nuol.edu.la



ງານແຂ່ງຂັນກີລາມິດຕະພາບລະຫວ່າງ4ຄະນະວິຊາ

1510560947 tmp IMG 0831

              ໃນຕອນເຊົ້າວັນທີ 11 ພະຈິກ 2017 ຜ່ານມານີ້, ຄະນະວິທະຍາສາດການກີລາ-ກາຍະກຳ ມະຫາວິທະຍາໄລແຫ່ງຊາດ ໄດ້ຈັດກິດຈະກຳແຂ່ງຂັນ ກີລາມິດຕະພາບລະຫວ່າງ 4 ຄະນະວິຊາຄື:ຄະນະສຶກສາສາດ, ຄະນະວິທະຍາສາດສິ່ງແວດລ້ອມ, ຄະນະນິດຕິສາດ ແລະລັດຖະສາດແລະ ຄະນະ ວິທະຍາສາດການກີລາ-ກາຍະກໍາ ຂຶ້ນທີ່ສະໜາມກີລາກາງມະຫາ ວິທະຍາໄລແຫ່ງຊາດ ໂດຍການໃຫ້ກຽດກ່າວເປີດພິທີ ຂອງທ່ານຮສ. ປອ. ອຸດົມ ພອນຄຳເພັງ ຮອງອະທິການບໍດີ ມຊ, ມີບັນດາທ່ານຄະນະນຳທັງ 4 ຄະນະວິຊາ ພ້ອມດ້ວຍພະ ນັກງານ, ຄູ-ອາຈານ ແລະນັກສຶກສາທັງ 4 ຄະນະ ແລະນັກສຶກສາຄະນະວິຊາຕ່າງໆເຂົ້າຮ່ວມ.

            ຈຸດປະສົງໃນການຈັດກິດຈະກຳ ແຂ່ງຂັນກີລາຄັ້ງນີ້, ແມ່ນເພື່ອສະເຫຼີມ-ສະຫຼອງວັນສ້າງຕັ້ງມະຫາວິທະຍາໄລແຫ່ງຊາດຄົບຮອບ 21 ປີ ແລະເພື່ອເປັນການສ້າງຄວາມສາມັກຄີ-ໄມຕີຈິດມິດຕະພາບ ລະຫວ່າງພະນັກງານ, ຄູ-ອາຈານ ແລະນັກສຶກສາທັງ 4 ຄະນະວິຊາ. ປະເພດກີລາທີຈັດເຂົ້າໃນການແຂ່ງຂັນມີ 3 ປະເພດຄື: ກີລາບານເຕະ, ກີລາແລ່ນ 10 ຂາ ແລະ ກີລາດຶງເຊືອກ; ຜ່ານການແຂ່ງຂັນປະເພດກີລາບານເຕະທີມພະນັກງານ, ຄູ-ອາຈານຊະນະເລີດໄດ້ແກ່ ຄະນະສິ່ງແວດລ້ອມ(ຄສວ), ອັນດັບ 2 ໄດ້ແກ່ ຄະນະສຶກສາສາດ(ຄສສ) ແລະອັນດັບ 3 ໄດ້ແກ່ ຄະນະວິທະຍາສາດການກີລາ-ກາຍະກໍາ(ຄວກ). ປະເພດກີລາບານເຕະທີມນັກສຶກສາ ຊະນະເລີດໄດ້ແກ່ ຄະນະນິຕິສາດ ແລະລັດຖະສາ, ອັນດັບ 2 ໄດ້ແກ່ ຄະນະວິທະຍາສາດການກີລາ-ກາຍະກໍາ ແລະອັນອັບດັບ 3 ໄດ້ແກ່ ຄະນະວິທະຍາສາດສິ່ງແວດລ້ອມ. ປະເພດກີລາດຶງເຊືອກທີມພະນັກງານ, ຄູ-ອາຈານ ຊະນະເລີດໄດ້ແກ່ ຄະນະວິທະຍາສາດການກີລາ-ກາຍະກໍາ, ອັນດັບ 2 ໄດ້ແກ່ຄະນະນິຕິສາດ ແລະລັດຖະສາດ ແລະອັນດັບ 3 ໄດ້ແກ່ ຄະນະສຶກສາສາດ. ປະເພດກີລາດຶງເຊືອກນັກສຶກສາ ຊະນະເລີດໄດ້ແກ່ ທີມ ຄະນະວິທະຍາສາດການກີລາ-ກາຍະກໍາ, ອັນດັບ 2 ໄດ້ແກ່ ຄະນະສຶກສາສາດ ແລະອັນດັບ 3 ໄດ້ແກ່ຄະນະນິຕິສາດ ແລະລັດຖະສາດ.ປະເພດກີລາແລ່ນ 10 ຂາຊາຍ ຊະນະເລີດໄດ້ແກ່ ທີມຄະນະສຶກສາສາດ, ອັນດັບ 2 ໄດ້ແກ່ ຄະນະວິທະຍາສາດ ສິ່ງແວດລ້ອມ ແລະອັນດັບ 3 ໄດ້ແກ່ ຄະນະວິທະຍາສາດການກີລາ-ກາຍະກໍາ; ປະເພດກີລາແລ່ນ 10 ຂາຍິງ ຊະນະເລີດໄດ້ແກ່ ທີມ ຄະນະວິທະຍາສາດການກີລາ-ກາຍະກໍາ, ອັນດັບ 2 ໄດ້ແກ່ ຄະນະສຶກສາສາດ ແລະອັນດັບ 3 ໄດ້ແກ່ ຄະນະນິຕິສາດ ແລະລັດຖະສາດ.

ການແຂ່ງຂັນກີລາຄັ້ງນີ້ ແມ່ນໄດ້ດຳເນີນໄປຢ່າງຄຶກຄື້ນ ມີໄມຕີຈິດມິດຕະພາບ ແລະມ່ວນຊື່ນ ໂດຍສະເພາະແມ່ນກອງເຊຍຂອງແຕ່ລະຄະນະວິຊາໄດ້ເຂົ້າຮ່ວມເຊຍ ເຮັດໃຫ້ບັນຍາກາດໃນສະໜາມແຂ່ງຂັນດຳເນີນໄປຢ່າງເບີກບານມ່ວນຊື່ນຕະຫຼອດ 1 ມື້ເຕັມ ແລະກໍໄດ້ຈົບລົງດ້ວຍຜົນສຳເລັດຢ່າງຈົບງາມສຳລັບປີຕໍ່ໄປ(2018)ແມ່ນ ຄະນະສຶກສາສາດ ຮັບເປັນເຈົ້າພາບຈັດງານດັ່ງກ່າວ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ງານແຂ່ງຂັນກີລາມິດຕະພາບລະຫວ່າງ4ຄະນະວິຊາ

ການຮັບສະໝັກ

ທຶນການສຶກສາ