nuol.edu.la



ພິທີປາຖະກະຖາໃນຫົວຂໍ້ “ການບໍລິຫານຊັບພະຍາກອນນໍ້າ ແລະການຮ່ວມມືຂອງບັນດາປະເທດລຸ່ມແມ່ນໍ້າຂອງ”

1490843374 tmp IMG 2748

            ໃນຕອນບ່າຍ ວັນທີ 29 ມີນາ 2017, ອົງການລຸ່ມແມ່ນນໍ້າຂອງ (Mekong River Commission Secretariat) ຫຼື MRC ໄດ້ຈັດພິທີ ປາຖະກະຖາ ໃນຫົວຂໍ້ “ການບໍລິຫານຊັບພະຍາກອນນໍ້າ ແລະຮ່ວມມືຂອງບັນດາປະເທດລຸ່ມແມ່ນໍ້າຂອງ” ທີ່ ຫ້ອງປະຊຸມ ສະໂມສອນ ມະຫາວິທະຍາໄລແຫ່ງຊາດ, ໂດຍການເປັນກຽດເຂົ້າຮ່ວມຂອງທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ, ທ່ານ ອານຸລັກ ກິດຕິກຸນ ຫົວໜ້າແຜນຍຸດທະສາດ ແລະການຮ່ວມມື, ກຳມາທິການແມ່ນໍ້າຂອງສາກົນ, ພ້ອມດ້ວຍແຂກທີ່ຖືກເຊີນ, ພະນັກງານຄູ-ອາຈານ, ນັກສຶກສາ ຈາກຄະນະ ຊັບພະຍາກອນນໍ້າ, ຄະນະ ວິທະຍາສາດສັງຄົມ, ຄະນະ ວິທະຍາສາດປ່າໄມ້ ແລະຄະນະ ກະສາດສາດ ກໍໄດ້ເຂົ້່າຮ່ວມ.

 ໃນໂອກາດນີ້, ທ່ານ ສຈ. ປອ. ສົມສີ ຍໍພັນໄຊ ວ່າການອະທິການບໍດີ ມະຫາວິທະຍາໄລແຫ່ງຊາດ ກໍໄດ້ຂຶ້ນກ່າວເປີດພິທີວ່າ: ດັ່ງທີ່ຮູ້ແລ້ວວ່າ ໃນການນໍາໃຊ້ ແລະພັດທະນາ ແມ່ນນໍ້າຂອງ ແບບຍືນຍົງແມ່ນຕ້ອງເລີ່ມຈາກການວາງແຜນ, ຫຼັງຈາກນັ້ນກໍເຂົ້າສູ່ການ ຈັດຕັ້ງປະຕິບັດ ແລະຄຸ້ມຄອງ, ການບໍລິຫານຈັດການ, ເຊິ່ງທັງໝົດແມ່ນລ້ວນແຕ່ກ່ຽວຂ້ອງກັບບັນດາ 6 ປະເທດທີ່ແມ່ນໍ້າຂອງໄຫຼ່ຜ່ານ. ດັ່ງນັ້ນ, ຫວັງວ່າໃນການບັນຍາຍຄັ້ງນີ້ຂອງອົງການລຸ່ມແມ່ນໍ້າຂອງ ແມ່ນຈະສາມາດໃຫ້ຂໍ້ມູນທີ່ດີໃຫ້ແກ່ຄູອາຈານ, ນັກສຶກສາ ໃນການສຶກສາຄົ້ນຄວ້າ ຢ່າຫຼວງຫຼາຍ.

 ການບັນຍາຍໃນຄັ້ງນີ້ແມ່ນ ທ່ານ ອານຸລັກ ກິດຕິກຸນ ຫົວໜ້າແຜນຍຸດທະສາດ ແລະການຮ່ວມມື, ກຳມາທິການແມ່ນໍ້າຂອງສາກົນ ເປັນຜູ້ຂຶ້ນບັນຍາຍ ເຊິ່ງທ່ານໄດ້ຍົກໃຫ້ເຫັນໜ້າທີ່ ແລະພາລະບົດບາດຂອງອົງການລຸ່ມແມ່ນໍ້າຂອງໃນການປະສານງານ, ຄຸ້ມຄອງ ແລະການພັດທະນາແມ່ນໍ້າຂອງແບບຍືນຍົງ ແກ່ບັນດາປະເທດທີ່ນໍາໃຊ້ແມ່ນໍ້າຂອງ, ປັດຈຸບັນ ອົງການລຸ່ມແມ່ນໍ້າຂອງ ມີສະມາຊິກທັງໝົດ 4 ປະເທດຄື: ລາວ, ຫວຽດນາມ, ກຳປູເຈຍ ແລະໄທ, ມີ 2 ປະເທດຄູ່ຮ່ວມເຈລະຈາ ຄື: ມຽນມາ ແລະຈີນ. ແມ່ນໍ້າຂອງມີລວງຍາວທັງໝົດ 5,000 KM. ໄຫຼ່ຜ່ານ 6 ປະເທດຄື: ລາວ, ໄທ, ຫວຽດນາມ, ມຽນມາ, ກຳປູເຈຍ ແລະຈີນ, ປັດຈຸບັນແຕ່ລະປະເທດແມ່ນໄດ້ນຳໃຊ້ແມ່ນໍ້າຂອງໃນການ ກະສິກຳ, ການປະມົງ, ການຄົມມະນາຄົມ-ຂົນສົ່ງ ແລະສ້າງເຂື່ອນໄຟຟ້າ. ໃນແຜນອານາຄົດຕໍ່ໜ້າ ອົງການລຸ່ມແມ່ນໍ້າຂອງແມ່ນຍັງຈະສືບຕໍ່ຄຸ້ມຄອງ, ກວດກາການນໍ້າໃຊ້ແມ່ນໍ້າຂອງ ເພື່ອສຶກສາຜົນໄດ້ຮັບຈາກການພັດທະນາດັ່ງກ່າວ.

ພາບບັນຍາກາດ

ທ່ານກຳລັງຢູ່ທີ່: Home ຂ່າວ ພິທີປາຖະກະຖາໃນຫົວຂໍ້ “ການບໍລິຫານຊັບພະຍາກອນນໍ້າ ແລະການຮ່ວມມືຂອງບັນດາປະເທດລຸ່ມແມ່ນໍ້າຂອງ”

ການຮັບສະໝັກ

ທຶນການສຶກສາ