nuol.edu.la



ພິທີເປີດການນຳໃຊ້ ຫ້ອງການ AUF ສາຂາວຽງຈັນ ແລະ ວິທະຍາເຂດຕິຈິຕອນຝຣັ່ງໂກໂຟນີ ປະຈຳມະຫາວິທະຍາໄລແຫ່ງຊາດ

1498717970 tmp IMG 7669

            ໃນຕອນບ່າຍ ວັນທີ 28 ມິຖຸນາ 2017, ອົງການມະຫາວິທະຍາໄລຝຣັ່ງໂກໂຟນີ (AUF) ໄດ້ຈັດພິທີເປີດການນຳໃຊ້ຫ້ອງການ AUF ສາຂາວຽງຈັນ ແລະ ວິທະຍາເຂດຕິຈິຕອນຝຣັ່ງໂກໂຟນີ (CNF) ປະຈໍາມະຫາວິທະຍາໄລແຫ່ງຊາດ, ໂດຍການເປັນກຽດເຂົ້າຮ່ວມຂອງທ່ານ ຄຳຜາຍ ສີສະຫວັນ ຮອງລັດຖະມົນຕີກະຊວງສຶກສາທິການ ແລະກີລາ, ທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ທ່ານ ນາງ ໂຊຟີ ໂກເອເດີຟົວຣ (Sophie Goedefroit) ຫົວໜ້າຫ້ອງການພາກພື້ນອົງການ AUF ປະຈຳຂົງເຂດອາຊີປາຊີຟິກ, ມີທ່ານຮອງອະທິການບໍດີ, ຄະນະບໍດີ, ຫົວໜ້າຫ້ອງການ, ຮອງຫົວໜ້າຫ້ອງການ, ແຂກທີ່ຖືກເຊີນທັງພາຍໃນ ແລະຕ່າງປະເທດເຂົ້າຮ່ວມ.

           ໃນໂອກາດດັ່ງກ່າວ, ທ່ານ ສຈ. ປອ. ສົມສີ ຍໍພັນໄຊ ໄດ້ຂຶ້ນກ່າວເປີດພິທີວ່າ: ການສ້າງວິທະຍາເຂດຕິຈິຕອນຝຣັ່ງໂກໂຟນີ ແມ່ນການຮ່ວມມືລະຫວ່າງ ມະຫາວິທະຍາໄລແຫ່ງຊາດ ແລະອົງການມະຫາວິທະຍາໄລຝຣັ່ງໂກໂຟນີ, ໃນໄລຍະທີ່ຜ່ານມາແມ່ນໄດ້ມີການບູລະນະ ອາຄານຮຽນຕຶກ ​A ຄືນໃໝ່ເພື່ອ ສ້າງວິທະຍາເຂດຕິຈິຕອນຝຣັ່ງໂກໂຟນີ; ການສ້າງວິທະຍາເຂດ ດັ່ງກ່າວແມ່ນເພື່ອໃຫ້ນັກສຶກສາ ແລະພະນັກງານຄູອາຈານໄດ້ຊົມໃຊ້ໃນການເຂົ້າເຖິງແຫຼ່ງຂໍ້ມູນ, ຄວາມຮູ້ ເວົ້າລວມເວົ້າສະເພາະກໍແມ່ນຂໍ້ມູນທີ່ກ່ຽວກັບພາສາຝຣັ່ງ. ພ້ອມນັ້ນ ກໍຂໍສະແດງຄວາມຂອບໃຈມາຍັງ ທ່ານ ນາງ ໂຊຟີ ໂກເອເດີຟົວຣ (Sophie Goedefroit) ກໍ່ຄື ອົງການມະຫາວິທະຍາໄລຝຣັ່ງໂກນໂຟນີ ທີ່ໄດ້ໃຫ້ການຊ່ວຍເຫຼືອ ແລະໜັບສະໜູນໃນການສ້າງວິທະຍາເຂດ ດັ່ງກ່າວໄດ້ຈົນສຳເລັດ.

           ວິທະຍາເຂດຕິຈິຕອນຝຣັ່ງໂກໂຟນີ ແມ່ນຕັ້ງຢູ່ໃຈກາງວິທະຍາເຂດດົງໂດກ ມະຫາວິທະຍາໄລແຫ່ງຊາດເປັນໜ່ວຍງານໜຶ່ງຂອງອົງການມະຫາວິທະຍາໄລຝຣັ່ງໂກນໂຟນີ ພ້ອມທັງເປັນບ່ອນສຳລັບການຄົ້ນຄວ້າ, ທົດລອງນຳໃຊ້ອຸປະກອນເທັກໂນໂລຊີທີ່ທັນສະໄໝ ເຊິ່ງຈະຊ່ວຍໃຫ້ນັກສຶກສາ ແລະຄູອາຈານ ມີຄວາມສະດວກສະບາຍໃນການເຂົ້າເຖິ່ງຂໍ້ມູນ, ນອກນັ້ນ ວິທະຍາເຂດຕິຈິຕອນຝຣັ່ງໂກໂຟນີ ຍັງເປັນສະຖານທີ່ສຳລັບຖ່າຍທອດການຈັດຕັ້ງປະຕິບັດງານບັນດາໂຄງການລະດັບຊາດ ແລະສາກົນ, ມີຫ້ອງຮຽນທີ່ປະກອບດ້ວຍ: ຫ້ອງສຳລັບການຄົ້ນຄວ້າທົ່ວໄປ, ຫ້ອງຮຽນດ້ວຍຕົນເອງ ແລະຫ້ອງຄອມພີວເຕີ, ຫ້ອງປະຊຸມ (ເປັນຫ້ອງອາເນປະສົງ ສາມາດປະຊຸມທາງໄກ ຫຼື ຈັດກິດຈະກຳ). ນອກນັ້ນ ໃນພິທີບັນດາແຂກຍັງໄດ້ຮ່ວມກັນປູກຕົ້ນໄມ້ ແລະຮ່ວມຊົມແຕ່ລະຫ້ອງຂອງອາຄານອີກດ້ວຍ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີເປີດການນຳໃຊ້ ຫ້ອງການ AUF ສາຂາວຽງຈັນ ແລະ ວິທະຍາເຂດຕິຈິຕອນຝຣັ່ງໂກໂຟນີ ປະຈຳມະຫາວິທະຍາໄລແຫ່ງຊາດ

ການຮັບສະໝັກ

ທຶນການສຶກສາ