nuol.edu.la



ພິທີ ມອບ-ຮັບ ອຸປະກອນການຮຽນ-ການສອນ ໃຫ້ແກ່ພາກວິຊາການທ່ອງທ່ຽວ ແລະການໂຮງແຮມ

1512630849 tmp IMG 9567

           ໃນຕອນບ່າຍ ວັນທີ 5 ທັນວາ 2017 ນີ້, ໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວ, ກົມພັດທະນາການທ່ອງທ່ຽວ, ກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວ ໄດ້ມອບອຸປະກອນການຮຽນ-ການສອນ ໃຫ້ແກ່ພາກວິຊາ ການທ່ອງທ່ຽວ ແລະການໂຮງແຮມ ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດ, ໂດຍການກ່າວມອບຂອງທ່ານ ທະວີເພັດ ອຸລາ ຮອງຫົວໜ້າກົມພັດທະນາການທ່ອງທ່ຽວ ກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວ ແລະຮັບໂດຍທ່ານ ຮສ. ນາງ ຄຳຜູ ເພັດໄຊສີ ຫົວໜ້າພາກວິຊາ ການທ່ອງທ່ຽວ ແລະການໂຮງແຮມ, ໂດຍມີທ່ານ ຮສ. ປອ. ບຸນທະວີ ສໍສຳພັນ ຮອງຄະນະບໍດີ ຄະນະວິທະຍາສາດສັງຄົມ, ແຂກທີ່ຖືກເຊີນ, ພະນັກງານ-ຄູອາຈານ ແລະນັກສຶກສາຄະນະດັ່ງກ່າວເຂົ້າຮ່ວມເປັນສັກຂີພິຍານ.

          ສຳລັບອຸປະກອນທີ່ນຳມາມອບໃນຄັ້ງນີ້ປະກອບມີ ຄອມພິວເຕີຕັ້ງໂຕະ ຈຳນວນ 4 ຊຸດ, ຄອມພິວເຕີໂນ໊ດບຸກ ຈຳນວນ 4 ເຄື່ອງ, ເຄື່ອງສາຍ LCD ຈຳນວນ 1 ຊຸດ, ປື້ມຕຳລາການຮຽນ-ການສອນຈຳນວນ 30 ຊຸດ(ຊຸດລະ 5 ຫົວ) ລວມມູນຄ່າທັງໝົດ 54,800,000 ກີບ, (ຫ້າສິບສີ່ລ້ານ ແປດແສນກີບ), ຈຸດປະສົງທີ່ໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວ, ກົມພັດທະນາການທ່ອງທ່ຽວ, ກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວ ມອບອຸປະກອນການຮຽນ-ການສອນ ໃຫ້ແກ່ພາກວິຊາ ການທ່ອງທ່ຽວ ແລະການໂຮງແຮມ ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດ ໃນຄັ້ງນີ້, ກໍເພື່ອເປັນການປະກອບສ່ວນ ຍຸກຍູ້ວຽກງານການສຶກສາ ເວົ້າລວມ; ເວົ້າສະເພາະແມ່ນ ເປັນການອຳນວຍຄວາມສະດວກໃນການຮຽນ-ການສອນໃຫ້ແກ່ຄູອາຈານ ແລະນັກສຶກສາໃນຄະນະວິທະຍາສາດສັງຄົມ. ໃນໂອກາດດັ່ງດ່າວ, ທ່ານ ຮສ. ປອ. ບຸນທະວີ ສໍສຳພັນ ຮອງຄະນະບໍດີ ຄະນະວິທະຍາສາດສັງຄົມ ໄດ້ມອບໃບກຽດຕິຄຸນ ແລະໃບຍ້ອງຍໍ ເພື່ອເປັນການສະແດງຄວາມຮູ້ບຸນຕໍ່ກັບການຊ່ວຍເຫຼືອຄັ້ງນີ້ ໃຫ້ແກ່ ທ່ານ ທະວີເພັດ ອຸລາ ອີກດ້ວຍ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີ ມອບ-ຮັບ ອຸປະກອນການຮຽນ-ການສອນ ໃຫ້ແກ່ພາກວິຊາການທ່ອງທ່ຽວ ແລະການໂຮງແຮມ

ການຮັບສະໝັກ

ທຶນການສຶກສາ