nuol.edu.la



ຄະນະນໍາ ມຊ. ເຂົ້າຮ່ວມກິດຈະກໍາ “ການກ້າວເຂົ້າສູ່ ອາຊຽນຂອງວັດທະນະທໍາຈີນ”

17813708 1795709274081961 1503041736 n

              ໃນຕອນເຊົ້າວັນທີ 4 ເມສາ 2017 ຜ່ານມານີ້, ທ່ານ ສຈ.ປອ. ສົມສີ ຍໍພັນໄຊ ວ່າການແທນອະທິການບໍດີ ມຊ. ພ້ອມດ້ວຍຄະນະອໍານວຍການສະຖາບັນຂົງຈື, ຫົວໜ້າຫ້ອງການ, ພະນັກງານທີ່ກ່ຽວຂ້ອງ ແລະຕົວແທນນັກສຶກສາ ມຊ. ເຂົ້າຮ່ວມກິດຈະກໍາທີ່ມີຊື່ວ່າ: “ການກ້າວເຂົ້າສູ່ອາຊຽນຂອງວັດທະນະທໍາຈີນ”, ທີ່ຫ້ອງປະຊຸມໂຮງແຮມດອນຈັນພາເລດ, ນະຄອນຫຼວງວຽງຈັນ; ໂດຍການເປັນເຈົ້າພາບຮ່ວມລະຫວ່າງ ສໍານັກພິມຈໍາໜ່າຍຄວາມຮູ້ຮອບໂລກ ກະຊວງການຕ່າງປະເທດຈີນ ແລະສູນວັດທະນະທໍາຈີນ ປະຈໍາ ສປປ ລາວ ຈັດຂຶ້ນ.

               ການຈັດກິດຈະກໍາຄັ້ງນີ້ຂຶ້ນ, ກໍເພື່ອເປັນການແລກປ່ຽນວັດທະນະທໍາສາກົນແບບໃໝ່, ໂດຍໄດ້ນໍາເອົາວັດທະນະທໍາຈີນບູຮານທີ່ມີຜົນງານຈໍານວນໜຶ່ງກ້າວເຂົ້າສູ່ອາຊຽນ ເຊິ່ງໄດ້ນໍາໃຊ້ອຸປະກອນຂອງສໍານັກພິມຄວາມຮູ້ຮອບໂລກ ແລະສິລະປະວັດທະນະທໍາທ້ອງຖິ່ນທີ່ມີຢ່າງຫຼວງຫຼາຍ, ກິດຈະກໍາຄັ້ງນີ້ ແມ່ນຖືການເສີມສ້າງກໍາລັງເຜີຍແຜ່ ວັດທະນະທໍາຈີນ ແລະເປີດກວ້າງຮູບແບບຂອງການພັດທະນາອຸດສາຫະກໍາ, ວັດທະນະທໍາເປັນເປົ້າໝາຍ, ໄດ້ຖືການແນະນໍາ ມໍລະດົກວັດທະນະທໍາ ທີ່ບໍ່ມີຕົວຕົນລະດັບຊາດເປັນຫຼັກ. ຊຶ່ງໄດ້ລວມທັງການສະແດງຕັດເຈ້ຍ, ແຕ້ມຮູບທີ່ພິມຈາກແມ່ພິມທີ່ແກະສະຫຼັກ, ການເຮັດວ່າວ, ແກະສະຫຼັກໝາກນໍ້າເຕົ້າ ແລະການຂຽນຕົວໜັງສືຈີນແບບມີລັກສະນະຄ້າຍຄືຮູບພາບ ແລະອື່ນໆ; ນອກຈາກນີ້, ຍັງມີການວາງສະແດງປຶ້ມທີ່ມີເນື້ອໃນກ່ຽວກັບການພົວພັນການຕ່າງປະເທດ, ວັດທະ

ນະທໍາ, ໄວເດັກ ແລະອື່ນໆ ທັງໝົດ 400 ກວ່າຫົວ, ມີຜົນງານການຂຽນຕົວພາສາຈີນ ແລະການແຕ້ມຮູບທັງໝົດ 50 ກວ່າແຜ່ນ. ພ້ອມດຽວກັນກໍຍັງມີການປາຖະກະ

ຖາ ທີ່ຖືວັດທະນະທໍາຂອງຮູບແຕ້ມສີນໍ້າມັນ ກັບເພດຍິງ ແລະກຸ່ມໄວໜຸ່ມ ເປັນຫົວຂໍ້ສະເພາະ ແລະວຽກງານອື່ນໆອີກ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ຄະນະນໍາ ມຊ. ເຂົ້າຮ່ວມກິດຈະກໍາ “ການກ້າວເຂົ້າສູ່ ອາຊຽນຂອງວັດທະນະທໍາຈີນ”

ການຮັບສະໝັກ

ທຶນການສຶກສາ