nuol.edu.la



ຄະນະນໍາ, ພະນັກງານ, ຄູ-ອາຈານ ກະຊວງສຶກສາທິການ ແລະກີລາ ໄດ້ຮັບການຍ້ອງຍໍ ຈາກຜົນງານດີເດັ່ນ ປະກອບສ່ວນເຂົ້າໃນກອງປະຊຸມ ສຸດຍອດອາຊຽນ

17820716 1795610120758543 270605851 o

          ວັນທີ 5 ເມສາ 2017 ນີ້, ທີ່ຫ້ອງປະຊຸມ ສູນຮ່ວມມືສາກົນ ແລະການເຝິກອົບຮົມ ICTC ນະຄອນຫຼວງວຽງຈັນ, ກະຊວງການຕ່າງປະເທດຮ່ວມກັບ ກະ

ຊວງພາຍໃນ ໄດ້ຈັດພິທີສະຫຼຸບ ແລະຊົມເຊີຍຜົນສໍາເລັດການເປັນປະທານອາຊຽນ ແລະເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 28-29 ແລະກອງປະຊຸມ

ສຸດຍອດທີ່ກ່ຽວຂ້ອງ ປີ 2016 ຂອງ ສປປ ລາວ. ໂດຍມີ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາລັດຖະມົນຕີ, ຮອງລັດຖະມົນຕີ, ຄະນະ ແລະອະນຸກໍາມະການ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

         ທ່ານ ສະເຫຼີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ໄດ້ກ່າວວ່າ: ການເປັນປະທານອາຊຽນ ແລະເປັນເຈົ້າພາບຈັດກອງປະຊຸມ ສຸດຍອດອາຊຽນ ຄັ້ງທີ 28-29 ແລະກອງປະຊຸມສຸດຍອດທີ່ກ່ຽວຂ້ອງ ປີ 2016 ຂອງ ສປປ ລາວ ແມ່ນມີຜົນສໍາເລັດຢ່າງຈົບງາມ ແລະຮອບດ້ານ ທັງທາງດ້ານເນື້ອໃນ, ການຈັດຕັ້ງ-ພິທີການ ປ້ອງກັນຊາດ-ປ້ອງກັນຄວາມສະຫງົບ ການເມືອງ ເສດຖະ

ກິດ ແລະວັດທະນະທໍາ, ບັນດາຜົນສໍາເລັດທີ່ຍາດມາໄດ້ສ່ວນໜຶ່ງ ແມ່ນຍ້ອນພວກເຮົາໄດ້ຮັບການຮ່ວມມື ສະໜັບ-ສະໜູນ ແລະຊ່ວຍເຫຼືອ ຈາກປະເທດສະມາຊິກອາຊຽນ ຄູ່ເຈລະຈາ, ຄູ່ຮ່ວມມືພາຍນອກ, ປະເທດເພື່ອນມິດ, ອົງການຈັດຕັ້ງພາກພື້ນ ແລະສາກົນ; ແຕ່ອັນສໍາຄັນທີ່ສຸດແມ່ນຍ້ອນການຊີ້ນໍາໆພາຢ່າງໃກ້ຊິດ ຂອງພັກ-ລັດ, ໂດຍສະເພາະ ກົມການເມືອງສູນກາງພັກ ແລະຄວາມສາມັກຄີ ນໍ້າໃຈຮັບຜິດຊອບຂອງບັນດາ ອະນຸກໍາມະການ ກໍຄື ພະນັກງານ, ທະຫານ, ຕໍາຫຼວດ ລວມເຖິງນັກທຸລະກິດ-ຊາວຄ້າຂາຍ ແລະປະຊາຊົນລາວທົ່ວປະເທດ ທີ່ໄດ້ປະກອບ

ສ່ວນຢ່າງຫ້າວຫັນ ແລະຮ່ວມແຮງ ຮ່ວມໃຈກັນເປັນເຈົ້າພາບທີ່ດີ. ເຮັດໃຫ້ການເປັນປະທານອາຊຽນ ແລະເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 28-29 ແລະກອງປະຊຸມສຸດຍອດທີ່ກ່ຽວຂ້ອງ ປີ 2016 ຂອງ ສປປ ລາວ ຈຶ່ງມີຜົນສໍາເລັດດັ່ງກ່າວ.

