nuol.edu.la



ກໍາມະບານ ມຊ ຫວນຄືນມູນເຊື້ອວັນກໍາມະກອນສາກົນ ຄົບຮອບ 131 ປີ

1494475683 tmp IMG 38388

   ສະຫະພັນກໍາມະບານ ມະຫາວິທະຍາໄລແຫ່ງຊາດ (ມຊ) ໄດ້ຈັດງານສະເຫຼີມສະຫຼອງ ແລະລະນຶກມູນເຊື້ອວັນກຳມະກອນສາກົນ ຄົບຮອບ 131 ປີ(ວັນທີ 1 ພຶດສະພາ 1886-1 ພຶດສະພາ 2017), ພິທີໄດ້ຈັດຂຶ້ນ ໃນຕອນເຊົ້າວັນທີ 10 ພຶດສະພາ 2017 ນີ້, ທີ່ສະໂມສອນໃຫຍ່ ມະຫາວິທະຍາໄລແຫ່ງຊາດ, ໂດຍໃຫ້ກຽດເຂົ້າຮ່ວມປະທານຂອງສະຫາຍ ສຈ. ປອ. ສົມສີ ຍໍພັນໄຊ ເລຂາຄະນະພັກ, ວ່າການແທນອະທິການບໍດີ ມະຫາວິທະຍາໄລແຫ່ງຊາດ, ສະຫາຍ ຮສ. ອານຸໂລມ ວິໄລພອນ ປະທານສະຫະພັນກໍາມະບານ ມຊ, ມີບັນດາຫົວໜ້າຫ້ອງການ-ຮອງຫົວໜ້າຫ້ອງການ, ຜູ້ອໍານວຍການສະຖາບັນ, ສູນ, ຫໍສະໝຸດກາງ, ໂຮງໝໍ, ໂຮງຮຽນ, ມີບັນດາຜູ້ຕາງໜ້າ ຈາກພາກສ່ວນຕ່າງໆ ທີ່ກ່ຽວຂ້ອງໃນນະຄອນຫຼວງວຽງຈັນ, ມີບັນດາປະທານ-ຮອງປະທານ 16 ຮາກຖານກໍາມະບານທີ່ຂຶ້ນກັບ ມຊ, ພ້ອມດ້ວຍຕົວແທນສະມາຊິກກໍາພາກສ່ວນພະນັກງານ ຄູ, ອາຈານ ແລະ ນັກສຶກສາເຂົ້າຮ່ວມ 900 ກວ່າສະຫາຍ.

           ໂອກາດນີ້ ສະຫາຍ ສຈ.ປອ. ສົມສີ ຍໍພັນໄຊ ໄດ້ເລົ່າເຖິງປະຫວັດ, ຄວາມເປັນມາ ແລະມູນເຊື້ອວັນກຳມະກອນສາກົນ; ເຊິ່ງບາງຕອນທ່ານກ່າວວ່າ: ກ່ອນໜ້ານີ້ 131 ປີ ຄືວັນທີ 1 ພຶດສາພາ 1886 ເປັນວັນທີ່ມີຄວາມໝາຍສຳຄັນ ສຳລັບຊົນຊັ້ນກຳມະກອນ ແລະຊາວຜູ້ອອກແຮງງານໃນທົ່ວໂລກ, ເຊິ່ງເປັນວັນທີ່ຊົນຊັ້ນກຳມະກອນໄດ້ເຕົ້າໂຮມ ແລະສາມັກຄີກັນລຸກຮື້ຂຶ້ນຕໍ່ຕ້ານການກົດຂີ່ຂູດຮີດທວງເອົາສິດທິພື້ນຖານ ຂອງພົນລະເມືອງ ແລະຜົນປະໂຫຍດອັນຊອບທຳຂອງຕົນຈາກພວກນາຍທຶນ. ເຊິ່ງໄດ້ເລີ່ມເກີດຂຶ້ນຢູ່ທີ່ປະເທດສະຫະລັດອາເມຣິກາ, ຖະແຫຼງການຂອງພວກຊົນຊັ້ນກຳມະກອນຮຽກຮ້ອງໃຫ້ນາຍທຶນ ກຳນົດໃຫ້ກຳມະກອນ ເຮັດວຽກ 8 ຊົ່ວໂມງ, 8 ຊົ່ວໂມງພັກຜ່ອນ ແລະ 8 ຊົ່ວໂມງຮໍ່າຮຽນ, ເຊິ່ງໃນມື້ດັ່ງກ່າວນັ້ນ, ກຳມະກອນໄດ້ນັດຢຸດງານ 5.000 ແຫ່ງ.

            ໃນຕົວເມືອງໃຫຍ່ທົ່ວອາເມຣິກາ ແລະມີກຳມະກອນເຂົ້າຮ່ວມຫຼາຍກວ່າ 500.000 ຄົນ. ສະນັ້ນ, ວັນທີ 1 ພຶດສະພາ 1886 ຈຶ່ງເປັນກະແສຟອງວັນໃຫຍ່ຫຼວງ ແລະແຂງແຮງເປັນກຳລັງໃຈໃຫ້ແກ່ຊົນຊັ້ນກຳມະກອນໃນທົ່ວໂລກ,  ທັງເປັນບາດກ້າວຂະຫຍາຍຕົວແຫ່ງໄຊຊະນະໃນຂະບວນການຕໍ່ສູ້ເພື່ອປົກປ້ອງສິດ ແລະຜົນປະໂຫຍດອັນຊອບທຳຂອງຕົນແລະມີການສະເຫຼີມສະຫຼອງຢ່າງຍິ່ງໃຫຍ່ກາຍເປັນປາງບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ.ເຖິງຢ່າງໃດກໍຕາມ, ປະຫວັດສາດຄວາມເປັນມາ, ຄວາມໝາຍຄວາມສຳຄັນຂອງວັນ ກຳມະກອນສາກົນ ລວມໄປເຖິງການເຕີບໃຫຍ່ຂະຍາຍຕົວຂອງຊົນຊັ້ນກຳມະກອນທົ່ວໂລກ ແລະ ມູນເຊື້ື້ອ-ທາດແທ້ ແລະຜົນງານການເຄື່ອນໄຫວຂອງຊົນຊັ້ນກຳມະກອນລາວ ໃນການປະກອບສ່ວນ ເຂົ້າໃນພາລະກິດປະຕິວັດ ຕໍ່ສູ້ປົດປ່ອຍຊາດ ກໍຄືການປົກປັກຮັກສາ ແລະສ້າງສາພັດທະນາປະເທດຊາດ ໃຫ້ມີຄວາມຈະເລີນກ້າວໜ້າຕະຫຼອດໄລຍະທີ່ຜ່ານມາ.

ພາບບັນຍາກາດ

 

ທ່ານກຳລັງຢູ່ທີ່: Home ຂ່າວ ກໍາມະບານ ມຊ ຫວນຄືນມູນເຊື້ອວັນກໍາມະກອນສາກົນ ຄົບຮອບ 131 ປີ

ການຮັບສະໝັກ

ທຶນການສຶກສາ