nuol.edu.la



ກອງປະຊຸມໜ່ວຍພັກຫ້ອງການຈັດຕັ້ງ ແລະຄຸ້ມຄອງພະນັກງານ ແລະຫ້ອງການກວດກາ

1496288677 tmp IMG 4991

         ໃນຕອນບ່າຍ ວັນທີ 25 ພຶດສະພາ 2017ຜ່ານມານີ້, ຫ້ອງການຈັດຕັ້ງ ແລະຄຸ້ມຄອງພະນັກງານ ແລະຫ້ອງການກວດກາ ມະຫາວິທະຍາໄລແຫ່ງຊາດ ໄດ້ຈັດກອງປະຊຸມໜ່ວຍພັກຫ້ອງການຈັດຕັ້ງ ແລະຫ້ອງການກວດກາ ຄັ້ງທີ V ທີ່ຫ້ອງປະຊຸມ ຕຶກສໍານັກງານອະທິການບໍດີ ມະຫາວິທະຍາໄລແຫ່ງຊາດ, ໂດຍການເປັນປະທານຂອງສະຫາຍ ຮສ. ໂພສີ ທິບດາວັນ ຄະນະພັກມະຫາວິທະຍາໄລແຫ່ງຊາດ ເລຂາຄະນະພັກຮາກຖານສຳນັກງານອະທິການບໍດີ, ພ້ອມດ້ວຍແຂກທີ່ຖືກເຊີນ, ມີສະມາຊິກພັກຂອງຫ້ອງການຈັດຕັ້ງ ແລະຄຸ້ມຄອງພະນັກງານ ແລະຫ້ອງການກວດກາເຂົ້າຮ່ວມ.

          ກອງປະຊຸມຄັ້ງທີ V ຂອງໜ່ວຍພັກຫ້ອງການຈັດ ແລະກວດກາໄດ້ລົງມະຕິຮັບຮອງເອົາວຽກງານທີ່ສຳຄັນດັ່ງນີ້: ກອງປະຊຸມໄດ້ຄົ້ນຄວ້າປະກອບຄຳຄິດເຫັນໃສ່ຮ່າງມະຕິໃນແຕ່ລະດ້ານກ່ຽວກັບການກໍ່ສ້າງພະນັກງານ, ໃນນັ້ນໄດ້ຕິີລາຄາຂໍ້ຄົງຄ້າງ, ຈຸດດີ, ຈຸດອ່ອນ, ນອກນັ້ນ ຍັງໄດ້ເປັນເອກະພາບກັນຮັບຮອງເອົາການດຳເນີນງານດ້ານການເມືອງ ຍຸດທະສາດ 3 ປີໃນຕໍ່ໜ້າ ແຕ່ປີ 2017 ຫາ 2019. ກອງປະຊຸມໄດ້ຮັບເອົາການປະກອບຄຳຄິດເຫັນຈາກຜູ້ທີ່ເຂົ້າຮ່ວມ ເຊິ່ງໄດ້ສະແດງໃຫ້ເຫັນຄວາມເປັນເອກະພາບທາງດ້ານແນວຄິດການເມືອງ.

        ຈາກນັ້ນ ໃນທີ່ປະຊຸມໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ບົນພື້ນຖານການບໍລິຫານງານແບບລວມສູນປະຊາທິປະໄຕ ອັນຖືກຕ້ອງ ແລະສອດຄ່ອງກັບປະຊາມະຕິທີ່ໄດ້ກຳນົດໄວ້, ເຊິ່ງມີຜູ້ສະໝັກທັງໝົດ 5 ສະຫາຍ, ຍິງ 1 ສະຫາຍ, ເລືອກເອົາ 3 ສະຫາຍ ຍິງ 1 ສະຫາຍຄື: 1. ສະຫາຍ ຄຳພາ ຫວ່າງຫຼວງນະພາ ເປັນເລຂາໜ່ວຍພັກ ຫ້ອງການຈັດຕັ້ງ ແລະຄຸ້ມຄອງພະນັກງານ ແລະຫ້ອງການກວດກາ, 2. ສະຫາຍ ຄຳເຟືອງ ລໍວັນໄຊ ເປັນຮອງເລຂາໜ່ວຍພັກ ແລະ3. ສະຫາຍ ນາງ ທອງຈັນ ສີຊົມພູ ເປັນປະທານກວດກາພັກ. ໃນຕອນທ້າຍ ກອງປະຊຸມຍັງໄດ້ຮັບຟັງການໂອ້ລົມຈາກ ສະຫາຍ ຮສ. ໂພສີ ທິບດາວັນ ຄະນະພັກມະຫາວິທະຍາໄລແຫ່ງຊາດ ເລຂາຄະນະພັກຮາກຖານສຳນັກງານອະທິການບໍດີ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ການນຳພາຂອງຄະນະໜ່ວຍພັກຊຸດເກົ່າ ທີ່ໄດ້ນຳພາສະມາຊິກຍາດໄດ້ຜົນງານອັນໂດດເດັ່ນ, ພ້ອມນັ້ນກໍໄດ້ສະແດງຄວາມເປັນຫ່ວງເປັນໄຍ ແລະຮຽກຮ້ອງໃຫ້ຄະນະໜ່ວຍພັກຊຸດໃໝ່ ຈົ່ງເອົາໃຈໃສ່ຢ່າງຕັ້ງໜ້າປະຕິບັດໜ້າທີ່ຂອງຕົນ.  

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ກອງປະຊຸມໜ່ວຍພັກຫ້ອງການຈັດຕັ້ງ ແລະຄຸ້ມຄອງພະນັກງານ ແລະຫ້ອງການກວດກາ

ການຮັບສະໝັກ

ທຶນການສຶກສາ