nuol.edu.la



ກອງປະຊຸມສຳມະນາອາຊຽນປະຈຳປີ 2017 ໂຄງການ “ພັດທະນາຄວາມເຂັ້ມແຂງວິສະຫະກິດຂະໜາດນ້ອຍ ແລະຂະໜາດກາງໃນອາຊຽນ”

1496107783 tmp IMG 4916

ໃນວັນທີ 25 ພຶດສະພາ 2017ຜ່ານມານີ້, ຫ້ອງການຄົ້ນຄວ້າວິທະຍາສາດ ແລະບໍລິການວິຊາການ ຮ່ວມກັບອົງການ ASNEP, ASIA SEED ແລະ JAIF ໄດ້ຈັດກອງປະຊຸມ ສຳມະນາອາຊຽນປະຈຳປີ 2017, ໂຄງການ “ພັດທະນາຄວາມເຂັ້ມແຂງວິສະຫະກິດຂະໜາດນ້ອຍ ແລະຂະໜາດກາງໃນອາຊຽນ” ທີ່ໂຮງແຮມ ຄຣາວພຣາຊ່າ, ນະຄອນຫຼວງວຽງຈັນ, ໂດຍການເຂົ້າຮ່ວມເປັນປະທານຂອງທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ທ່ານ ສຈ. ປອ. ທາເກລຸ ໂອເຮະ ຮອງປະທານໂຄງການ ASNEP, ທ່ານຫົວໜ້າຫ້ອງການ, ຮອງຫົວໜ້າຫ້ອງການ, ຜູ້ຕາງໜ້າຈາກ 10 ປະເທດອາຊຽນ (ຫວຽດນາມ, ກຳປູເຈຍ, ມຽນມາ, ມາເລຍເຊຍ, ອິນໂດເນເຊຍ, ສິງກະໂປ, ໄທ, ບຣູໄນ, ຟີລິບປິນ ແລະລາວ), ມີແຂກທີ່ຖືກເຊີນ ແລະຜູ້ທີ່ກ່ຽວຂ້ອງເຂົ້າຮ່ວມ.

ໃນທີ່ປະຊຸມ, ທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ ໄດ້ຂຶ້ນກ່າວເປີດພິທີ, ເຊິ່ງທ່ານກ່າວບາງຕອນວ່າ: ຂ້າພະເຈົ້າໃນນາມຕາງໜ້າໃຫ້ແກ່ຄະນະນຳ ມະຫາວິທະຍາໄລແຫ່ງຊາດ ຂໍຖືເປັນກຽດຕ້ອນຮັບບັນດາທ່ານທີ່ເຂົ້າຮ່ວມກອງປະຊຸມໃນຄັ້ງນີ້ ແລະຫວັງຢ່າງຍິ່ງວ່າ ພວກເຮົາຈະໄດ້ຮັບການຮ່ວມມືຈາກພວກທ່ານໃນການພັດທະນາໂຄງການໃນອະນາຄົດ.

ກອງປະຊຸມສຳມະນາ ອາຊຽນປະຈຳປີ 2017 ໂຄງການ “ພັດທະນາຄວາມເຂັ້ມແຂງວິສະຫະກິດຂະໜາດນ້ອຍ ແລະຂະໜາດກາງໃນອາຊຽນ” ໂດຍຜ່ານການສົ່ງເສີມການສ້າງເຄື່ອຂ່າຍການສຶກສາ ດ້ານການປະກອບກິດຈະການ; ໄດ້ຮັບການສະໜັບສະໜູນຈາກອງທຶນການຮ່ວມມືຍີ່ປຸ່ນ-ອາຊຽນ ທີ່ໄດ້ຮັບການເຫັນດີຈາກອົງການ ວິສະຫະກິດຂະໜາດນ້ອຍ ແລະກາງອາຊຽນ ແລະຍີ່ປຸ່ນ. ຈຸດປະສົງຕົ້ນຕໍແມ່ນເພື່ອລາຍງານຄວາມຄືບໜ້າ ໂຄງການພັດທະນາຄວາມເຂັ້ມແຂງຂອງລັດວິສະຫະກິດຂະນາດນ້ອຍ ແລະຂະໜາດກາງໃນອາຊຽນ ໂດຍຜ່ານການສົ່ງເສີມເຄື່ຍຂ່າຍການສຶກສາດ້ານການປະກອບກິດຈະການ ແລະສົ່ງເສີມເຄື່ອຂ່າຍການສິດສອນສູນບົ່ມເພາະທຸລະກິດໃນບັນດາປະເທດສະມາຊິກອາຊຽນ. ການສຳມະນາຄັ້ງນີ້ ມີການລາຍງານຜົນຂອງການນຳໃຊ້ວິທີການເຝິກອົບຮົມວິສະຫະກິດຂະໜາດນ້ອຍ ແລະຂະໜາດກາງໃນອາຊຽນໂດຍຜ່ານວິທີຮຽນຮູ້ຈາກການໃຫ້ຄຳປຶກສາໃນ ສາມໂຄງການຄື: ການຝຶກອົບຮົມຜູ້ບໍລິຫານສູນບົ່ມເພາະທຸລະກິດ, ໂຄງການພັດທະນາຍຸດທະສາດ, ແລະ ການຮ່ວມມືທຸລະກິດສາກົນ. ໃນກອງປະຊຸມຄັ້ງນີ້ມີຜູ້ເຂົ້າຮ່ວມທັງໝົດ 64 ທ່ານ ຈາກ 10 ປະເທດໃນອາຊຽນ ທີ່ເປັນຕົວແທນຈາກພາກລັດ ແລະເອກະຊົນ, ສະຖາບັນການສຶກສາ ແລະພາກທຸລະກິດ; ກອງປະຊຸມດັ່ງກ່າວດຳເນີນເປັນເວລາ 2 ວັນຄື: 25-26 ພຶດສະພາ 2017.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ກອງປະຊຸມສຳມະນາອາຊຽນປະຈຳປີ 2017 ໂຄງການ “ພັດທະນາຄວາມເຂັ້ມແຂງວິສະຫະກິດຂະໜາດນ້ອຍ ແລະຂະໜາດກາງໃນອາຊຽນ”

ການຮັບສະໝັກ

ທຶນການສຶກສາ