nuol.edu.la



ຫ້ອງການຄຸ້ມຄອງນັກສຶກສາ ຈັດກິດຈະກຳນັກສຶກສາຫໍພັກ ປະຈຳສົກສຶກສາ 2016-2017

1496283607 tmp IMG 5149

           ເພື່ອເປັນການສ້າງບັນຍາກາດ ຜ່ອນຄາຍຄວາມອິດເມື່ອ ກໍຄືເປັນການເປີດໂອກາດ ໃຫ້ນັກສຶກສາ ທີ່ນອນໃນຫໍພັກ ວິທະຍາເຂດດົງໂດກ ມະຫາວິທະຍາໄລແຫ່ງຊາດໄດ້ພົບປະ-ແລກປ່ຽນຄໍາຄິດເຫັນ ແລະທັງເປັນການຮັດແໜ້ນຄວາມສາມັກຄີເຊິ່ງກັນ ແລະກັນໃຫ້ແໜ້ນແຟ້ນຍິ່ງຂຶ້ນນັ້ນ, ໃນວັນທີ 27 ພຶດສະພາ 2017 ນີ້, ຫ້ອງການຄຸ້ມຄອງນັກສຶກສາ ມະຫາວິທະຍາໄລແຫ່ງຊາດ ໄດ້ຈັດກິດຈະກິດຈະກຳນັກສຶກສາຫໍພັກ ປະຈຳສົກສຶກສາ 2016-2017 ຂຶ້ນທີ່ເດີ່ນຫຍ້າຫໍພັກນັກສຶກສາ ວິທະຍາເຂດດົງໂດກ, ໂດຍການເຂົ້າຮ່ວມຂອງທ່ານ ອຈ. ຄໍາແສນ ສຸດທະວົງ ວ່າການຫົວໜ້າຫ້ອງການຄຸ້ມຄອງນັກສຶກສາ, ມີຮອງຫົວໜ້າຫ້ອງການ, ຫົວໜ້າພະແນກ, ພະນັກງານຄູ-ອາຈານ, ນັກສຶກສາລາວ ແລະນັກສຶກສາຕ່າງປະເທດເຂົ້າຮ່ວມຢ່າງພ້ອມພຽງ.

           ໂອກາດນີ້, ທ່ານ ເປີ້ນ ອິນທະນໍ ຮອງຫົວໜ້າຫ້ອງການຄຸ້ມຄອງນັກສຶກສາ ໄດ້ຂຶ້ນກ່າວເປີດພິທີວ່າ: ກິດຈະກຳນີ້ ແມ່ນຈັດໃຫ້ແກ່ນັກສຶກສາທີ່ອາໄສຢູ່ໃນຫໍພັກ ທັງນັກສຶກສາລາວ ແລະນັກສຶກສາຕ່າງປະເທດ ທີ່ກໍາລັງສຶກສາຢູ່ໃນ ມະຫາວິທະຍາໄລແຫ່ງຊາດ; ທັງນີ້ກໍເພື່ອສ້າງຄວາມສາມັກຄີແກ່ນັກສຶກສາລາວ ແລະນັກສຶກສາຕ່າງປະເທດ, ເພື່ອເປັນການເສີມສ້າງສຸຂະພາບແຂງແຮງໃຫ້ແກ່ນັກສຶກສາ, ເພື່ອສ້າງບັນຍາກາດໃນການສຶກສາຮໍ່າຮຽນໃຫ້ມີຄວາມເບີກບານມ່ວນຊື່ນແກ່ນັກສຶກສາດ້ວຍກັນ; ຄືດັ່ງບັນດາທ່ານຮູ້ກັນແລ້ວວ່າການຈັດກິດຈະກຳແມ່ນເປັນອີກ 1 ໃນ 5 ຫຼັກມູນການສຶກສາ ທີ່ກະຊວງສຶກສາທິການ ແລະກີລາ ວາງອອກ ໃນການສ້າງຊັບພະຍາກອນມະນຸດທີ່ມີຄວາມຮູ້ຄວາມສາມາດ.

           ການຈັດກິດຈະກຳຄັ້ງນີ້ ມີ 6 ປະເພດຄື: ກີລາ ເປຕັງ(ຍິງ-ຊາຍ), ດຶງເຊືອກ (ຍິງ-ຊາຍ), ໂຍນປຸມເປົ້າຂ້າມຕານ່າງ (ຍິງ-ຊາຍ), ແລ່ນເປົາປ່ານ (ຍິງ-ຊາຍ), ແລ່ນປ່ຽນແພ (ຍິງ-ຊາຍ) ແລະ ປິດຕາຊອກບານ (ຍິງ-ຊາຍ), ເຊິ່ງບັນຍາກາດ ຈັດການແຂ່ງຂັນແມ່ນເຕັມໄປດ້ວຍຄວາມເບີກບານມ່ວນຊື່ນ, ນັກສຶກສາແຕ່ລະຄົນ ມີຄວາມສາມັກຄີເປັນນໍ້າໜຶ່ງໃຈດຽວ, ພາຍຫຼັງສຳເລັດການເຮັດກິດຈະກຳ ນັກສຶກສາ ແລະຄູອາຈານກໍໄດ້ຮ່ວມພາເຂົ້າສາມັກຄີ ແລະຟ້ອນລຳວົງລາວ ດ້ວຍຄວາມມ່ວນຊື່ນອີກດ້ວຍ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຫ້ອງການຄຸ້ມຄອງນັກສຶກສາ ຈັດກິດຈະກຳນັກສຶກສາຫໍພັກ ປະຈຳສົກສຶກສາ 2016-2017

ການຮັບສະໝັກ

ທຶນການສຶກສາ