nuol.edu.la



ຄະນະນຳ ມະຫາວິທະຍາໄລແຫ່ງຊາດ ເຂົ້າອວຍພອນທ່ານ ຮອງປະທານປະເທດ, ບັນດາທ່ານລັດຖະມົນຕີກະຊວງຕ່າງໆ ແລະປະທານສະຖາບັນ ເນື່ອງໂອກາດບຸນປີໃໝ່ລາວ

IMG 0234

           ເພື່ອເປັນການສະແດງເຖິງຄວາມຮູ້ບຸນຄຸນ ຕໍ່ການຊີ້ນຳໆພາໃນການປະຕິບັດວຽກງານຕ່າງໆທັງໄດ້ອຸດທິດເຫື່ອແຮງ, ສະຕິປັນຍາໃນການຊີ້ນໍາໆພາ, ພັດທະນາມະຫາວິທະຍາໄລແຫ່ງຊາດຕະຫຼອດໄລຍະຜ່ານມານັ້ນ, ໃນລະຫວ່າງວັນທີ 6-11 ເມສາ​ 2017, ຄະນະນຳມະຫາວິທະຍາໄລແຫ່ງຊາດໄດ້ເຂົ້າອວຍພອນ ທ່ານ ປອ. ພັນຄຳ ວິພາວັນ ເລຂາທິການສູນກາງພັກ ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດແຫ່ງ ສປປ ລາວ ທີ່ຫ້ອງຮັບແຂກ ສຳນັກງານປະທານປະເທດ, ທ່ານ ສຈ. ປອ. ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະເຕັັກໂນໂລຊີ ທີ່ຫ້ອງຮັບແຂກກະຊວງວິທະຍາສາດ ແລະເຕັັກໂນໂລຊີ, ທ່ານ ສຈ. ປອ. ບໍ່ແສງຄຳ ວົງດາລາ ລັດຖະມົນຕີກະຊວງ ຖະແຫຼງຂ່າວ ວັດທະນະທຳ ແລະທ່ອງທ່ຽວ, ປະທານສະພາ ມະຫາວິທະຍາໄລແຫ່ງຊາດ ທີ່ຫ້ອງຮັບແຂກ ກະຊວງຖະແຫຼງຂ່າວ ວັດທະນະທຳ ແລະທ່ອງທ່ຽວ, ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ທີ່ຫ້ອງຮັບແຂກກະຊວງການຕ່າງປະເທດ, ທ່ານ ຄຳໝັ້ນ ສູນວິເສດ ລັດຖະມົນຕີກະຊວງພາຍໃນ ທີ່ກະຊວງພາຍໃນ, ທ່ານ ສຈ. ປອ. ສຸກກົງແສງ ໄຊຍະເລີດ ປະທານ ສະຖາບັນຄົ້ນຄວ້າວິທະຍາສາດ ແລະສັງຄົມແຫ່ງສາດ ທີ່ຫ້ອງຮັບແຂກສະຖາບັນຄົ້ນຄວ້າວິທະຍາສາດ ແລະສັງຄົມແຫ່ງຊາດ. ທ່ານ ຈັນສະໝຸດ ແກ້ວສຸດທາ ຫົວໜ້າຫ້ອງການຈັດຕັ້ງ ແລະຄຸ້ມຄອງ ພະນັກງານ ກະຊວງສຶກສາທິການ ແລະກີລາ ທີ່ຫ້ອງການຈັດຕັ້ງກະຊວງສຶກສາທິການ ແລະກີລາ.

          ໃນການເຂົ້າອວຍພອນທ່ານ ຮອງປະທານປະເທດ, ບັນດາທ່ານລັດຖະມົນຕີກະຊວງຕ່າງໆ ແລະປະທານສະຖາບັນ ກໍເພື່ອເປັນການສະແດງເຖິງຄວາມຮູ້ບຸນຄຸນ ທີ່ທ່ານໄດ້ປະກອບສ່ວນເຫື່ອແຮງ ແລະສະຕິປັນຍາເຂົ້າໃນການພັດທະນາ ມະຫາວິທະຍາໄລແຫ່ງຊາດ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄະນະນຳ ມະຫາວິທະຍາໄລແຫ່ງຊາດ ເຂົ້າອວຍພອນທ່ານ ຮອງປະທານປະເທດ, ບັນດາທ່ານລັດຖະມົນຕີກະຊວງຕ່າງໆ ແລະປະທານສະຖາບັນ ເນື່ອງໂອກາດບຸນປີໃໝ່ລາວ

ການຮັບສະໝັກ

ທຶນການສຶກສາ