nuol.edu.la



ຄສສ ຈັດພິທີມອບ-ຮັບໃບຍ້ອງຍໍ ແກ່ຜູ້ມີຜົນງານດີເດັ່ນໄລຍະ 2013-2016 ແລະຄັດເລືອກປະທານ ຊາວໜຸ່ມຄູອາສາ

1496904070 tmp IMG 6170

ໃນຕອນບ່າຍ ວັນທີ 7 ມິຖຸນາ 2017ນີ້, ຮາກຖານຊາວໜຸ່ມ ຄະນະສຶກສາສາດ ມະຫາວິທະຍາໄລແຫ່ງຊາດ ໄດ້ຈັດພິທີມອບ-ຮັບໃບຍ້ອງຍໍແກ່ຜູ້ທີ່ມີຜົນງານດີເດັ່ນໄລຍະປີ 2013-2016 ແລະຄັດເລືອກປະທານຊາວໜຸ່ມຄູອາສາຊຸດໃໝ່ ປະຈຳປີ 2017 ທີ່ ຫ້ອງປະຊຸມຄະນະ ສຶກສາສາ ມະຫາວິທະຍາໄລແຫ່ງຊາດ, ໂດຍການເປັນປະທານຂອງ ທ່ານ ອຈ. ວິຊຽນ ທອງທະວີ ຄະນະພັກຮາກຖານ, ຮອງຄະນະບໍດີ ຄະນະສຶກສາສາດ ຜູ້ຊີ້ນຳວຽກງານ 3 ອົງການຈັດຕັ້ງມະຫາຊົນ, ສະຫາຍ ອຈ. ອານຸໄທ ສຸວັນດວນ ເລຂາຊາວໜຸ່ມຮາກຖານ ຄະນະ ສຶກສາສາດ ແລະຄະນະ, ບັນດາແຂກທີ່ຖືກເຊີນ ແລະສະມາຊິກຊາວໜຸ່ມຄະນະດັ່ງກ່າວເຂົ້າຮ່ວມ.          

ໃນທີ່ປະຊຸມໄດ້ມີການຜ່ານຂໍ້ຕົກລົງ ຮັບສະມາຊິກຊາວໜຸ່ມສົມບູນ ປະຈຳປີ 2016-2017; ມອບ-ຮັບໃບຍ້ອງຍໍໃຫ້ແກ່ສະມາຊິກຊາວໜຸ່ມ ຜູ້ທີ່ມີຜົນງານດີເດັ່ນໃນໄລຍະ 2013-2016 ທີ່ຜ່ານມາ ແລະໄດ້ປ່ອນບັດຄັດເລືອກເອົາຄະນະປະທານຊາວໜຸ່ມຄູອາສາຊຸດໃໝ່ ປະຈຳປີ 2017. ໃນພິທີ ສະຫາຍ ໂນວ່າ ຈັນໄຊ ສະມາຊິກຊາວໜຸ່ມຄູອາສາ ໄດ້ຂຶ້ນຜ່ານບົດສະຫຼຸບໃນໄລຍະປີ 2013-2016 ແລະຜ່ານຂໍ້ຕົກລົງມອບ-ຮັບໃບຍ້ອງຍໍ; ການມອບ-ຮັບໃບຍ້ອງຍໍໃນຄັ້ງນີ້ມີ 3 ປະເພດຄື: ໃບຍ້ອງຍໍຜູ້ທີ່ມີຜົນງານດີເດັ່ນໃນການປະກອບສ່ວນເຂົ້າໃນວຽກງານອາສາສະໝັກໄລຍະ 4 ປີ (2013-2016), ເຊິ່ງມີຜູ້ໄດ້ຮັບຍ້ອງຍໍຂັ້ນກະຊວງ ຈຳນວນ 44 ສະຫາຍ, ຂັ້ນມະຫາວິທະຍາໄລແຫ່ງຊາດ ຈຳນວນ 18 ສະຫາຍ ແລະຂັ້ນຮາກຖານຊາວໜຸ່ມ ຄະນະສຶກສາສາດອີກ ຈຳນວນ 17 ສະຫາຍ; ລວມຜູ້ໄດ້ຮັບໃບຍ້ອງຍໍທັງໝົດ 79 ສະຫາຍ.

ໂອກາດນີ້, ທ່ານ ອຈ. ວິຊຽນ ທອງທະວີ ຄະນະພັກຮາກຖານ, ຮອງຄະນະບໍດີ ຄະນະສຶກສາສາດ ໄດ້ກ່າວໂອ້ລົມຕໍ່ພິທີ, ເຊິ່ງທ່ານໄດ້ເນັ້ນໜັກຫຼາຍບັນຫາ ແກ່ສະມາຊິກຊາວໜຸ່ມ ໃຫ້ເອົາໃຈໃສ່ໃນການເສີມຂະຫຍາຍມູນເຊື້ອອັນດີງາມຂອງຊາວໜຸ່ມ ປະຊາຊົນປະຕິວັດລາວ ຄຽງຄູ່ກັບການຮັກສາຮີດຄອງປະເພນີ ອັນດີງາມຂອງຊາດລາວໄວ້, ມຸ່ງໝັ້ນເດີນຕາມແນວທາງການຊີ້ນຳໆພາຂອງພັກ ແລະລັດຖະບານ ເປັນຊາວໜຸ່ມທີ່ມີຄວາມຫ້າວຫັນໃນການປະຕິບັດວຽກງານ ແລະມີຄວາມຕື່ນຕົວຢູ່ຕະຫຼອດເວລາ. ພ້ອມກັນນັ້ນ, ທ່ານຍັງຮຽກຮ້ອງໃຫ້ ຊາວໜຸ່ມທຸກຄົນຈົ່ງ ບຸກບືນພັດທະນາຕົນເອງ ໃຫ້ມີຫົວຄິດປະດິດສ້າງ ເປັນດັ່ງແຂນຂວາຂອງພັກ ແລະເປັນສິນໄຊແຫ່ງຍຸກສະໄໝ ພ້ອມທັງເປັນແບບຢ່າງທີ່ດີໃຫ້ແກ່ໜູ່ເພື່ອນກໍ່ຄືສັງຄົມ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄສສ ຈັດພິທີມອບ-ຮັບໃບຍ້ອງຍໍ ແກ່ຜູ້ມີຜົນງານດີເດັ່ນໄລຍະ 2013-2016 ແລະຄັດເລືອກປະທານ ຊາວໜຸ່ມຄູອາສາ

ການຮັບສະໝັກ

ທຶນການສຶກສາ