nuol.edu.la



ຄະນະນຳ ສຳນັກງານນາຍົກ ລົງຕິດຕາມ ແລະເກັບກຳຂໍ້ມູນຮ້ານກິນດື່ມ-ສະຖານບັນເທີງທີ່ຢູ່ໃກ້ຂອບເຂດ ມະຫາວິທະຍາໄລແຫ່ງຊາດ

1499923577 tmp IMG 7962

           ຄະນະນຳຈາກສຳນັັັກງານນາຍົກລັດຖະມົນຕີ (ສນຍ) ໄດ້ລົງຕິດຕາມ ແລະເກັບກຳຂໍ້ມູນບັນດາຮ້ານກິນດື່ມ, ຮ້ານບັນເທີງທີ່ຢູ່ໃກ້ ມະຫາວິທະຍາໄລແຫ່ງຊາດ ໂດຍສະເພາະແມ່ນ 6 ບ້ານທີ່ອ້ອມຂ້າງ ເພື່ອເປັນບ່ອນອີງໃນການຄົ້ນຄວ້ານິຕິກຳທີ່ເໝາະສົມໃນການຄຸ້ມຄອງຮ້ານຂາຍເຫຼົ້າ-ເບຍ, ຮ້ານບັນເທີງ ແລະຮ້ານເກມທີ່ຢູ່ໃຫ້ສະຖານການສຶກສາ, ໃນຕອນເຊົ້າ ວັນທີ 10 ກໍລະກົດ 2017 ຜ່ານມານີ້, ໄດ້ມີການລົງພົບປະຕິດຕາມກວດກາ ແລະຊຸກຍູ້ການຈັດຕັ້ງປະຕິບັດມະຕິຄຳສັ່ງ, ຂໍ້ຕົກລົງຂອງລັດຖະບານ ແລະຄຳເຫັນຊີ້ນຳຈາກທ່ານນາຍົກລັດຖະມົນຕີ ທີ່ຫ້ອງປະຊຸມຕຶກສຳນັກງານອະທິການບໍດີ ມະຫາວິທະຍາໄລແຫ່ງຊາດ, ນຳໂດຍທ່ານ ບຸນເກີດ ສັງສົມສັກ ລັດຖະມົນຕີ ປະຈຳສຳນັກງານນາຍົກລັດຖະມົນຕີ, ທ່ານ ກອງສີ ແສງມະນີ ຮອງລັດຖະມົນຕີ ກະຊວງສຶກສາທິການ ແລະກີລາ ແລະທ່ານ ສຈ.ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ມີທ່ານຮອງອະທິການບໍດີ, ທ່ານເຈົ້າເມືອງ ເມືອງໄຊທານີ, ຫົວໜ້າ-ຮອງຫົວໜ້າຫ້ອງການ, ນາຍບ້ານ, ຕົວແທນເຈົ້າໜ້າທີ່ ພ້ອມດ້ວຍພາກສ່ວນທີ່ກ່ຽວຂ້ອງອ້ອມຂ້າງມະຫາວິທະຍາໄລແຫ່ງຊາດ ເຂົ້າຮ່ວມຈຳນວນ 35 ທ່ານ.

          ໃນການລົງພົບປະ ຄະນະນໍາ ມະຫາວິທະຍາໄລແຫ່ງຊາດ ແລະພາກສ່ວນກ່ຽວຂ້ອງຄັ້ງນີ້, ແມ່ນປະຕິບັດຕາມມະຕິຂໍ້ຕົກລົງວ່າດ້ວຍການແຕ່ງຕັ້ງ ຄະນະຕິດຕາມກວດກາ ແລະຊຸກຍູ້ຈັດຕັ້ງປະຕິບັດ, ດຳລັດ, ມະຕິຄຳສັ່ງ, ຂໍ້ຕົກລົງຂອງລັດຖະບານ ແລະຄຳເຫັນຊີ້ນຳຂອງທ່ານ ນາຍົກລັດຖະມົນຕີ ທັງເປັນການປຶກສາຫາລື, ເກັບກຳຂໍ້ມູນບັນດາຮ້ານກິນດື່ມ ແລະຮ້ານບັນເທີງທີ່ຢູ່ໃກ້ກັບມະຫາວິທະຍາໄລແຫ່ງຊາດ ເປັນຕົ້ນແມ່ນເຂດບ້ານ ດົງໂດກ, ບ້ານ ຕານມີໄຊ, ບ້ານ ນາທົ່ມ, ບ້ານ ໜອງວຽງຄຳ, ບ້ານ ສະພັງເມິກ ແລະບ້ານ ຊ້າງຄູ້, ເພື່ອເປັນບ່ອນອີງໃນການຄົ້ນຄວ້ານິຕິກຳທີ່ເໝາະສົມໃນການຄຸ້ມຄອງຮ້ານຂາຍເຫຼົ້າ-ເບຍ, ຮ້ານບັນເທີງ ແລະຮ້ານເກມທີ່ຢູ່ໃກ້ສະຖານການສຶກສາ ແລະໂຮງໝໍໃນທົ່ວປະເທດ, ເພື່ອເປັນການປະກອບສ່ວນເຂົ້າໃນການປົກປັກຮັກສາຄວາມເປັນລະບຽບຮຽບຮ້ອຍຂອງສັງຄົມ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄະນະນຳ ສຳນັກງານນາຍົກ ລົງຕິດຕາມ ແລະເກັບກຳຂໍ້ມູນຮ້ານກິນດື່ມ-ສະຖານບັນເທີງທີ່ຢູ່ໃກ້ຂອບເຂດ ມະຫາວິທະຍາໄລແຫ່ງຊາດ

ການຮັບສະໝັກ

ທຶນການສຶກສາ