nuol.edu.la



ທ່ານເອກອັກຄະລັດຖະທູດ ສະຫະລັດອາເມລິກາປະຈຳ ສປປ ລາວ ຢ້ຽມຢາມ ແລະໂອ້ລົມກັບຄະນະນຳ ມຊ

1498716805 tmp IMG 7474

ໃນຕອນບ່າຍ ວັນທີ 27 ມິຖຸນາ 2017, ທ່ານ ນາງ ຣີນາ ບິດເຕີ (Rena Bitter) ເອກອັກຄະລັດຖະທູດ ສະຫະລັດອາເມລິກາ ປະຈຳ ສປປ ລາວ ພ້ອມດ້ວຍຄະນະ ໄດ້ຢ້ຽມຢາມ ແລະໂອ້ລົມກັບຄະນະນຳມະຫາວິທະຍາໄລແຫ່ງຊາດ ເຊິ່ງໃຫ້ກຽດຕ້ອນຮັບໂດຍທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ທ່ານຮອງອະທິການບໍດີ, ຫົວໜ້າຫ້ອງການ, ຮອງຫົວໜ້າຫ້ອງການ ທີ່ຫ້ອງຮັບແຂກຕຶກສຳນັກງານອະທິການບໍດີ ມະຫາວິທະຍາໄລແຫ່ງຊາດ.

ໃນການຢ້ຽມຢາມ ແລະໂອ້ລົມໃນຄັ້ງນີ້ ແມ່ນເພື່ອສືບຕໍ່ສາຍພົວພັນການຮ່ວມມືທາງດ້ານວຽກງານການສຶກສາ ກໍ່ຄືທາງການທູດ ລະຫວ່າງລາວ- ສະຫະລັດອາເມລິກາ ເປັນຕົ້ນແມ່ນ ການແລກປ່ຽນຫຼັກສູດການຮຽນ-ການສອນ, ການຈັດຊຸດເຝິກອົບຮົມແກ່ພະນັກງານ-ຄູອາຈານ ແລະນັກສຶກສາໃຫ້ທຽບເທົ່າກັບລະດັບສາກົນ, ສ້າງຫ້ອງຮຽນຮູ້ພາສາອັງກິດທີ່ທັນສະໄໝ ໃຫ້ແກ່ຜູ້ທີ່ມີຄວາມສົນໃຈໃນການຮຽນພາສາອັງກິດ. ພ້ອມນັ້ນ ທ່ານ ນາງ ຣີນາ ບິດເຕີ ກໍຍັງສະແດງຄວາມຂອບໃຈຕໍ່ການຕ້ອນຮັບຈາກ ມະຫາວິທະຍາໄລແຫ່ງຊາດ ແລະທ່ານຍັງໄດ້ໃຫ້ຄຳໝັ້ນສັນຍາວ່າໃນຕໍ່ໜ້າການຮ່ວມມືຂອງ ມະຫາວິທະຍາໄລແຫ່ງຊາດ ກໍ່ຄື ສປປ ລາວ ກັບ ສະຫະລັດອາເມລິກາ ຍິ່ງຈະມີຄວາມແໜ້ນແຟ້ນຂຶ້ນກວ່າເກົ່າ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ທ່ານເອກອັກຄະລັດຖະທູດ ສະຫະລັດອາເມລິກາປະຈຳ ສປປ ລາວ ຢ້ຽມຢາມ ແລະໂອ້ລົມກັບຄະນະນຳ ມຊ

ການຮັບສະໝັກ

ທຶນການສຶກສາ