nuol.edu.la



ພິທີປະຖົມນິເທດກ່ຽວກັບ ຮາງວັນຮອນດ້າ ສຳລັບນັກສຶກສາວິທະຍາສາດ ແລະວິສະວະກຳໜຸ່ມ

1495078679 tmp IMG 4378

           ໃນຕອນບ່າຍ ວັນທີ 17 ພຶດສະພາ 2017ນີ້, ທີ່ຄະນະ ວິສະວະກຳສາດ ມະຫາວິທະຍາໄລແຫ່ງຊາດ ໄດ້ຈັດພິທີປະຖົມນິເທດກ່ຽວກັບ ຮາງວັນຮອນດ້າ ສຳລັບນັກສຶກສາວິທະຍາສາດ ແລະວິສະວະກອນໜຸ່ມ, ໂດຍການເປັນປະທານ ຂອງ ທ່ານ ສຈ. ປອ. ບົວລິນ ສ້ອຍສຸວັນ ຄະນະບໍດີ ຄະນະວິສະວະກຳສາດ, ທ່ານ ຮສ.ປອ. ບຸນລ້ວນ ດ້ວງເງິນ ຜູ້ອຳນວຍການສະຖາບັນ ພັດທະນາຊັບພະຍາກອນມະນຸດ ລາວ-ຍີ່ປຸ່ນ, ຄະນະກຳມະການ ໂຄງການມູນນິທິຮອນດ້າ, ທ່ານຫົວໜ້າພາກວິຊາ, ພະນັກງານ, ຄູ-ອາຈານ ແລະນັກສຶກສາ ຄະນະດັ່ງກ່າວເຂົ້າຮ່ວມ.

          ໂອກາດນີ້, ທ່ານ ຮສ. ປອ. ບຸນລ້ວນ ດ້ວງເງິນ ຜູ້ອຳນວຍການສະຖາບັນ ພັດທະນາຊັບພະຍາກອນມະນຸດ ລາວ-ຍີ່ປຸ່ນ ໄດ້ເຜີຍແຜ່ກ່ຽວກັບປະຫວັດຄວາມເປັນມາຂອງ ຮາງວັນຮອນດ້າ ແລະວິທີການສະໝັກຮັບທຶນວ່າ: ຮາງວັນຮອນດ້າ ສຳລັບນັກວິທະຍາສາດ ແລະວິສະວະກອນໜຸ່ມ ເຊິ່ງໄດ້ເລີ່ມຕົ້ນໃນປີ 2006 ແລະມີຈຸດປະສົງເພື່ອເຮັດໃຫ້ຄົນຮຸ່ນໝຸ່ມ ຫັນມາເອົາໃຈໃສ່ເລື່ອງເທັກໂນໂລຊີກັບສິ່ງແວດລ້ອມອອ້ມຂ້າງໃຫ້ຫຼາຍຂຶ້ນ, ເພື່ອເປັນການເຊື່ອມໂຍງລະຫວ່າງຜູ້ນຳໃຊ້ເທັກໂນໂລຊີໃນອະນາຄົດຂອງປະເທດຍີ່ປຸ່ນ ແລະປະເທດອາຊຽນ ໃນຂົງເຂດວິທະຍາສາດ ແລະເທັກໂນໂລຊີ, ເຊິ່ງໂຄງການນີ້ໄດ້ເລີ່ມທຳອິດ ຢູ່ທີ່ ສສ. ຫວຽດນາມ ແລະປີ 2008 ທີ່ ສປປ ລາວ. ສຳລັບຜູ້ທີ່ຕ້ອງການຢາກສະໝັກທຶນດັ່ງກ່າວນີ້ ແມ່ນຕ້ອງເປັນນັກສຶກສາຂອງ ມະຫາວິທະໄລແຫ່ງຊາດ ທີ່ສຶກສາໃນຂະແໜງ ວິທະຍາສາດ ຫຼືເທັກໂນໂລຊີ. ພາຍຫຼັງສະໝັກ ຄະນະກຳມະການ ກໍມີການຄັດເລືອກເອົານັກສຶກສາເບື້ອງຕົ້ນ. ພາຍຫຼັງມີການຄັດເລືອກແລ້ວ ຜູ້ທີ່ໄດ້ຮັບຮາງວັນແມ່ນຈະໄດ້ຮັບຫຼຽນຮາງວັນຊະນະເລີດ ພ້ອມໃບຢັ້ງຢືນ ແລະເງິນ ຈຳນວນ 3,000 ໂດລາ.

          ຈາກນັ້ນ, ໃນພິທີ ກໍໄດ້ມີການເປີດໂອກາດໃຫ້ນັກສຶກສາທີ່ມີຄວາມສົນໃຈ ໃນການເຂົ້າຮ່ວມໂຄງການດັ່ງກ່າວ ໄດ້ຕັ້ງຄຳຖາມ ສົນທະນາ-ແລກປ່ຽນຄໍາຄິດເຫັນ ກັບຄະນະ ກຳມະການໂຄງການ ອີກດ້ວຍ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີປະຖົມນິເທດກ່ຽວກັບ ຮາງວັນຮອນດ້າ ສຳລັບນັກສຶກສາວິທະຍາສາດ ແລະວິສະວະກຳໜຸ່ມ

ການຮັບສະໝັກ

ທຶນການສຶກສາ