nuol.edu.la



ຄສສ ຈັດພິທີສະຫຼຸບບັ້ນເຝິກຫັດວິຊາຊີບຄູ ປະຈຳສົກຮຽນ 2016-2017

1498109394 tmp IMG 6425

ໃນວັນທີ 10 ມິຖຸນາ 2017 ທີ່ຜ່ານມາ, ຄະນະ ສຶກສາສາດ ມະຫາວິທະຍາໄລແຫ່ງຊາດ ໄດ້ຈັດພິທີ ສະຫຼຸບບັ້ນເຝິກຫັດວິຊາຊີບຄູ ປະຈຳສົກຮຽນ 2016-2017 ທີ່ສະໂມສອນໃຫ່ຍ ມະຫາວິະຍາໄລແຫ່ງຊາດ, ໂດຍການເປັນປະທານຂອງທ່ານ ຮສ. ປອ. ອາທິດອຸໄທ ຈະຕຸພອນໄຊ ວ່າການຄະນະບໍດີ ຄະນະ ສຶກສາສາດ, ທ່ານຮອງຄະນະບໍດີ, ແຂກທີ່ຖືກເຊີນ, ຫົວໜ້າຫ້ອງການ, ຮອງຫົວໜ້າຫ້ອງການ, ຫົວໜ້າພະແນກ, ພະນັກງານຄູ-ອາຈານ ແລະນັກສຶກສາປີສຸດທ້າຍຂອງ ຄະນະ ສຶກສາສາດ ເຂົ້າຮ່ວມ.

ໃນໂອກາດນີ້, ທ່ານ ຮສ. ປອ. ຄຳແສງ ທະລັງສີ ຮອງຄະນະບໍດີ ຄະນະສຶກສາສາດ ກໍໄດ້ຂຶ້ນຜ່ານບົດລາຍງານການເຝິກຫັດວິຊາຊີບຄູ ປະຈຳສົກຮຽນ 2016-2017 ໂດຍຫຍໍ້ວ່າ: ໃນສົກຮຽນ 2016-2017 ຄະນະ ສຶກສາສາດໄດ້ຈັດສົ່ງນັກສຶກສາປີສຸດທ້າຍຈຳນວນ 710 ຄົນ, ຍິງ 374 ຄົນ ລົງເຝິກຫັດວິຊາຊີບຄູ ຢູ່ໂຮງຮຽນມັດທະຍົມສົມບູນ ແລະມັດທະຍົມຕອນປາຍແຫ່ງຕ່າງໆ ຈຳນວນ 29 ຂະບວນ ເປັນເວລາ 3 ເດືອນ ປະກອບມີ: ແຂວງວຽງຈັນ 7 ຂະບວນ, ແຂວງບໍລິຄໍາໄຊ 6 ຂະບວນ, ແຂວງຄໍາມ່ວນ 3 ຂະບວນ ແລະແຂວງໄຊຍະບູລີ 5 ຂະບວນ; ການສົ່ງນັກສຶກສາລົງເຝິກງານກໍເພື່ອແນ່ໃສ່ ເຝິກຝົນນັກສຶກສາໃຫ້ມີປະສົບການໃນການແຕ່ງບົດສອນ, ການຂຶ້ນຫ້ອງສອນ ແລະມີຄວາມຄ່ອງແຄ້ວໃນເວລາສິດສອນ, ເຝິກໃຫ້ຮູ້ໜ້າທີ່ພື້ນຖານຂອງຄວາມເປັນຄູ ເພື່ອສ້າງຄວາມມັກຮັກ ແລະມີຈັນຍາບັນໃນວິຊາຊີບຄູ, ເຝິກໃຫ້ມີຄວາມຊຳນານ, ຄວາມສະຫຼາດ ແລະຄ່ອງແຄ້ວ, ສະນັ້ນ ໜ້າທີ່ຫຼັກໆຂອງການເຝິກຫັດແມ່ນແນ່ໃສ່ 3 ດ້ານຕົ້ນຕໍຄື: 1. ດ້ານວຽກງານສິດສອນ, 2. ດ້ານວຽກງານຄູປະຈຳຫ້ອງ, 3. ດ້ານວຽກງານພຶດຕິກຳ; ຜົນທີ່ໄດ້ຮັບໃນການລົງເຝິກຫັດວິຊາຊີບຄູຂອງນັກສຶກສາສາມາດສະຫຼຸບໄດ້ດັ່ງນີ້: ແຕ່ງບົດສອນໄດ້ 8,984 ບົດ, ນຳພານັກຮຽນເຄື່ອນໄຫວກິດຈະກຳກິລາ 158 ຄັ້ງ, ຖາມ-ຕອບວິທະຍາສາດ 17 ຄັ້ງ ແລະວຽກງານອື່ນໆ.

ໃນໂອກາດດຽວກັນ, ທ່ານ ຮສ. ປອ. ອາທິດອຸໄທ ຈະຕຸພອນໄຊ ວ່າການຄະນະບໍດີ ຄະນະ ສຶກສາສາດ ກໍຍັງໄດ້ກ່າວຄຳໂອວາດແກ່ນັກສຶກສາຄູປີສຸດທ້າຍ ວ່າ: ໃຫ້ນັກສຶກສາທຸກຄົນຈົ່ງເອົາໃຈໃສ່ບຸກບືນໃນການເຝິກຝົນຫຼໍຫຼ້ອມຕົນເອງໃຫ້ເປັນຄົນດີຂອງສັງຄົມ ເປັນພົນລະເມືອງດີຂອງຊາດ, ເອົາໃຈໃສ່ຕັ້ງໜ້າເຮັດໜ້າຕົນເອງໃຫ້ດີທີ່ສຸດ, ມີຈັນຍາບັນໃນຄວາມເປັນຄູ ແລະສິດສອນບັນດາລູກຫຼານນັກຮຽນທຸກຄົນໃຫ້ກາຍເປັນຄົນເກັ່ງ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄສສ ຈັດພິທີສະຫຼຸບບັ້ນເຝິກຫັດວິຊາຊີບຄູ ປະຈຳສົກຮຽນ 2016-2017

ການຮັບສະໝັກ

ທຶນການສຶກສາ