nuol.edu.la



ພິທີບັນຍາຍກ່ຽວກັບແຂ່ງຂັນອອກແບບສຳລັບນັກສຶກສາລະດັບນາໆຊາດທີ່ໄຕ້ຫວັນປະຈຳປີ 2017 ທີ່ ຄສປ

1498816304 tmp IMG 7820

             ໃນຕອນບ່າຍ ວັນທີ 29 ມິຖຸນາ 2017 ທີ່ຜ່ານມາ, ຄະນະສະຖາປັດຕະຍະກຳສາດ ມະຫາວິທະຍາໄລແຫ່ງຊາດ ຮ່ວມກັບ ບໍລິສັດ ບລູກຣາດສ໌ ດີຊາຍ ກຣຸບ ໄດ້ຈັດພິທີບັນຍາຍການແຂ່ງຂັນອອກແບບສຳລັບນັກສຶກສາລະດັບນາໆຊາດທີ່ໄຕ້ຫວັນປະຈຳປີ 2017 ໃນຫົວຂໍ້ “ໂອກາດ” ທີ່ຫ້ອງປະຊຸມ ຄະນະ ສະຖາປັດຕະຍະກໍາສາດ, ໂດຍການເຂົ້າຮ່ວມຂອງທ່ານ ຮສ. ດາສັກ ອຸເທນທະປັນຍາ ຄະນະບໍດີ ຄະນະສະຖາປັດຕະຍະກຳສາດ, ທ່ານ ປະເສີດ ບັນຈົງພັກດີ ປະທານບໍລິສັດ ບລູກຣາດສ໌ ດີຊາຍ ກຣຸບ, ມີບັນດາພະນັກງານ-ຄູອາຈານ ແລະນັກສຶກສາເຂົ້າຮ່ວມຢ່າງຫຼວງຫຼາຍ.

           ໃນໂອກາດນີ້, ທ່ານ ຮສ. ດາສັກ ອຸເທນທະປັນຍາ ໄດ້ກ່າວມີຄວາມເຫັນໃນການຈັດພິທີໃນຄັ້ງນີ້ວ່າ: ການຈັດບັນຍາຍໃນຄັ້ງນີ້ແມ່ນເພື່ອເປັນການນຳສະເໜີ ວິທີການສະໝັກ ແລະ ລາຍລະອຽດຂອງການແຂ່ງຂັນອອກແບບສຳລັບນັກສຶກສາລະດັບນາໆຊາດທີ່ໄຕ້ຫວັນ ຫຼຶTISDC 2017 (Taiwan International Student Design Competition, ເປັນການເປີດໂອກາດໃຫ້ແກ່ນັກສຶກສາຜູ້ທີ່ມີຄວາມສົນໃຈສາມາດສົ່ງຜົນງານຂອງຕົນເອງເຂົ້າຮ່ວມການແຂ່ງຂັນ; ໃນໄລຍະຜ່ານມາ ຄະນະສະຖາປັດຍະກຳສາດ ກໍໄດ້ນຳພານັກສຶກສາຈຳນວນໜຶ່ງເອົາຜົນງານຂອງຕົນໄປວາງສະແດງຢູ່ຕ່າງປະເທດໃນຫຼາຍໆຜົນງານ, ແຕ່ເຖິງແນວໃດກໍຕາມ ເພື່ອໃຫ້ນັກສຶກສາໄດ້ພັດທະນາຄວາມສາມາດຂອງຕົນໃຫ້ທຽບເທົ່າກັບລະດັບພາກພື້ນກໍຄືສາກົນ ກໍຕ້ອງໄດ້ມີການປຸກລະດົມແນວຄວາມຄິດຂອງນັກສຶກສາໃຫ້ກ້ານຳເອົາຜົນງານຂອງຕົນໄປແຂ່ງຂັນໃນຕ່າງປະເທດໃຫ້ຫຼາຍຂຶ້ນ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີບັນຍາຍກ່ຽວກັບແຂ່ງຂັນອອກແບບສຳລັບນັກສຶກສາລະດັບນາໆຊາດທີ່ໄຕ້ຫວັນປະຈຳປີ 2017 ທີ່ ຄສປ

ການຮັບສະໝັກ

ທຶນການສຶກສາ