nuol.edu.la



ງານຕະຫຼາດນັດສະໝັກງານ ປະຈຳສົກສຶກສາ 2016-2017

1495075855 tmp IMG 4281

           ໃນຕອນເຊົ້າ ວັນທີ 17 ພຶດສະພາ 2017, ມະຫາວິທະຍາໄລແຫ່ງຊາດ ໄດ້ຈັດງານຕະຫຼາດນັດສະໝັກງານ ປະຈຳສົກສຶກສາ 2016-2017 ທີ່ສະໂມສອນໃຫ່ຍ ມະຫາວິທະຍາໄລແຫ່ງຊາດ, ໂດຍການເປັນປະທານຂອງທ່ານ ສຈ. ປອ. ສົມສີ ຍໍພັນໄຊ ວ່າການ ອະທິການບໍດີ ມະຫາວິທະຍາໄລແຫ່ງຊາດ ພ້ອມດ້ວຍ ທ່ານຫົວໜ້າຫ້ອງການ, ຮອງຫົວໜ້າຫ້ອງການ, ແຂກທີ່ຖືກເຊີນ, ຜູ້ຕາງໜ້າຈາກທະນາຄານການຄ້າຕ່າງປະເທດລາວ, ບໍລິສັດຫ້າງຮ້ານຕ່າງໆ ແລະນັກສຶກສາເຂົ້າຮ່ວມ.

          ໃນໂອກາດນີ້, ທ່ານ ສຈ. ປອ. ສົມສີ ຍໍພັນໄຊ ວ່າການ ອະທິການບໍດີ ມະຫາວິທະຍາໄລແຫ່ງຊາດ ໄດ້ໃຫ້ກຽດຂຶ້ນກ່າວເປີດພິທີວ່າ: ກ່ອນອື່ນ ກໍຂໍຊົມເຊີຍມາຍັງຫ້ອງການຄຸ້ມຄອງນັກສຶກສາ ມະຫາວິທະຍາໄລແຫ່ງຊາດ ທີ່ໄດ້ສົມທົບກັບຫຼາຍພາກສ່ວນໃນການຈັດງານຕະຫຼາດນັດສະໝັກງານໃນຄັ້ງນີ້, ດັ່ງທີ່ຮູ້ແລ້ວວ່າ ມະຫາວິທະຍາໄລແຫ່ງຊາດມີການພັດທະນາຫຼັກສູດການຮຽນ-ການສອນ ເພື່ອເນັ້ນໃສ່ການພັດທະນາຊັບພະຍາກອນມະນຸດໃຫ້ມີຄຸນນະພາບ ແລະສາມາດຕອບສະໝອງຕາມຄວາມຮຽກຮ້ອງຕ້ອງການຂອງສັງຄົມ ເປັນຕົ້ນແມ່ນຂະແໜງເສດຖະກິດທີ່ກຳລັງຕ້ອງການບຸກຄາລາກອນຈຳນວນຫຼາຍໃນການພັດທະນາ.

          ໃນການຈັດງານຕະຫຼາດນັດສະມັກງານນຄັ້ງນີ້ແມ່ນມີຫ້າງຮ້ານ ແລະບໍລິສັດທີ່ມາເປີດວູດຮັບສະໝັກພະນັກງານຈຳນວນ 20 ກວ່າບູດ ແລະງານຄັ້ງນີ້ກໍໄດ້ຮັບການສະໝັບສະໝູນຈາກຫຼາຍພາກສ່ວນຄື: ບໍລິສັດລັດວິສະຫະກິດລາວໂທລະຄົມ ສະໜັບສະໜູນປ້າຍ ແລະນໍ້າດື່ມ ຈຳນວນ 11 ແກັດ; ທະນາຄານການຄ້າຕ່າງປະເທດລາວ ສະໜັບສະໜູນເງິນ ຈຳນວນ 5.000.000 ກີບ, ງານດັ່ງກ່າວໄດ້ຈັດຂຶ້ນເປັນເວລາສອງວັນ ເລີ່ມແຕ່ທີ 17-18 ພຶດສະພາ 2017.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ງານຕະຫຼາດນັດສະໝັກງານ ປະຈຳສົກສຶກສາ 2016-2017

ການຮັບສະໝັກ

ທຶນການສຶກສາ