nuol.edu.la



ຄຊປປລ ຮາກຖານສຳນັກງານອະທິການບໍດີ ສະຫຼຸບວຽກງານພົ້ນເດັ່ນໃນໄລຍະ 3 ປີ

ໃນວັນທີ 4 ຕຸລາ 2017 ທີ່ຜ່ານມາ, ຄະນະຊາວໜຸ່ມປະຊາຊົນປະຕິວັດລາວ (ຄຊປປລ) ຮາກຖານສຳນັກງານ ອະທິການບໍດີ ມະຫາວິທະຍາໄລແຫ່ງຊາດໄດ້ຈັດກອງປະຊຸມສະຫຼຸບຜົນງານການເຄື່ອນໄຫວໃນໄລຍະ 3 ປີ ທີ່ຜ່ານມາ(2013-2016) ທີ່ ຫ້ອງປະຊຸມສະໂມສອນໃຫ່ຍ ມະຫາວິທະຍາໄລແຫ່ງຊາດ, ໂດຍການເປັນປະທານ ຂອງສະຫາຍ ໂພສີ ທິບດາວັນ ຄະນະບໍລິຫານງານ ມະຫາວິທະຍາໄລແຫ່ງຊາດ, ຜູ້ຊີ້ນຳວຽກງານຊາວໝຸ່ມ, ສະຫາຍ ພຽງສະໜິດ ຈັນທະວີໄຊ ເລຂາຊາວໝຸ່ມ ມະຫາວິທະຍາໄລແຫ່ງຊາດ, ສະຫາຍ ອານຸສັນຍາ ອິນທະລັງສີ ວ່າການເລຂາຊາວໝຸ່ມ ຮາກຖານສຳນັກງານອະທິການບໍດີ, ມີບັນເລຂາ-ຮອງເລຂາ ແລະສະມາຊິກຊາວໝຸ່ມ ຈາກ 14 ຮາກຖານເຂົ້າຮ່ວມ.

ໃນໂອກາດດັ່ງກ່າວ, ສະຫາຍ ອານຸສັນຍາ ອິນທະລັງສີ ກໍໄດ້ຂື້ນຜ່ານບົດສະຫຼຸບໃນໄລຍະ 3 ປີທີ່ຜ່ານມາ (2013-2016) ວ່າ: ຊາວໜຸ່ມ ຮາກຖານສຳນັກງານອະທິການບໍດີ ລ້ວນແຕ່ແມ່ນຮາກຖານໜື່ງທີ່ຂຶ້ນກັບຄະນະຊາວໜຸ່ມມະຫາວິທະຍາໄລແຫ່ງຊາດ ໂດຍໄດ້ຮັບການຊີ້ນຳໆ ພາໂດຍກົງຈາກຄະນະພັກຮາກຖານ ສຳນັກງານອະທິການບໍດີ ມະຫາວິທະຍາໄລແຫ່ງຊາດ, ການເຄື່ອນໄຫວແມ່ນປະຕິບັດຕາມແນວທາງນະໂຍບາຍຂອງພັກ-ລະບຽບກົດໝາຍຂອງລັດ ແລະຂອງຄະນະຊາວໜຸ່ມ ປະຊາຊົນປະຕິວັດລາວວາງອອກຢ່າງເຂັ້ມງວດ, ມີການຄົ້ນຄວ້າເຊື່ອມຊືມ, ປະຕິບັດຕາມມະຕິກອງປະຊຸມໃຫ່ຍຂອງຜູ້ແທນຊາວໜຸ່ມທົ່ວປະເທດ, ຮາກຖານສຳນັກງານອະທິການບໍດີ ມະຫາວິທະຍາໄລແຫ່ງຊາດ ປະກອບມີ 14 ໜ່ວຍ, ມີສະມາຊິກທັງໝົດ 163 ສະຫາຍ ຍິງ 97 ສະຫາຍ ແລະຜົນງານທີ່ພົ້ນເດັ່ນໃນໄລຍະຜ່ານມາມີຄື: ປຸກລະດົມອ້າຍ-ນ້ອງຊາວໜຸ່ມ ປະກອບຊ່ວຍເຫຼືອສັງຄົມ, ຈັດພິທີສະເຫຼີມສະຫຼອງວັນສ້າງຕັ້ງຊາວໜຸ່ມ ປະຊາຊົນ ປະຕິວັດລາວ ຄົບຮອບ 62 ປີ, ລົງນາມບົດບັນທຶກຊ່ວຍຈຳຮ່ວມກັບ ຄຊປປລ ແຂວງບໍລິຄຳໄຊ, ປະກອບສ່ວນໃນການຈັດງານແຂ່ງຂັນກີລາ ມະຫາວິທະຍາໄລລາວ ຄັ້ງທີ I ແລະອື່ນໆ. ນອກນັ້ນ ຍັງໄດ້ນຳພາສະມາຊິກເຂົ້າຮ່ວມທຸກໆການເຄື່ອນໄຫວ, ການເມືອງ ທີ່ທາງເລຂາຄະນະຊາວໜຸ່ມ ມະຫາວິທະຍາໄລແຫ່ງຊາດ ແລະອົງຄະນະພັກ ມະຫາວິທະຍາໄລແຫ່ງຊາດຈັດຂຶ້ນ ພ້ອມນັ້ນ ສະມາຊິກທຸກຄົນຍັງເອົາໃຈໃສ່ຕໍ່ການສຶກສາອົບຮົມແນວຄິດການເມືອງ, ມີແນວຄິດອຸ່ນອ່ຽງທຸ່ນທ່ຽງ ແລະມີຄວາມຮັບຜິດຊອບຕໍ່ໜ້າທີ່ວຽກງານອີກດ້ວຍ.

ນອກນັ້ນ,ໃນພິທີຍັງມີການມອບໃບຍ້ອງໃຫ່ແກ່ສະມາຊິກຊາວໝຸ່ມຜູ້ທີ່ມີຜົນງານດີເດັ່ນໃນການປະກອບສ່ວນເຄື່ອນໄຫວໃນໄລຍະ 3 ປີທີ່ຜ່ານມາ ຂັ້ນສູນກາງຊາວໝຸ່ມປະຊາຊົນປະຕິວັດລາວ ຈຳນວນ 80 ສະຫາຍ, ຂັ້ນກະຊວງສຶກສາທິການ ແລະກີລາ ຈຳນວນ 72 ສະຫາຍ ແລະຂັ້ນຮາກຖານສຳນັກງານອະທິການບໍດີ ຈຳນວນ 13 ສະຫາຍ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄຊປປລ ຮາກຖານສຳນັກງານອະທິການບໍດີ ສະຫຼຸບວຽກງານພົ້ນເດັ່ນໃນໄລຍະ 3 ປີ

ການຮັບສະໝັກ

ທຶນການສຶກສາ