        ທ່ານ ທອງລຸນ ສີສຸລິດ ກໍໄດ້ໃຫ້ກຽດໂອ້ລົມຕໍ່ພິທີ, ເຊິ່ງທ່ານໄດ້ກ່າວບາງຕອນວ່າ: ການເປັນປະທານອາຊຽນ ແລະເປັນເຈົ້າພາບຈັດກອງປະຊຸມສຸດຍອດອາຊຽນ ຄັ້ງທີ 28-29 ແລະກອງປະຊຸມສຸດຍອດທີ່ກ່ຽວຂ້ອງ ປີ 2016 ຂອງ ສປປ ລາວ ເປັນການຍົກສູງຖານະ ບົດບາດ ຂອງ ສປປ ລາວ ໃນເວທີພາກພື້ນ ແລະສາກົນໃຫ້ສູງເດັ່ນຂຶ້ນ, ພວກເຮົາຈົ່ງພ້ອມກັນສືບຕໍ່ຈັດຕັ້ງຜັນຂະຫຍາຍ ຜົນສໍາເລັດຂອງກອງປະຊຸມສຸດຍອດອາຊຽນ ຄັ້ງທີ 28-29 ແລະກອງປະຊຸມສຸດຍອດທີ່ກ່ຽວຂ້ອງ ລວມທັງຜົນຂອງການຕົກລົງ ສອງຝ່າຍໃຫ້ເປັນຮູບປະທໍາ ເພື່ອນໍາເອົາຜົນປະໂຫຍດສູງສຸດ ມາສູ່ ສປປ ລາວ. ພ້ອມນີ້, ທ່ານ ຍັງໄດ້ສະແດງຄວາມຂອບໃຈ ແລະຍ້ອງຍໍຊົມເຊີຍ ມາຍັງພະນັກງານ, ທະຫານ, ຕໍາຫຼວດ, ນັກທຸລະ

ກິດ-ຊາວຄ້າຂາຍ ແລະປະຊາຊົນລາວ ທົ່ວປະເທດ ທີ່ໄດ້ປະກອບສ່ວນຢ່າງຫ້າວ

ຫັນ ແລະຮ່ວມແຮງ ຮ່ວມໃຈກັນເປັນເຈົ້າພາບທີ່ດີ, ຂອບໃຈປະເທດສະມາຊິກ ປະເທດອາຊຽນ, ຄູ່ເຈລະຈາ ແລະບັນດາປະເທດເພື່ອນມິດ ທີ່ໃຫ້ການຮ່ວມມື ຊ່ວຍເຫຼືອ ແລະສະໜັບສະໜູນ ອັນໄດ້ເຮັດໃຫ້ມີຜົນສໍາເລັດຈົບງາມ.

         ຈາກນັ້ນ ກໍໄດ້ປະດັບຫຼຽນໄຊແຮງງານຊັ້ນ II ໃຫ້ 3.109 ທ່ານ ແລະ 37 ກົມກອງ, ຫຼຽນໄຊແຮງງານຊັ້ນ III ໃຫ້ 4.382 ທ່ານ ແລະ6 ກົມກອງ, ຫຼຽນ

ກາແຮງງານ ໃຫ້ 2.880 ທ່ານ ແລະ 1 ກົມກອງ ແລະມອບໃບຍ້ອງຍໍ ລັດຖະ

ບານ 2.711 ທ່ານ ແລະ 2 ກົມກອງ, ຫຼຽນກາແຮງງານໃຫ້ 4 ບໍລິສັດ ແລະໃບຍ້ອງບໍລັດຖະບານ 12 ບໍລິສັດ ທີ່ມີຜົນງານດີເດັ່ນປະກອບສ່ວນເຂົ້າໃນການເປັນປະທານອາຊຽນ ປີ 2016 ຂອງ ສປປ ລາວ ໄດ້ຮັບຜົນສໍາເລັດຢ່າງຈົບງາມ ແລະຮອບດ້ານ. ເຊິ່ງໃນນີ້, ມີຄະນະນໍາ, ພະນັກງານ, ຄູ-ອາຈານ ກະຊວງສຶກສາທິການ ແລະກີລາ ແລະມະຫາວິທະຍາໄລແຫ່ງຊາດ ໄດ້ຮັບຫຼຽນໄຊແຮງງານ ຊັ້ນ II ຈໍານວນ 3 ທ່ານ, ຫຼຽນໄຊແຮງງານຊັ້ນ III ຈໍານວນ 7 ທ່ານ, ຫຼຽນກາແຮງງານ ຈໍານວນ 12 ທ່ານ ແລະໄດ້ຮັບໃບຍ້ອງບໍລັດຖະບານ 20 ທ່ານ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄະນະນໍາ, ພະນັກງານ, ຄູ-ອາຈານ ກະຊວງສຶກສາທິການ ແລະກີລາ ໄດ້ຮັບການຍ້ອງຍໍ ຈາກຜົນງານດີເດັ່ນ ປະກອບສ່ວນເຂົ້າໃນກອງປະຊຸມ ສຸດຍອດອາຊຽນ

ການຮັບສະໝັກ

ທຶນການສຶກສາ