nuol.edu.la



ງານແຂ່ງຂັນເວົ້າພາສາຈີນຄັ້ງທີ 12 ໃນຫົວຂໍ້ “ຄວາມຝັນເປັນແສງສະຫວ່າງໃນອະນາຄົດ”

CVIMG 4313

         ໃນຕອນເຊົ້າ ວັນທີ 17 ພຶດສະພາ 2017, ສະຖາບັນຂົງຈື ແລະ ຄະນະ ອັກສອນສາດ ພາກວິຊາພາສາຈີນ ມະຫາວິທະຍາໄລແຫ່ງຊາດ ໄດ້ຈັດງານການແຂ່ງຂັນເວົ້າພາສາຈີນ ໃນຫົວຂໍ້ “ຄວາມຝັນເປັນແສງສະຫວ່າງໃນອະນາຄົດ” ຄັ້ງທີ 12 ທີ່ຫ້ອງປະຊຸມສະໂມສອນ ມະຫາວິທະຍາໄລແຫ່ງຊາດ, ໂດຍການເປັນກຽດເຂົ້າຮ່ວມຂອງທ່ານ ຮສ. ປອ. ນາງ ສົມຈັນ ບຸນພັນມີ ຮອງອະທິການບໍດີ ມະຫາວິທະຍາໄລແຫ່ງຊາດ, ທ່ານ ຫົງຈຽນ ຕາງໜ້າອຸບປະທູດ ສປ ຈີນ ປະຈຳລາວ, ທ່ານ ຮສ. ອາລຸນ ສີລັດຕະນະກຸນ ຄະນະບໍດີ ຄະນະອັກສອນສາດ, ພ້ອມດ້ວຍທ່ານ ຫົວໜ້າຫ້ອງການ, ຮອງຫົວໜ້າຫ້ອງການ, ແຂກທີ່ຖືກເຊີນ, ຫົວໜ້າພາກວິຊາ ຈາກຄະນະອັກສອນສາດ ແລະນັກສຶກສາ ເຂົ້າຮ່ວມ.

          ໂອກາດນີ້, ທ່ານ ຫົງຈຽນ ຕາງໜ້າອຸບປະທູດ ສປ ຈີນ ປະຈຳລາວ ກໍໄດ້ຂຶ້້ນກ່າວມີຄວາມເຫັນຕໍ່ການຈັດງານຄັ້ງນີ້ວ່າ: ການຈັດງານແຂ່ງຂັນເວົ້າພາສາຈີນໃນຄັ້ງທີ 12 ນີ້, ແມ່ນການຮ່ວມມືລະຫວ່າງ ສະຖານທູດ ສປ ຈີນ ແລະມະຫາວິທະຍາໄລແຫ່ງຊາດ, ເພື່ອເປັນການຊູ້ຍູ້ການຮ່ວມ, ໄມຕີຈິດ ໃນຂົງເຂດການສຶກສາ ແລະການແລກປ່ຽນວັດທະນະທຳ ລະຫວ່າງ ສອງປະເທດ ລາວ-ຈີນ, ໂດຍຜ່ານການຮໍ່າຮຽນພາສາຈີນ ເພື່ອກາຍເປັນຜູ້ປົກປັກຮັກສາ, ຜູ້ສົ່ງເສີມ ແລະຜູ້ສືບທອດ ການຮວ່ມມືຂອງສອງປະເທດ, ທັງເປັນປະກອບສ່ວນເຂົ້າໃນການຊຸກຍູ້ໃຫ້ການພົວພັນພັນ, ການຮ່ວມມື ລະຫວ່າງສອງລັດ ກໍຄືສອງປະເທດ ລາວ-ຈີນ ໄດ້ມີການຂະຫຍາຍຕົວຍິ່ງໆຂຶ້ນໄປ.

          ໃນການແຂ່ງຂັນເວົ້າພາສາຈີນໃນຄັ້ງນີ້, ມີຜູ້ເຂົ້າຮ່ວມການແຂ່ງຂັນທັງໝົດ 11 ຄົນ (ນັກສຶກສາຈາກ ສະຖາບັນຂົງຈື 1 ຄົນ ແລະນັກສຶກສາຈາກ ພາກວິຊາ ພາສາຈີນ 10 ຄົນ), ການແຂ່ງຂັນແບ່ງເປັນສອງຮອບຄື: ຮອບທີ 1 ຜູ້ເຂົ້າແຂ່ງຂັນ ໄດ້ເວົ້າບົດຄວາມທີ່ເປັນພາສາຈີນ ແລະຮອບທີ 2 ແມ່ນການສະແດງຄວາມສາມາດຂອງຜູ້ເຂົ້າແຂ່ງຂັນ ທີ່ກ່ຽວຂ້ອງກັບວັດທະນະທຳການເປັນຢູ່ຂອງ ປະຊາຊົນ ສປ ຈີນ; ພາຍຫຼັງການແຂ່ງຂັນ ຮາງວັນຊະນະເລີດໄດ້ແກ່ ນາງ ຄຳມະນີ ຢາຈົງວາ ໄດ້ຮັບໃບຢັ້ງຢືນ ແລະຮາງວັນຈາກບໍລິສັດ ຫົວເວີຍ, ອັນດັບທີ 2 ໄດ້ແກ່ ທ້າວ ສຸກສະຫວາດ ເທບພະວົງ ແລະນາງ ນາລີທໍ່ ຢົ້ວຈໍ່ ໄດ້ຮັບໃບຢັ້ງຢືນ ແລະຮາງວັນຈາກບໍລິສັດ ຫົວເວີຍ, ສ່ວນຮາງວັນ ການເວົ້າດີເດັ່ນໄດ້ແກ່ ນາງ ໄມເຊ່ຍທ່າວ ເຈີຈີງ ໄດ້ຮັບໃບຢັ້ງຢືນ ແລະຮາງວັນຈາກບໍລິສັດ ຫົວເວີຍ.

ພາບບັນຍາກາດ

ທ່ານກຳລັງຢູ່ທີ່: Home ກົດລະບຽບຂອງນັກສຶກສາມະຫາວິ ທະຍາໄລແຫ່ງຊາດ ງານແຂ່ງຂັນເວົ້າພາສາຈີນຄັ້ງທີ 12 ໃນຫົວຂໍ້ “ຄວາມຝັນເປັນແສງສະຫວ່າງໃນອະນາຄົດ”

ການຮັບສະໝັກ

ທຶນການສຶກສາ