nuol.edu.la



ທ່ານອະດີດລັດຖະມົນຕີກະຊວງອຸດສາຫະກຳ ແລະພະລັງງານ ສ. ເກົາຫຼີ ພ້ອມດ້ວຍຄະນະ ຢ້ຽມຢາມ ມຊ

1498189210 tmp IMG 7337

ໃນວັນທີ 22 ມິຖຸນາ 2017, ທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ໄດ້ຕ້ອນຮັບການຢ້ຽມຢາມຂອງ ທ່ານ ປອ. ຈີຢູ ປາກ (Dr. Jeayoo Park) ອະດີດລັດຖະມົນຕີກະຊວງອຸດສາຫະກຳ ແລະພະລັງງານຈາກ ສ. ເກົາຫຼີ ພ້ອມດ້ວຍຄະນະ, ທີ່ຫ້ອງຮັບແຂກຕຶກສໍານັກງານອະທິການບໍດີ ມະຫາວິທະຍາໄລແຫ່ງຊາດ.

ໃນການຢ້ຽມຄັ້ງນີ້ ທ່ານ ປອ. ຈີຢູ ປາກ ກໍໄດ້ກ່າວສະແດງຄວາມຂອບໃຈຕໍ່ການຕ້ອນຮັບຂອງມະຫາວິທະຍາໄລແຫ່ງຊາດ, ພ້ອມທັງກ່າວຄຳຍ້ອງຍໍຊົມເຊີຍ ມະຫາວິທະຍາໄລແຫ່ງຊາດ ເປັນມະຫາວິທະຍາໄລສີຂຽວ ແລະມີປ່າໄມ້ທີ່ສວຍງາມເປັນທຳມະຊາດ; ສຳລັບຈຸດປະສົງຂອງການຢ້ຽມຢາມໃນຄັ້ງນີ້ແມ່ນເພື່ອປຶກສາຫາລືການຮ່ວມລະຫວ່າງ ສອງມະຫາວິທະຍາໄລກໍຄື ມະຫາວິທະຍາໄລແຫ່ງຊາດ ແລະມະຫາວິທະຍາໄລ ຮວານດົງ, ເວົ້າລວມເວົ້າສະເພາະກໍແມ່ນການຮ່ວມມືທາງດ້ານຫຼັກສູດການຮຽນ-ການສອນ ແລະການແລກປ່ຽນຄູອາຈານ.

ໂອກາດນີ້, ທ່ານ ສຈ. ປອ. ສົມສີ ຍໍພັນໄຊ ກໍໄດ້ກ່າວສະແດງຄວາມຍິນດີຕ້ອນຮັບ ພ້ອມທັງຍິນດີໃຫ້ການຮ່ວມເພື່ອເປັນການເສີມຂະຫຍາຍສາຍພົວພັນລະຫວ່າງ ລາວ ແລະເກົາຫຼີ. ຈາກນັ້ນ ທັງສອງຝ່າຍກໍໄດ້ມອບຂອງທີ່ລະນຶກໃຫ້ເຊິ່ງກັນ ແລະກັນ ແລະຮ່ວມຖ່າຍພາບອີກດ້ວຍ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ທ່ານອະດີດລັດຖະມົນຕີກະຊວງອຸດສາຫະກຳ ແລະພະລັງງານ ສ. ເກົາຫຼີ ພ້ອມດ້ວຍຄະນະ ຢ້ຽມຢາມ ມຊ

ການຮັບສະໝັກ

ທຶນການສຶກສາ