຈຍ ພ້ອມດ້ວຍຄະນະ ໄດ້ມາຢ້ຽມຢາມ ແລະພົບປະຄະນະນໍາ ມະຫາວິທະຍາໄລແຫ່ງຊາດ, ໂດຍການໃຫ້ກຽດຕ້ອນຮັບ ຂອງທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ມີທ່ານ ຮອງອະທິການບໍດີ, ຫົວໜ້າຫ້ອງການ, ພະນັກງານທີ່ກ່ຽວຂ້ອງເຂົ້າຮ່ວມ. ພິທີຕ້ອນຮັບຈັດຂຶ້ນທີ່ຫ້ອງຮັບແຂກຕຶກສໍານັກງານອະທິການບໍດີ ມະຫາວິທະຍາໄລແຫ່ງຊາດ.

          ການມາຢ້ຽມຢາມ ແລະພົບປະຄະນະນໍາ ມະຫາວິທະຍາໄລແຫ່ງຊາດ ຂອງຫົວໜ້າຣາດຊະບັນດິດ ສະພາກໍາປູເຈຍ ພ້ອມຄະນະໃນຄັ້ງນີ້ ແມ່ນເພື່ອສືບຕໍ່ຮັດແໜ້ນສາຍພົວພັນຮ່ວມມືທາງດ້ານວຽກງານການສຶກສາ ລະຫວ່າງສອງປະເທດລາວ-ກໍາປູເຈຍ; ກໍາປູເຈຍ-ລາວ, ເວົ້າສະເພາະກໍແມ່ນການຮ່ວມມືດ້ານວິຊາການລະຫວ່າງມະຫາວິທະຍາໄລແຫ່ງຊາດລາວກັບບັນດາມະຫາວິທະຍາໄລຕ່າງໆໃນປະເທດກໍາປູເຈຍ; ໂດຍເນັ້ນໃສ່ການແລກປ່ຽນບົດຮຽນເຊິ່ງກັນ ແລະກັນ ເປັນຕົ້ນແມ່ນຫຼັກສູດການຮຽນ-ການສອນ, ການຮ່ວມມືຄົ້ນຄວ້າພາສາສາດ(ວັດຈະນານຸກົມ)ຂອງລາວ-ກໍາປູເຈຍ ໃຫ້ມີຄວາມຖືກຕ້ອງ ແລະເຂົ້າໃຈກັນ ໃນການສື່ສານ. ໃນຕອນທ້າຍ ທ່ານ ຮສ. ປອ. ພຸດ ສິມມາລາວົງ ໄດ້ກ່າວສະແດງຄວາມຂອບໃຈຕໍ່ ຄະນະຜູ້ແທນ ຣາດຊະບັນດິດ ສະພາກໍາປູເຈຍ ທີ່ໄດ້ມາພົບປະ-ຢ້ຽມຢາມ ມະຫາວິທະຍາໄລແຫ່ງຊາດໃນຄັ້ງນີ້ ດ້ວຍໄມຕີຈິດ-ມິດຕະພາບ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄະນະຜູ້ແທນຣາດຊະບັນດິດສະພາກໍາປູເຈຍ ຢ້ຽມຢາມມະຫາວິທະຍາໄລແຫ່ງຊາດ

ການຮັບສະໝັກ

ທຶນການສຶກສາ